Texnologik ta’lim kafedrasi

Chirchiq davlat pedagogika universitetida 2019-yilda tashkil etilgan Texnologik ta’lim kafedrasi texnologik ta’lim dasturlarini modernizatsiya qilish va takomillashtirish uchun milliy va xalqaro standartlarni birlashtiradi. U bakalavriat bosqichi darslarini taklif etadi va servis xizmatini o‘qitish metodikasini takomillashtirish, mehnat tarbiyasi va milliy qadriyatlarni targ‘ib qilish hamda texnologik ta’limning boshqaruv mexanizmlarini, shu jumladan AKTni integratsiyalash bo‘yicha tadqiqotlar olib boradi.

Kafedraning tashkil etilgan yili va rivojlanish tarixi Texnologik ta’lim kafedrasi 2019-yil 27-avgustda Toshkent viloyati Chirchiq davlat pedagogika instituti Kengashining 1-sonli qarori bilan tashkil etilgan. Ilgari “Tasviriy san’at va mehnat” kafedrasi tarkibida faoliyat olib borgan bo‘lsa, keyinchalik mustaqil kafedra sifatida ajralib chiqdi. Kafedra Toshkent viloyati, Chirchiq davlat pedagogika universiteti, 5-bino, 206-xonada joylashgan.

Kafedraning maqsadi va vazifalari Kafedraning missiyasi: Milliy va xalqaro texnologik ta’lim yo‘nalishlarini integratsiyasi. Maqsadlarimiz:

Texnologik ta’lim yo‘nalishlarini xalqaro ta’lim andozalariga mos ravishda modernizatsiyalash.
Texnologik ta’lim dasturlarini xalqaro TOP 1000 ga kirgan OTMlar dasturiga mos ravishda mazmunan takomillashtirish.
Zamonaviy ta’lim texnologiyalari va raqamli texnologiyalar integratsiyasi asosida xalqaro pedagog imidjini shakllantirish. Texnologik ta’lim kafedrasining o‘rta muddatli strategik rivojlantirish dasturi (2022-2025 yillar uchun) amalga oshirilmoqda.

O‘quv dasturlari Kafedra texnologik ta’lim bakalavriat bosqichi talabalariga mutaxassis fanlari bo‘yicha darslar olib boradi.

1-kurs o‘quv dasturlari
2-kurs o‘quv dasturlari
3-kurs o‘quv dasturlari

Ilmiy-tadqiqot yo‘nalishlari va loyihalar Texnologik ta’lim kafedrasi ilmiy-tadqiqot faoliyatida bir qator strategik yo‘nalishlarda ish olib bormoqda. Quyidagi yo‘nalishlar zamonaviy ta’lim talablariga javob beruvchi ilmiy tadqiqotlar olib borish, milliy va xalqaro ilmiy hamjamiyat bilan hamkorlikni kengaytirish hamda amaliy natijalarga erishishni maqsad qilgan:

Servis xizmatini o‘qitish metodikasi: Bo‘lajak texnologik ta’lim o‘qituvchilarini pazandachilik bo‘yicha maxsus kompetensiyalarini rivojlantirish hamda servis xizmati yo‘nalishini o‘qitish metodologiyasini takomillashtirish kafedraning ustuvor yo‘nalishlaridan biri hisoblanadi. M.S.Abdullayeva o‘z ilmiy ishida servis xizmati yo‘nalishini o‘qitishda maxsus kompetensiyalarni rivojlantirish masalalarini yoritib kelmoqda.
Mehnat tarbiyasi va qadriyatlar: O‘quvchilarning mehnat tarbiyasida xalq milliy an’analaridan foydalanish texnologiyalarini takomillashtirish orqali o‘quvchilarni xalq hunarmandchiligi bo‘yicha bilim, ko‘nikma va malakalarini oshirish hamda umuminsoniy qadriyatlarni targ‘ib qilish kafedra faoliyatining muhim jihatlaridan biri hisoblanadi. D.B.Luxmanov xalq tarbiyasi asosida milliy qadriyatlar va axloqiy ta’lim yo‘nalishida ko‘plab tadqiqotlar olib bormoqda.
Texnologik ta’limning boshqaruv mexanizmlari bo‘yicha tadqiqotlar: Umumiy o‘rta ta’lim maktablarida texnologik ta’limni rivojlantirish va takomillashtirish (AKT) bo‘yicha bir qator ilmiy ishlar olib borilmoqda (K.K.Matyakubov, M.X.Sayidova). Mazkur yo‘nalishlar kafedraning ilmiy-tadqiqot salohiyatini yuksaltirishga va yangi zamonaviy metodologiyalarni rivojlantirishga xizmat qilmoqda.