XURSHID DAVRON IJODIDA TARIXIY LEKSIK QATLAM
QR kod:
Yuklab olishlar
Lug‘at, xususan, harbiy leksikaga oid so‘zlar, ma’lum bir badiiy matnning tuzilishi bilan bog‘liq holda, tilning hozirgi leksik tizimi nuqtai nazaridan ko‘rib chiqilishi ahamiyatlidir. Muayyan muallifning nutq uslubi, so‘z qo‘llash mahoratini o‘rganish nafaqat milliy tilning rivojlanishini kuzatish kontekstida, balki yozuvchining til taraqqiyotiga qo‘shgan shaxsiy hissasini aniqlash jihatidan ham dolzarbdir. Har qanday badiiy asarning taqdiri muayyan tilning uslubiy imkoniyatlaridan va tasviriy–
ekspressiv vositalaridan o‘ziga xos foydalanishiga bog‘liq. O‘zbekiston xalq shoiri Xurshid Davronning asarlarida qo‘llagan o‘zbek tilining leksik va frazeologik fondi muallifning individual originalligidan dalolat beradi. Harbiy leksika va arxaik lug‘at o‘zbek tilining passiv zaxirasini tashkil etadi, shu bilan bir qatorda tilning bu qatlami zamonaviy adabiyotshunos va
tilshunos olimlar tomonidan o‘rganish uchun alohida qiziqish uyg‘otadi.
