Turizm mamlakatshunosligi
QR kod:
Yuklab olishlar
Sizga havola qilinadigan darslik jahon turizmining muhim qirralaridan biri bo’lgan mamlakatlarda turizmni rivojlanish imkoniyatlari, ularda turizm uchun yaratilgan shart – sharoitlar, rivojlanish omillari, turizm industriyasi va infratuzilmasi holatlarini tahlil qilishga qaratilgandir. Har bir mamlakatda turizm o’zining ko’p qirrali tarkibi bilan jamiyat hayotining barcha sohalariga faol ta’sir o’tkazib kelmoqda. U iqtisodiyotning barcha sohalarida rivojlantirishga imkon tug’diradi. Jumladan, transport tarmoqlari, aloqa, yo’l qurilishi, mehmonxonalar, umumiy ovqatlanish korxonalari, kommunal xo’jaligi, maishiy xizmat ko’rsatish, servis sohasi, savdo tarmoqlari va h.k. Turizmni rivojlantirish bir vaqtning o’zida o’ziga xos dam olish, hordiq chiqarish, ko’ngil ochar maskanlar industriyasini tashkil etib, o’z o’rnida sayyohlarga sifatli xizmat ko’rsatish bilan bog’liq bir qator sohalarni qamrab olgandir. Turizm o’zida jahon iqtisodiyotining murakkab va majmuaviy sohalarini mujassam etganki, bu butun
jahon xo’jaligiga sezilarli ta’sir o’tkazadi. Alohida mamlakatlar xo’jaligiga ham, hududlarga ham u birday tegishli. Ayrim mamlakatlarda xalqaro turizm valyuta
tushumlarining yagona manbai hisoblanadi. Uning sharofati bilan iqtisodiy taraqqiyot yuqori darajasi va xalq turmush farovonligi qo’llab-quvvatlanib turiladi. U xizmatlar bilim sohasining xizmat ko’rsatish ta’lim sohasining 71010401 – Turizm (faoliyat turlari bo’yicha) magistratura mutaxassisligi talabalariga mo’ljallangan.
