Anjumanda qatnashish uchun pedagogika yo‘nalishida ta’lim oluvchi talabalar, magistrantlar, doktorantlar, professor-o‘qituvchilar va boshqa ta’lim sohasi vakillari taklif etiladi.
Ko'proq bilish
Zamonaviy ta’lim tizimi va ko‘p tarmoqli ilmiy izlanishlarning istiqboldagi rivojlanish vektorlarini chuqur tahlil qilish hamda amaliy tavsiyalar ishlab chiqish, shuningdek, maktabgacha va boshlang‘ich ta’limda sun’iy intellekt ko‘nikmalarini shakllantirishdan iborat.
ANJUMANNING ASOSIY YO‘NALISHLARI:
1. Maktabgacha va boshlang‘ich ta’limda sun’iy intellekt ko‘nikmalarini shakllantirish.
2. Raqamli transformatsiya sharoitida ta’lim tizimini modernizatsiya qilish: sun’iy intellekt, innovatsion texnologiyalar va kreativ yondashuvlar.
3. O‘quv jarayonida sun’iy intellekt texnologiyalaridan foydalanish metodikasi.
4. Ta’lim tizimini rivojlantirishning innovatsion yondashuvlari.
Biz bilan bog'lanish
Tezis matni hajmi kamida 3-5 bet, Microsoft Word matn muharriri yordamida, Times News Roman shriftida, 14 o‘lchamda, A-4 format qog‘ozda, 1,5 intervalda, yuqori va pastdan 2 sm, o‘ngdan 1,5 sm va chapdan 3 sm joy qoldirilgan holda tayyorlanishi lozim. Tezis matni sarlavhasining ust qismida muallif(lar)ning ismi, sharifi va familiyasi, ilmiy darajasi, ish joyi ko‘rsatiladi, sarlavhadan so‘ng bir interval tashlab, asosiy matn keltiriladi. Adabiyotlarni joylashtirish tartibi: tezisning oxirida foydalanilgan adabiyotlar ro‘yxati keltiriladi. Tezis matnida adabiyotlarga iqtibos kvadrat qavs ichida adabiyotning tartib raqami, nuqtali verguldan so‘ng sahifa raqamini ko‘rsatish bilan beriladi [1; 25-b.]. Sahifa ostida matndan so‘ng beriladigan iqtibos man etiladi. Elektron ko‘rinishdagi fayl nomi birinchi muallifning familiyasi va sho‘ba raqamidan iborat bo‘lishi kerak. Masalan: 2-sho‘ba. Ochilov F.I.doc. Fayl *doc formatida saqlanishi kerak.
Manzil
Tashkiliy qo‘mita manzili: Toshkent viloyati Chirchiq shahri, Temiryo‘lchilar ko‘chasi, Chirchiq davlat pedagogika universiteti, Maktabgacha va boshlang‘ich ta’lim fakulteti.
Mo‘ljal: Chirchiq shahri Soliq inspeksiyasi binosi yonida.