Ishga qabul qilish chog‘ida talab etiladigan hujjatlar

Ishga qabul qilish chog‘ida ishga kirayotgan shaxs quyidagi hujjatlarni taqdim etadi:

pasportni yoki uning o‘rnini bosuvchi hujjatni yoxud identifikatsiyalovchi ID-kartani, o‘n olti yoshgacha bo‘lgan shaxslar esa tug‘ilganlik to‘g‘risidagi guvohnomani yoki identifikatsiyalovchi ID-kartani;

oxirgi ish joyi bo‘yicha tasdiqlangan qog‘oz shaklidagi mehnat daftarchasini yoki elektron mehnat daftarchasidan ko‘chirmani, bundan birinchi marta ishga kirayotgan shaxslar mustasno. O‘rindoshlik asosida ishga kirayotgan shaxslar mehnat daftarchasining o‘rniga asosiy ish joyidan olingan belgilangan namunadagi ma’lumotnomani taqdim etadi;

harbiy xizmatga majburlar yoki chaqiriluvchilar uchun tegishincha harbiy guvohnomani yoki harbiy hisobda turganlik haqidagi guvohnomani;

oliy yoki o‘rta maxsus, professional ta’lim tashkilotini tamomlaganligi to‘g‘risidagi diplomni, qaysi ishni bajarish uchun faqat maxsus ma’lumotga yoki maxsus tayyorgarlikka ega bo‘lgan shaxslar qo‘yilishi mumkin bo‘lsa, o‘sha ishga kirish chog‘ida ushbu ishni bajarish huquqiga doir guvohnomani (sertifikatni) yoxud boshqa tegishli hujjatni;

jismoniy shaxsning shaxsiy identifikatsiya raqamini.

Davlat organlari va tashkilotlari ishga qabul qilish chog‘ida ushbu modda birinchi qismining ikkinchi hamda uchinchi xatboshilarida nazarda tutilgan hujjatlar to‘g‘risidagi ma’lumotlarni tegishli davlat organlari va tashkilotlaridan mustaqil ravishda, shu jumladan axborot tizimlaridagi idoralararo integratsiyalashuv platformalari orqali so‘rab oladi.

Ish beruvchi:

birinchi marta ishga kirgan, besh kundan ortiq ishlagan shaxslarga va qonunchilikda o‘ziga nisbatan mehnat daftarchalarini yuritish nazarda tutilmagan ilgari ishlagan shaxslarga mehnat daftarchasini rasmiylashtirishi;

ilgari jamg‘arib boriladigan pensiya tizimida hisobda turmagan xodimlarni bunday hisobga qo‘yish uchun choralar ko‘rishi shart.

Ishga qabul qilish chog‘ida ishga kirayotgan shaxsdan ushbu Kodeksda, shuningdek boshqa qonunchilik hujjatlarida nazarda tutilmagan hujjatlarni talab qilish taqiqlanadi.

O‘zbekiston Respublikasining Mehnat kodeksi

Oliy ta’lim muassasalariga pedagog xodimlarni tanlov asosida ishga qabul qilish tartibi to‘g‘risida Nizom 20 10.02.2006

Xodimlar bo‘limning vazifalari:

bo‘lim bevosita universitet rektoriga bo‘ysunadi.

universitet pedagog xodimlar, o‘quv-yordamchi, ma’muriy-boshqaruv va xo‘jalik xodimlarini ishga olish, boshqa ishga o‘tkazish, vazifasidan ozod etish bo‘yicha buyruq loyihalarini, xodimlarning mehnat daftarchalarini yuritish hamda faoliyatiga oid buyruq loyihalarini tayyorlash va rasmiylashtirish;

universitet pedagog xodimlar, o‘quv-yordamchi, ma’muriy-boshqaruv va xo‘jalik xodimlari lavozimlariga kadrlar zahirasini shakllantirish va tayyorlash ishlarini muvofiqlashtirish;

