2018-yil 3-sentabrdan Chirchiq davlat pedagogika universiteti Gumanitar fanlar fakulteti O‘zbek tilshunosligi kafedrasi o‘qituvchisi lavozimida faoliyat boshlaganman.
2023-yil 7-iyulda 13.00.01-Pedagogika nazariyasi. Pedagogik ta'limotlar tarixi ixtisosligi bo‘yicha “Umumta'lim maktablarida o‘quvchilar loyihalash faoliyatining tashkiliy-pedagogik asoslari (Pedagogik ta'lim klasteri asosida)” mavzusidagi pedagogika fanlari bo‘yicha falsafa doktori (PhD) dissertatsiyasini himoya qilgan va 2023-yil 4-oktabrda 344/1-sonli bayonnoma asosida tasdiqlanib, pedagogika fanlari buyicha falsafa doktori ilmiy darajasi berilgan.
Gumanitar fanlar fakulteti xotin-qizlar masalalari bo‘yicha dekan maslahatchisi vazifasida faoliyat olib boraman. “Ustoz-shogird” tizimida iqtidorli talabalarga rahbarlik qilaman. Bugungi kunga qadar ilmiy rahbarligida 4 ta bakalavrlik bitiruv malakaviy ishi muvaffaqiyatli himoya qilingan. Hozirda 2 ta magistrga magistrlik dissertatsiyasiga, 2 ta mustaqil tadqiqotchilarning ilmiy ishlariga rahbarlik qilib, ilmiy ish mavzulari doirasida kerakli maslahat va takliflar berib kelayapman.
Oliy ta'lim muassasalari talabalari uchun o‘quv adabiyotlari(o‘quv uslubiy qo‘llanma, o‘quv qo‘llanmalar) nashr etilgan, darslik nashrga berilgan. Xalqaro jurnallarda, Oliy attestasiya komissiyasi e'tirof etgan OAK jurnallarida hamda Xalqaro konferensiyalarda 40 dan ortiq ilmiy maqolalarim chop etilgan.
2025-yil 5-aprelda 369/1-sonli bayonnoma asosida tasdiqlanib, Pedagogika nazariyasi. Pedagogik ta'limotlar tarixi ixtisosligi bo‘yicha dotsent ilmiy unvoni berildi
