XURSHID DAVRONNING FOLKLOR MOTIVLARIDAN FOYDALANISH MAHORATI
QR kod:
Xurshid Davron nomini eshitgan kitobxon ongida eng avvalo shonli o‘tmishimizni ulug‘lovchi, Ona Vatanimiz madhini eng baland pardalarda kuylovchi, tariximiz, ayniqsa, Sohibqiron Amir Temur va temuriylar davri voqealarini yorqin chizgilarda aks ettirgan tarixiy asarlar muallifi gavdalanadi. Adib xoh nazmda, xoh nasrda yozsin, tarixiy faktlarga, o‘nlab ishonchli
manbalarga suyanib ish ko‘radi. Asoslarni chuqur o‘rganib, ma’lumotlarni fikr tarozusida ming qayta o‘lchab tahlil etgandan keyingina asar matnini yozishga kirishadi. Ijodkorning mehnatlari samarasi o‘laroq, “Samarqand xayoli”, “Sohibqiron nabirasi”, “Shahidlar shohi” kabi tarixiy-ma’rifiy qissalar dunyo yuzini ko‘rdi. Bu asarlarning har biri o‘ziga xos sabab va tarixga ega.
