O`zbek xalqining etnogenezi va etnik tarixi
QR kod:
Ushbu o‘quv qo‘llanma o‘zbek xalqining kelib chiqishi, ya’ni uning uzoq davom etgan etnogenezi va etnik tarixi haqida. Kitobda o‘zbeklarning urug‘-qabila holatidan asta-sekin elat-xalq bo‘lib shakllanib borish jarayoni va shakllangan xalq holatidan millat darajasiga o‘sib chiqishi boy moddiy madaniyat va yozma manbalarning tarixiy tahlili asosida bayon etilgan.
Qo‘llanmada o‘zbek xalqi, hozirda mustaqil davlat sifatida egallab turgan tarixiy ona zamin hamda uning tevarak-atrof hududlari bilan juda qadim zamonlardan bevosita bog‘liq tubjoy xalq ekanligi, uning etnik tarkibining asosini yerli sug‘diy va turkiy ajdodlarimiz tashkil etganligi, ana shu ikki yirik, ikki tilli etnik qatlamlarning uzoq asrlar davomida bir-birlari bilan, aralashib-qorishishi natijasida o‘troq turkigo‘y o‘zbek xalqi tarkib topganligi to‘g‘risida ilmiy xolislik va obyektiv tarixiy tahlillar asosida batafsil ma’lumot berish ko‘zda tutiladi.
