Texnik-foydalanish va xо‘jalik bо‘limi

Texnik-foydalanish va xo‘jalik bo‘limi Chirchiq davlat pedagogika universiteti hududidagi 8 ta o‘quv binosi, 4 ta talabalar turar joyi va boshqa inshootlarning to‘liq ishlashini ta’minlaydi. Bo‘lim universitetning barcha mol-mulk va jihozlarini saqlash, ta’mirlash va joylashtirishni boshqaradi hamda hududni obodonlashtirish bilan shug‘ullanadi.

Texnik foydalanish va xo‘jalik bo‘limi Moliyaviy, iqtisodiy ishlar bo‘yicha prorektorga bo‘ysungan holda amaldagi O‘zbekiston Respublikasi qonunlariga va boshqa me’yoriy hujjatlarga, universitet Ustaviga muvofiq faoliyat yuritadi.

Texnik foydalanish va xo‘jalik bo‘limi vazifalari:

Universitet xo‘jalik ta’minoti ishlarini boshqaradi;
Universitet bilan korxona, tashkilot, xususiy korxona va firmalar o‘rtasida yo‘nalish bo‘yicha manfaatli hamkorlik shartnomalarini tuzadi va ularni amalga oshirib boradi;
Xo‘jalik mol-mulkining saqlanishi, tiklanishi va to‘ldirilib turilishini ta’minlash, xonalar va Universitet hududida tozalikni nazorat qiladi;
Xonalar ahvolini tekshirib turish, kerak bo‘lgan hollarda ta’mirlash uchun chora-tadbirlarini ko‘radi;
Kafedra, bo‘lim va bo‘linmalarni kanselyariya jihozlari va xo‘jalik anjomlari bilan ta’minlaydi;
Qayd etish va hisobot tuzish ishlarni tashkil qiladi;
Mol-mulkni taftish qilishda ishtirok etadi;
Universitet rektori buyrug‘i asosida materiallar, kanselyariya jihozlarini olish talabnomalariga, ish bajarish shartnomalariga, ishni tugatish haqidagi rasmiy hujjatga, ish haqi ma’lumotnomalariga, ishonchnomalarga, Universitet doirasida harakat qiluvchi buxgalteriya ish yuritish hujjatlariga imzo chekadi;
Tovar moddiy boyliklarini qabul qilib olish, saqlash va joy-joyiga berish, ularni xonalar va maydonchalarda oqilona joylashtirish, saqlash rejimiga rioya etish borasidagi ishlarni amalga oshiradi;
Mehnatni muhofaza qilish, xavfsizlik texnikasiga amal qiladi;
Universitetga yuklar keltirilganda ishlab chiqarish sanitariyasi va yong‘inga qarshi himoya qoidalariga rioya etilgan holda yuk ortish-tushirish ishlarining bajarilishini ta’minlaydi;
Tovar-moddiy boyliklar joy-joyiga berilishini, omborxona jarayonlarini rasmiylashtirish, dastlabki kirim-chiqim hujjatlarini topshirish qoidalariga rioya etilishini tashkil qiladi;
Tovar-moddiy boyliklarini ro‘yxatga olishda va taftishlarni o‘tkazishda qatnashadi;
Tovar-moddiy boyliklarini saqlanishini, uskunalar, anjom-asboblar o‘z vaqtida ta’mirlanishini, zarur kompyuter vositalarini sotib olishga buyurtmalar rasmiylashtirilishini, xonalarda va atrof-tevarak hududda ozodalikka rioya etilishini ta’minlaydi;
Bo‘limga ta’minlovchilar tomonidan keltiriladigan buyum va jihozlarni qabul qiladi;
Qabul qilib olingan buyum va jihozlarni talab qilingan muddatgacha yaroqli saqlanishini kafolatlaydi;
Saqlanadigan buyum va jihozlarni son va sifat darajasi bo‘yicha javobgarlikni o‘z zimmasiga oladi;

