Urush
QR kod:
Urush mavzusiga bagʼishlab yozilgan asarlar juda koʼp. Undagi voqealardan qalbimizda ogʼriq sezganimiz, koʼzga yosh olganimiz ham haqiqat.
Qoʼlingizdagi kitob esa boshqalarida bayon qilingan voqealarning birortasini takrorlamaydi. Muallif kitobxon qalbiga yoʼl topishning oʼzgacha yoʼlidan boradi: qahramonlarni oʼquvchi bilan yuzlashtiradi.
Muallif bu asari haqida shunday deydi: «Kitob qahramonlari mening qadrdon, jonu jigarimga aylanib qolgan odamlardir. Shu yillar ichida ularning xonadonlarida mehmon boʼlib, oʼnlab yillar ortda qolib ketgan kunlarini, armonlarini tingladim. Har bir uchrashuvdan soʼng yuragimda chandiqlar qolgan. Bugun ularning safi juda-juda koʼp, ammo menga oʼtmishni soʼzlagan jonu jigarlarimning birortasi yoʼq, oramizda... ularsiz bu xotiralar menga ogʼirlik qilmoqda...»
Oʼtayotgan har bir tinch kunimiz, fayzli dasturxonimiz, yaqinlarimizning atrofimizda sogʼ-omon yurgani uchun Yarat ganga qayta va qayta shukrona aytishni eslatadigan kitob mutolaasiga chorlaymiz yurtdoshlarimizni.