universitetning tarkibiy bo‘linmalari rahbarlari va mutaxassislari lavozimlariga kadrlar zahirasi bilan ishlash monitoringini olib borish;

universitet tarkibiy bo‘linmalari xodimlarining kasbiy saviyasi va malakasini oshirish, shuningdek, ularni qayta tayyorlash bo‘yicha takliflar tayyorlash;

universitetning mas’ul va texnik xodimlarini attestatsiyadan o‘tkazish va ularning kasbiy saviyasi hamda ishchanlik malakasini baholash;

universitet tarkibiy bo‘linmalarining rahbarlari va mutaxassislarining sifatli tarkibini tashkil etish;

universitetda xodimlar qo‘nimsizligini va shuningdek faoliyatga oid boshqa ko‘rsatkichlarni tahlil qilish;

davlat ta’limi standartlari talablarini va o‘quv rejasida ko‘rsatilgan barcha fanlarni o‘zlashtirgan, universitet bitiruvchi bakalavriat, magistratura bosqichlari talabalariga Davlat Attestatsiya komissiyasi qarori asosida universitet rektorining buyrug‘iga binoan davlat tomonidan tasdiqlangan namunadagi diplom, diplom ilovalarini rasmiylashtirish;

o‘qishga qabul qilingan talabalarni shahsiy xujjatlarini o‘rnatilgan tartibda qabul qilish, rasmiylashtirish va ularni belgilangan muddatga qadar saqlash;

xodimlarning shaxsini tasdiqlovchi guvohnomalarni o‘rnatilgan tartib qoidalari, me’yoriy hujjatlar asosida rasmiylashtirish;

universitet tomonidan berilgan ma’lumoti to‘g‘risidagi hujjat (diplom, diplom ilovalari va guvohnoma)lar bo‘yicha tegishli organlarning so‘rovnomalariga, shuningdek, universitetning barcha hodimlari, talabalari to‘g‘risida huquq-targ‘ibot organlari so‘rovnomalariga o‘rnatilgan tartibda javob yo‘llash;

bo‘lim unga yuklangan boshqa vazifalarni ham belgilangan tartibda amalga oshiradi.

Xodimlar bo‘limining huquqlari:

universitetning bo‘lim va fakultetlaridan xizmat zaruriyatiga ko‘ra ma’lumotlarni belgilangan tartibda talab qilib olish;

fakultet va bo‘limlar tomonidan O‘zbekiston Respublikasi Mehnat qonunchiligi bo‘yicha me’yoriy-huquqiy hujjatlarga xilof ravishda tayyorlangan buyruqlar hamda yo‘riqnomalarni bekor qilishni talab etish;

bo‘lim faoliyatiga oid o‘z fikr – mulohazalari va takliflari bilan universitet rektoriga taklif kiritish;

fakultet va bo‘limlarning ijro intizomi bo‘yicha faoliyatini muvofiqlashtirib borish, ularning ish samaradorligini oshirish va ijro intizomini mustahkamlashni talab qilish;

fakultet va bo‘limlar tomonidan taqdim qilingan ma’lumotnoma, axborot va boshqa me’yoriy hujjatlarni, rahbariyat so‘roviga mos ravishda tayyorlashni talab qilish;

ijro intizomini mustahkamlashda tashabbuskorlik qilayotgan fakultet, bo‘lim rahbarlarini rag‘batlantirish yoki o‘z vaqtida ijrosini ta’minlamaganlagi hamda yo‘l qo‘ygan xato-kamchilik uchun intizomiy chora ko‘rish to‘g‘risida universitet rektoriga taklif kiritish;

universitet rahbariyatiga axborot berish uchun materiallar va hujjatlarning belgilangan muddatlarda bajarilishini ta’minlanish;

 Bo‘limning majburiyatlari:

xodimlar bilan ishlash hisobi va hisobotini yuritish, hujjatlarni saqlash, xodimlar bilan ish yuritish;

jismoniy va yuridik shaxslar murojaatlarini o‘z vaqtida ko‘rib chiqish