Yong‘inga qarshi javobgarlikni o‘z zimmasiga oladi;
Rahbarligidagi xodimlarini umumiy boshqaradi;
Ish rejalarini tuzish va ularning ijrosini ta’minlaydi;
Universitet binosi va atrof muhitini talab darajada saqlanish, ularga xizmat ko‘rsatish ishlarini boshqaradi;
Binolarni joriy va kapital ta’mirlash ishlarini bajarishga rahbarlik qiladi;
O‘quv, laboratoriya va talabalar turar joylari binolarini o‘quv va yumshoq mebel bilan jihozlash ishlarini boshqaradi;
Xonalardagi jihozlarni talab darajada saqlanishini nazorat qiladi;
Jihozlarni inventarizatsiyadan o‘tkazadi;
Universitetga tashrif buyurgan mehmon va delegatsiyalarni qabuli bo‘yicha ishlarni tashkil qiladi;
Universitet atrof muhitini obodonlashtirish va ko‘kalamzorlashtirish ishlariga rahbarlik qiladi;
Universitetda o‘tkaziladigan majlis, konferensiya va shu kabi boshqa anjumanlarni tashkiliy ishlarini tashkil qiladi;
Binolarda yong‘in xavfsizligi ishlarini tashkil qiladi.

Chirchiq davlat pedagogika universitetida xozirgi vaqtda jami 8 ta o‘quv binosi, 4 ta talabalar turar joyi mavjud. Axborot-resusr markazlari soni 5 ta, 4 ta konferens zali va 5 ta yopiq turdagi sport zallari mavjud.

	Bosh o’quv binosi 2021 yil yangidan qurib topshirilgan. Binoda Pedagogika, Matematika va Informatika hamda San’atshunoslik fakultetlari talabalari tahsil olishadi.

	2018 yilda 1-o‘quv binosida kapital ta’mirlash ishlari olib borildi. Binoda “Fizika va Kimyo” fakulteti talabalari tahsil olishadi.

	2019 yilda 2-o‘quv binosida kapital ta’mirlash ishlari olib borildi. Binoda “Tabiiy fanlar” fakulteti talabalari tahsil olishadi. Bundan tashqari binodan Prezident farmoniga asosan universitetning “Qatag’on qurbonlari” muzeyi ham o’rin olgan.

	2019 yilda 3-o‘quv binosida kapital ta’mirlash ishlari olib borildi. Ushbu binoda universitet rahbariyati joylashgan bo’lib,bundan tashqari binoda “Turizm” fakulteti talabalari ham tahsil olishadi.

	2024 yilda 4-o’quv binosida kapital ta’mirlash ishlari olib borildi. Ushbu binoda “Maktabgacha ta’lim” hamda “Boshlang’ich ta’lim”fakultetlari joylashgan.

	2021 yilda 5-o’quv binosi o’quv ustaxonasi binosida, 2024 yilda 5-o’quv binosida kapital ta’mirlash ishlari olib borildi. Binoda “Jismoniy madaniyat” fakulteti joylashgan

	2021 yilda 6-o’quv binosining A blokida joriy ta’mirlash, 2022 yilda 6-o’quv binosining B blokida kapital ta’mirlash ishlari olib borildi. Binoda “Gumanitar fanlar” fakulteti talabalari tahsil olishadi.

	1-sonli talabalar turar joyi binosi 2018 yilda kapital ta’mirlash ishlari olib borildi. 280 nafar talabani o’z ichiga oladi.

	2021 yilda 2-sonli talabalar turar joyi binosi yangidan qurib topshirildi. Bino 520 nafar talabaga mo’ljallangan.

	3-sonli talabalar turar joyi binosi 2023 yilda yangidan qurib topshirildi Bino 616 nafar talabaga mo’ljallangan.

	2024 yilda 4-sonli talabalar turar joyi binosi yangidan qurib topshirildi Bino 700 nafar talabani o’z ichiga olgan.

Universitetga xududidagi yer maydonlaridan samarali foydalanish maqsadida hududlarni obodonlashtirish, ko‘kalamzorlashtirish bo‘yicha maxsus loyiha-xatirasi tayyorlangan. Universitetda obodonlashtirish va ko‘kalamzorlashtirish jarayonlarini amalga oshirishda hududlarning mas’ul shaxslari etilib, prorektor va fakultet dekanlari xarita bo‘yicha biriktirilgan.

Universitetning umumiy hududi 23,43 ga bo‘lib, shundan obodonlashtiriladigan yer maydonlari 11,54 ga dan iborat. Hozirgi kunda universitetning ichki va tashqi hududida ariq, ko‘cha yo‘laklarini tartibga keltirish, mevali va manzarali daraxt ko‘chatlari xamda gul ko‘chatlarini ekish va parvarishlash, daraxtlarni oqlash, butash, shakl berish ishlari reja asosida olib borilmoqda.