Rektor va yoshlar uchrashuvi

Chirchiq davlat pedagogika universiteti rektori, Oʻzbekiston Respublikasi fan arbobi G‘ofurjon Muxamedov o‘quv yil davomida yoshlar bilan muntazam muloqotlar tashkil etib kelmoqda.

Kecha tashkil etilgan “Rektor va yoshlar” uchrashuvi ana shunday tadbirlarning mantiqiy davomi boʻldi, desak, ayni haqiqat.

Tadbirda G‘ofurjon Muxamedov taʼkidlaganidek, isteʼdodli yoshlar mamlakat umidi, millat tayanchidir. CHDPUda ularni har tomonlama qoʻllab-quvvatlash va ragʻbatlantirishga alohida eʼtibor qaratilmoqda. Bu esa iqtidorli yoshlar safining yildan yilga kengayishiga yoʻl ochmoqda.

Ayni paytda mazkur universitet talabalari orasida Olimpiada va Jahon, Osiyo hamda mamlakat chempionlari, Xalqaro fan olimpiadalari va tanlovlar gʻoliblari, Prezident hamda davlat stipendiyalari sohiblari, shuningdek, ilmiy maqolalari, badiiy asarlari nashr etilgan isteʼdodli yoshlar talaygina.

Tadbirda joriy o‘quv yilida faollik ko‘rsatib, turli yo‘nalishlarda yuqori ko‘rsatkichlarga erishib kelayotgan talabalarga pul mukofotlari sertifikatlari topshirildi.

Universitet Axborot xizmati