Abdullayeva Zarinaxon Dilshodbek qizi — O‘zbekiston ta’lim tizimining rivojiga munosib hissa qo‘shib kelayotgan, ingliz tili o‘qitish metodikasi, raqamli pedagogika va zamonaviy ta’lim texnologiyalarini o‘z faoliyatiga muvaffaqiyatli tatbiq etayotgan yetuk mutaxassisdir. Ingliz tilini o‘qitishda yuqori malaka, didaktik saviya, o‘quvchilarga ilhom baxsh etuvchi yondashuv hamda zamonaviy texnologiyalarni puxta o‘zlashtirish uning ustozlik faoliyatining asosiy ustunlaridir.
Biografik maʼlumotlar
Abdullayeva Zarinaxon Dilshodbek qizi —1992-yil 16-yanvarda Andijon viloyati Asaka tumanida tug‘ilgan. 2014-yilda Andijon davlat universitetining "Ingliz tili va adabiyoti yo‘nalishi" bo‘yicha bakalavriat bosqichini muvaffaqiyatli tamomlagan. 2024-yilda Chirchiq davlat pedagogika universitetining "Xorijiy til va adabiyoti" mutaxassisligi bo‘yicha magistrlik darajasini olgan.
Hozirda Chirchiq davlat pedagogika universiteti Turizm fakulteti Lingvistika va ingliz tilini o'qitish metodikasi kafedrasi o‘qituvchisi sifatida faoliyat yuritadi.
Abdullayeva Zarinaxon Dilshodbek qizi o'zining mehnat faoliyati davomida bir nechta tashkilotlarda faoliyat yuritgan.
2010-2014 y - Andijon Davlat universiteti talabasi
2015-2020 y - Chirchiq shahar 8 - umumta’lim maktabi ingliz tili o’qituvchisi
2022-2024 y- Chirchiq Davlat Pedagogika universiteti magistr talabasi
2023-2024 y - Chirchiq shahar 1 - umumta’lim maktabi ingliz tili o’qituvchisi
2024-yil - Chirchiq Davlat Pedagogika Universiteti ingliz tili o’qituvchisi
Abdullayeva Zarinaxon Dilshodbek qizi o‘z ilmiy faoliyatida “Boshlang‘ich sinf o‘quvchilariga ingliz tilini aralash ta’lim modeli asosida samarali o‘rgatishning lingvodidaktik asoslarini” chuqur tadqiq etmoqda. U mazkur yo‘nalishda ingliz tilini o‘rgatishda an’anaviy va raqamli o‘qitish metodlarini uyg‘unlashtirish orqali o‘quvchilarda til kompetensiyalarini shakllantirishning samarali yo‘llarini ishlab chiqishga e’tibor qaratmoqda.
Tadqiqotlarida u aralash ta’lim (blended learning) konsepsiyasining boshlang‘ich sinf o‘quvchilari uchun qulay va motivatsiyaga boy muhit yaratishdagi ahamiyatini ilmiy jihatdan asoslab bermoqda. Xususan, sinfda olib boriladigan darslar va onlayn faoliyatlar o‘rtasidagi integratsiyani ta’minlash, dars mazmunini shaxsga yo‘naltirilgan, moslashuvchan va texnologiyalarga asoslangan tarzda tashkil etish muhim yo‘nalishlardan biridir.
Ilmiy qiziqishlari quyidagi sohalarni o‘z ichiga oladi:
Aralash ta’lim modelini boshlang‘ich ta’limga moslashtirish va tatbiq etish usullari
An’anaviy va raqamli darslar o‘rtasidagi metodik muvozanatni ta’minlash
O‘quv jarayonida ta’lim texnologiyalarini integratsiyalash
Masofaviy va sinfdagi faoliyatni uyg‘unlashtirish orqali ta’lim samaradorligini oshirish
O‘quvchilarning individual ehtiyojlariga moslashuvchan ta’lim muhitini yaratish
Lingvodidaktik yondashuvlar asosida darslarni loyihalash va baholash
Aralash o‘qitishda interaktiv va kommunikativ metodlarni qo‘llash
O‘qituvchilarning aralash ta’limda ishlashi uchun metodik ko‘nikmalarini shakllantirish
Nashr etilgan o‘quv-uslubiy qo‘llanmalar
O'quv qo'llanma
"ESP FOR HOTEL MANAGEMENT, TOUR GUIDING AND TOURISM” (2025)
O'quv qo'llanmada mehmonxona menejmenti, gidlik va turizm sohasida ta’lim olayotgan talabalar uchun mo‘ljallangan maxsus ingliz tili kursidir. Unda sohaga oid atamalar, amaliy vaziyatlar, suhbatlashuv namunalaridan foydalanilgan bo‘lib, real hayotdagi turizm va mehmonxona muhitiga moslashtirilgan topshiriqlar jamlangan.
