Uch avlod uchrashuvi
Yoshlarni vatanparvarlik va ona yurtga muhabbat, milliy qadriyat va an’analarimizga hurmat, ta’limda ziyraklik, shonli tariximizni chuqur bilish ruhida tarbiyalash maqsadida Chirchiq davlat pedagogika universitetida Chirchiq shahri faxriylari, shahar rivojiga munosib ulush qo‘shayotgan o‘rta yosh avlod vakillari hamda birinchi kurs talabalari ishtirokida “Uch avlod uchrashuvi” o‘tkazildi.
Ma'rifiy suhbatda mamlakatimizda inson omiliga yuksak e’tibor berilayotgani, davlatimiz rahbari tashabbusi bilan jamiyatimizning har bir a’zosiga g‘amxo‘rlik, mehr-oqibat ko‘rsatilayotgani, inson qadr-qimmati, uning orzu-niyatlarini ro‘yobga chiqarishga imkoniyat yaratib berish ustuvor vazifaga aylangani alohida ta’kidlandi.
Yoshi ulug‘ faxriylar hayoti va mehnat faoliyati davomida to‘plagan boy tajribasi, yoshlik davridagi o‘ziga xos qiyinchiliklar, mehnat pallasidagi mashaqqatlar, nihoyat nuroniylik paytida ko‘rsatilayotgan hurmat-ehtirom haqida o‘z dil so‘zlarini, samimiy fikrlarini bildirdi.
Respublika "Nuroniy" jamg'armasi vakili Umirzoq Raxmatov, Talaba va o'quvchi yoshlarning ijtimoiy faolligini oshirish markazi direktorining birinchi o'rinbosari Fozil Farxodov, Chirchiq shahar "Nuroniy" jamg'armasi bo'limi raisi Olim Yuldashevlar ham yoshlarni tafakkur qilishga, yurt istiqboli uchun mas’uliyatli bo‘lishga undashdi.
Universitet Axborot xizmati
Galereya
