Talabalarimiz "Ma’rifat maydoni" tanlovining hududiy bosqichi g‘olibi

     “Ma’rifat maydoni” ko‘rik-tanlovining hududiy bosqichi yakuniga yetdi. Ushbu nufuzli tanlovda oliy ta’lim muassasalari jamoalari bilimdonlik, badiiy mahorat va jamoaviy ishlash borasida o‘z salohiyatlarini namoyon etdilar.    
     Yakuniy natijalarga ko‘ra, Chirchiq davlat pedagogika universitetining “Hurriyat” jamoasi g‘oliblikni qo‘lga kiritdi! Jamoamiz tanlov davomida chuqur bilim, ijodiy yondashuv va mustahkam jamoaviy birdamlikni namoyish etib, eng yuqori natijaga erishdi.    
     Mazkur bosqichda Toshkent davlat agrar universiteti, Toshkent iqtisodiyot va pedagogika universiteti hamda Toshkent davlat texnika universiteti Olmaliq filiali jamoalari ham ishtirok etishdi. Barcha ishtirokchilar bilim va mahoratlarini sinovdan o‘tkazib,  yuqori darajadagi raqobat muhitini yaratdilar.    

     Oldinda jamoamizni yanada mas’uliyatli sinovlar – mintaqaviy va respublika bosqichlari kutmoqda. Ularga tayyorgarlik jadal davom etmoqda va biz jamoamizning keyingi bosqichlarda ham munosib natijalar ko‘rsatishiga ishonamiz.

 Universitet Axborot xizmati