XURSHID DAVRON IJODIDA NAVOIY OBRAZI
QR kod:
Yuklab olishlar
Hazrat hayotiga bag‘ishlangan badiiy asarlar ijod etganlar orasida shoir, yozuvchi va olim Xurshid Davronning «Navoiy armoni» hikoyasi alohida ahamiyatga ega. Hikoya hajman kichik janr bo‘lsa-da, mazmunan juda katta vazifa bajarishi bilan adabiyot olamida ayricha o‘rin egallaydi. Hikoyalar zamiriga hayotning ayni oni singdiriladi. «Navoiy armoni» hikoyasida taxminan 1497-1500-yillar oralig‘ida temuriylar xonadoni va Alisher Navoiy hayotida ro‘y bergan voqealar qalamga olinadi. Ma’lumki, 1497-yil erta bahorida temuriy shahzodalardan biri Mo‘min mirzo bobosi sulton Husayn Bayqaroning mastlik oqibatida bergan farmoniga binoan qatl etildi. Bu davrga kelib Alisher Navoiyning ham ko‘nglini band etgan muqaddas Haj safarini ado etish istagi yanada mustahkamlanib azmi qaror holiga kelgan edi.
