Tomsk politexnika universiteti vakili ChDPUga tashrif buyurdi

     Rossiyaning Tomsk politexnika universiteti Kimyo va biokimyo texnologiyalari bo‘yicha tadqiqot maktabi rahbari, professor Marina Trusova Chirchiq davlat pedagogika universitetiga o‘zaro hamkorlik aloqalarini o‘rnatish masalalarini muhokama qilish uchun tashrif buyurdi.

     Universitet faoliyati bilan tanishish asnosida xorijlik mehmon aniq va tabiiy fanlar yo‘nalishidagi laboratoriyalar, kreativ maydonlar, kimyo ta’limidagi yangiliklarni o‘z ichiga qamrab olgan loyihalarni ko‘zdan kechirdi.

    Kimyo kafedrasi rahbariyati bilan muloqot davomida universitetlarimiz o‘rtasida ximiya va ximiyatexnologiya sohalarida ham hamkorlik aloqalarini o‘rnatish, birgalikda xalqaro loyihalarda ishtirok etish, distantsion seminarlar o‘tkazish masalalari yuzasidan ham kelishib olindi.

    Tashrif yakunida Tomsk politexnika universitetining professori Marina Trusova ochiq dars o‘tkazdi.

Universitet Axborot xizmati