“Yoshlar kuni”

Yurtboshimiz tomonidan joriy yil 24-fevral kuni Ko‘ksaroy qarorgohida yoshlar bilan o‘tkazilgan uchrashuvdan so‘ng payshanba kuni “Yoshlar kuni” deb e’lon qilindi. Shu munosabat bilan bugun Chirchiq davlat pedagogika universitetida mazkur tashabbus doirasida tadbir tashkil etildi.

Tadbir Prezidentimizning yoshlar bilan o‘tkazgan ochiq muloqotida belgilab berilgan ustuvor vazifalar ijrosini ta’minlash, yoshlarni har tomonlama qo‘llab-quvvatlash, ularning bandligini ta’minlash maqsadida o‘tkazildi.

Mazkur tadbirni universitet Yoshlar masalalari va ma’naviy-ma’rifiy ishlar bo‘yicha birinchi prorektori S.B. Qorayev ochib berdi. Shuningdek, turli tashkilotlardan tashrif buyurgan mutasaddi rahbar va xodimlar tomonidan bitiruvchi talabalar bandligini ta’minlash, yaratilayotgan imkoniyatlar hamda ajratilayotgan imtiyozlar haqida batafsil ma’lumotlar berildi.