"Tasviriy san’at va dizayn" kafedrasi

Kafedraning tashkil etilgan yili va rivojlanish tarixi Tasviriy san’at va dizayn kafedrasi 2019-yil 31-avgustda Chirchiq davlat pedagogika instituti rektorining 01-642-sonli buyrug‘i asosida “Tasviriy san’at” nomi bilan tashkil etilgan. 2022-yil 29-avgustda Chirchiq davlat pedagogika universiteti rektorining 01-215-sonli buyrug‘i bilan “Tasviriy san’at” kafedrasi “Tasviriy san’at va dizayn” nomi bilan qayta shakllantirildi. Bugungi kunda kafedrada jami 16 nafar professor-o‘qituvchi, jumladan, 1 nafar p.f.n., professor, 1 nafar p.f.f.d., PhD, professor, 1 nafar p.f.f.d., PhD, dotsent, 4 nafar dotsent, 3 nafar katta o‘qituvchi, 6 nafar o‘qituvchilar faoliyat olib bormoqda.

Kafedraning maqsadi va vazifalari Kafedraning asosiy maqsadi va vazifalari ilg‘or ta’lim, fan va innovatsion texnologiyalarni integratsiyasi asosida kafedraning mahalliy va xalqaro miqyosdagi nufuzini oshirishdan iborat. Shuningdek:

• Ta’limda integratsiya tamoyili orqali kafedra bitiruvchilarining bitiruv malakaviy ishlarini fanlararo integratsiya orqali bajarishni yo‘lga qo‘yish, ta’limni yangi bosqichga olib chiqish.
• “Ustoz-shogird” an’analari asosida individual ta’limni tashkil etish, mustaqil ta’lim orqali talabalarning kasbiy-ijodiy bilim olishlarini faollashtirish.
• Pedagogik ta’lim innovatsion klasterining amaldagi tadbig‘i bo‘yicha ilmiy-tadqiqot olib borish.
• Mutaxassislik fanlaridan talabalar kasbiy kompetentligini rivojlantirishga qaratilgan innovatsion, interaktiv pedagogik texnologiyalar va zamonaviy metodikalar asosida ta’lim dasturlarini yangilab takomillashtirib borish.
• Mutaxassislik fanlarini faollashtirish, optimallashtirish, modernizatsiyalash va raqamlashtirib borish.
• Kelajak tendensiyalari va talablari asosida yuqori malakali xorijiy pedagogik kadrlarni tayyorlash.
• Mutaxassislik fanlarini o‘qitishda klaster modeli va STEAM integratsiyasi orqali ta’lim sifatini oshirish.
• Ta’lim yo‘nalishi imkoniyatidan kelib chiqib BMI (Bitiruv Malakaviy Ishi) larni o‘zaro integratsion loyihalarga yo‘naltirish.
• Umumta’lim maktablari uchun Tasviriy san’at fanlaridan zamonaviy metodikalar ishlab chiqish.

Xalqaro hamkorlik Kafedra quyidagi xalqaro oliy ta’lim muassasalari bilan hamkorlik qiladi:

• Rossiya Federatsiyasi, Novosibirsk davlat pedagogika universiteti (NDPU)
• Qozog‘iston Respublikasi, M.Avezov nomidagi Janubiy Qozog‘iston davlat universiteti
• Qozog‘iston Respublikasi, Abay nomidagi Pedagogika universiteti
• Xalqlar do‘stligi universiteti

Kafedraning ta’lim yo‘nalishlari va o‘quv dasturlari Bakalavriat:

• 60110500 - Tasviriy san’at va muhandislik grafikasi
• 60210400 - Dizayn: libos va gazlamalar Magistratura:
• 70110501 - Tasviriy san’at

Ilmiy-tadqiqot sohalari va loyihalar Kafedraning asosiy ilmiy yo‘nalishlari Tasviriy san’at fanlarini o‘qitishda dolzarb muammolarni yechimiga qaratilgan tadqiqotlar olib borishdir. Ular quyidagilarni o‘z ichiga oladi:

• Tasviriy san’atda klaster yondashuvi, fanlararo ta’lim integratsiyasi, individual hamda inklyuziv ta’limni tashkil etish muammolari.
• Pedagogika oliy ta’lim muassasalarida klaster yondashuviga asoslangan ta’lim integratsiyasi samaradorligi.
• Talabalarning mustaqil ta’lim faoliyatini tashkil etish va boshqarish metodikasini takomillashtirish.
• Raqamli ta’lim muhitida tasviriy san’t fanlaridan mustaqil ta’limni tashkil etish metodikasini takomillashtirish.
• Bo‘lajak tasviriy san’at o‘qituvchilarining grafik materiallarda tasvirlash ijodiy kompetensiyalarini takomillashtirish.
• Bo‘lajak tasviriy san’at o‘qituvchilarini o‘quvchilarda illyustrativ rasm ishlashga oid kompetensiyalarini shakllantirishga tayyorlashning pedagogik texnologiyalari.
• Rangtasvir fanidan talabalarning kreativlik qobiliyatlarini grafik dasturlar vositasida rivojlantirish metodikasini takomillashtirish.
• Talabalarni jamoaviy tadqiqot ishiga yo‘naltirishda fanlararo integrativ yondashuv.
• Pedagogik oliygohlarda nazariya va plener amaliyot integratsiyasi asosida talabalarning ijodkorlik faoliyatini rivojlantirish metodikasi.
• Kreativ yondashuv asosida talabalarning kompozitsion qobiliyatlarini rivojlantirish metodikasini takomillashtirish.

Kafedra Ilmiy-ijodiy tadqiqot markazlari:

• “ArtLab” ilmiy-ijodiy texnologiyalar laboratoriyasi
• “ArtInnova” integratsion ilmiy-ijodiy tadqiqotlar markazi
• “ArtSintez” musiqa va tasviriy san’at ilmiy-ijodiy laboratoriyasi
• “KreoMuz” innovatsion san’at va musiqa ilmiy-ijodiy markazi
• “Art terapiya” inklyuziv ta’lim integratsiyasi markazi
• “Art Studio” ijodiy markazi