Anjumanning maqsadi - zamonaviy biologik tadqiqotlar va tabiiy fanlarni o‘qitishdagi dolzarb muammolarni tahlil qilish hamda ularni hal etishda genetika, genomika, molekulyar biologiya va bioinformatika yutuqlariga asoslangan innovatsion yondashuvlarni ishlab chiqishdan iborat. Shuningdek, biotexnologiya va bioinjeneriya asosida barqaror mahsulotlar yaratish, bioxilma-xillik va genofondni saqlash, biologik resurslardan oqilona foydalanish, mikrobiologiya, virusologiya va immunologiyadagi muammolarni o‘rganish hamda fan-ta’lim integratsiyasi va raqamli pedagogik texnologiyalar bo‘yicha ilmiy ishlanmalarni muhokama qilish va ilmiy hamkorlikni rivojlantirish ko‘zda tutiladi.

Anjumanning ilmiy yo‘nalishlari:

1-sho‘ba: Zamonaviy biologik tadqiqotlarda genetika, genomika, proteomika, metabolomika, molekulyar biologiya va bioinformatika yutuqlaridan foydalanish masalalari;

2-sho‘ba: Biotexnologiya va bioinjeneriyaning qishloq xo‘jaligi hamda sanoatda qo‘llanilishi, ekologik toza va barqaror mahsulotlar ishlab chiqarishning innovatsion usullari;

3-sho‘ba: Bioxilma-xillikni saqlash, o‘simliklar, odam va hayvonlar fiziologiyasi hamda biotibbiyotning dolzarb masalalari, biologik resurslardan oqilona foydalanish istiqbollari;

4-sho‘ba: Biologiya va tabiiy fanlarni o‘qitishda fan–ta’lim integratsiyasi, raqamli va innovatsion pedagogik texnologiyalarni joriy etishning dolzarb muammolari hamda rivojlanish istiqbollari;

5-sho‘ba: Mikrobiologiya, virusologiya va immunologiyada dolzarb muammolar: molekulyar diagnostika usullari hamda mikroorganizmlarning ekologik tizimdagi o‘rni.

Konferensiya materiallariga qo‘yiladigan talablar va ularni

qabul qilish muddati

Konferensiyada ishtirok etish uchun tashkiliy qo‘mitaning elektron pochta d.jovliyeva@cspu.uz manziliga yoki quyidagi telegram https://t.me/+TkLN8b90JmEwYWIy orqali joriy yilning 1 may kuniga qadar 1-ilovada keltirilgan shaklni to‘ldirib, maqolani 2-ilovaga muvofiq rasmiylashtirilgan holda yuborish so‘raladi. Yuborilayotgan fayl nomida maqola birinchi muallifining familiyasi lotin harflarida chiziqcha orqali va seksiya raqami yoziladi: (Jovliyeva-2).

Har bir muallifga elektron shaklda sertifikat, maqolaning pdf varianti taqdim etiladi. Konferensiya materiallari to‘plam holatda elektron va bosma nashr etiladi.

Konferensiyaga taqdim etilgan materiallarning mazmun va mohiyati uchun mualliflar javobgar. Ilmiy qo‘mita maqolalarni tahrir qilish huquqiga ega. Konferensiyaning talablariga javob bermaydigan va belgilangan muddatdan kechikib yuborilgan maqolalar rad etiladi.

Konferensiya materiallarini rasmiylashtirish qoidalari. Yuborilgan materiallar konferensiyaning asosiy mavzu yo‘nalishlariga mos kelishi kerak. 

Maqolalar quyidagi tartibda rasmiylashtirilishi zarur:

1. Maqola nomi (o‘rtada, bosh harflarda, qalin shriftda);

2. Muallif(lar) ismi va otasining ismi (bosh harflari), familiyasi (to‘liq), 

o‘rtada, kichik harflarda, qalin shriftda;

3. Tashkilotning to‘liq nomi, davlat nomi;

4. Tegishli muallifning e-mail manzili;

5. Annotatsiya (50 so‘zdan oshmasligi zarur, faqat ingliz tilida);

6. Kalit so‘zlar (5 so‘z bo‘lishi shart, faqat ingliz tilida);

7. Maqolaning asosiy matni (1-3 bet);

8. Foydalanilgan adabiyotlar ro‘yxati.

Maqola matnini rasmiylashtirish qoidalari. Matn redaktori – Microsoft Word; Format – RTF (docx); Shrift o‘lchami – 12; Shrift – Times New Roman; Qatorlar oralig’i interval –1; Xat boshi – 1,25 sm. Sahifa parametrlari: chapdan 3,0 sm; o‘ngdan 2,0 sm; yuqori va pastdan 2,5 sm. Matn sahifalari raqamlanmaydi. Formula va lotincha (tur, avlod va boshq.) nomlanishlar kursivda yoziladi. Grafik materiallar (rasm, diagramma, sxema va boshq.) yuqori sifatli bo‘lishi zarur. Grafik materiallar soni 4 tadan va jadvallar 3 tadan ortiq bo‘lmasligi tavsiya etiladi. Maqola matni 1-3 betgacha bo‘lishi kerak.

Adabiyot manbalariga havola oddiy qavs ichida muallif va nashr yili ko‘rsatilgan holda yoziladi. Masalan: bir  muallif – (Temirbekov , 2018); ikki muallif – (Esbergenov va Qurbanbaev, 2012); ikkidan ortiq muallif – (Embergenov va boshq., 2020). Foydalanilgan adabiyotlar ro‘yxati alifbo tartibida maqola oxirida beriladi. Adabiyotlar soni 10 tadan ortmasligi lozim.

Maqolani chop etish uchun to‘lov mavjud. Har bir maqola va tezis uchun mahalliy ishtirokchilardan 80 000 so‘m, xorijlik ishtirokchilardan 25 AQSH dollari (USD) to‘lovi olinadi. Mualliflar tomonidan quyidagi hisob raqamiga pul to‘lovni amalga oshirish so‘raladi:

euro : 400910978274197094100072001, 

dollar ($): 400910840274197094100072001

so‘m: 400110860274197094100072003

To‘lovdan keyin chekni yuborishingizni so‘raymiz.

Materialni rasmiylashtirish uchun namuna

ATMOSFERA HAVOSINI IFLOSLANTIRUVCHI ASOSIY ABIOTIK OMILLAR VA ULARNING TURLARI

F.J.Qudratova^1*, A.Salim²

¹Chirchiq davlat pedagogika universiteti, Toshkent viloyati, O‘zbekiston 

²Ege universiteti, Turkiya

*E-mail: d.qudratova@gmail.com

Abstract: (ingliz tilida, 50 so‘zdan oshmasin)

Key words: (ingliz tilida, 5 so‘z bo‘lishi shart)

Asosiy matn: (1-3 betgacha)

Foydalanilgan adabiyotlar ro‘yxati

(alifbo tartibida, raqamlanmaydi)