Qo'llanma talabalarning professional muloqot ko‘nikmalarini rivojlantirish, mijozlar bilan samarali aloqada bo‘lish, rezervatsiya, mehmonlarni kutib olish, ekskursiyalarni tushuntirish kabi vazifalarni ingliz tilida erkin bajara olishlariga yordam beradi.
Monografiya
“INGLIZ VA O‘ZBEK TILLARIDA ATOQLI OTLARNI PERIFRAZA STILISTIK VOSITASI ORQALI IFODA ETILISHI” (2024)
“Ingliz va o‘zbek tillarida atoqli otlarni perifraza stilistik vositasi orqali ifoda etilishi” nomli monografiyada ikki tilda atoqli otlarning perifraza vositasida ifodalanishi lingvistik va stilistik nuqtai nazardan chuqur tahlil qilinadi.
Monografiya tilshunoslar, tarjimonlar, adabiyotshunoslar, filologiya yo‘nalishidagi tadqiqotchilar hamda stilistika bilan qiziqadigan o‘quvchilar uchun foydali manba hisoblanadi.
- Abdullayeva Z. D, "Perifraza klassifikatsiyasi olimlar talqinida" “Til va adabiyot ta’limi” ilmiy metodik jurnal №57, ISSN 2010-5584 ,4 son 2023,
- Abdullayeva Z. D, “Ingliz va O’zek tillarida joy nomlarining perifraza stilistika vositasidagi ifodasi”, “Til va adabiyot ta’limi” ilmiy metodik jurnal №57, ISSN 2010-5584, 1 son , 2024
- Abdullayeva Z. D, “Periphrase The Names Of Persons In The Uzbek Language Expression In A Stylistic Means”, Western European Journal of Linguistics and Education Volume 2, Issue 9, September, 2024
- Abdullayeva Z. D, "Integrating Apps Into Education: Enhancing Learning Through Technology", Pedagog Respublika Ilmiy Jurnali 7 – Tom 10 – Son / 2024
- Abdullayeva Zarina Dilshodbekovna Baratova Ruxshona Siroj kizi, “THE THEORETICAL AND METHODOLOGICAL FOUNDATIONS OF PEDAGOGICAL EDUCATION AND UPBRINGING”, “Экономика и Социум” xalqaro ilmiy-amaliy jurnal № 06031, ISSN 2225-1545, 2025
- Abdullayeva Z. D, “PLANNING WAYS OF INTEGRATING DIFFERENT TYPES OF LEARNING”, “Qo’qon DPI ILMIY XABARLAR” ilmiy metodik jurnal №5, ISSN 3030-3958, 5 son , 2025
- Abdullayeva Zarina Dilshodbekovna, Olimjonova Dilnura Ilhom qizi “INCORPORATING LITERATURE IN LANGUAGE LEARNING”, INTERNATIONAL CONGRESS ON MODERN SCIENCES-IV "Global Prospects for Multidisciplinary Research and Education" CHIRCHIK STATE PEDAGOGICAL UNIVERSITY April 07-10, 2025
- Abdullayeva Z. D, “Expressing the stylistic device periphrasis in literature”, Jizzax shaxri konferensiya ,2022
- Abdullayeva Z. D, Samigova H.A, "Perefraza stilistik vositasi orqali Ingliz tilidagi shaxs nomlarini ifodalanishi", Xalqaro ilmiy-amaliy konferensiya,Toshkent 2023
- Abdullayeva Z. D, Samigova H.A, “Tilshunoslikda atoqli otlarning klassifikaysiyasi”, Xalqaro ilmiy-amaliy konferensiya,Buxoro 2023
- Abdullayeva Z. D, “Ingliz tilida joy nomlarining perefraza stilistik vositasi orqali ifodalanishi”, Xalqaro Ilmiy-Amaliy Anjuman Toshkent 2024-Yil
- Abdullayeva Z. D., “BLENDED LEARNING MODELS IN LANGUAGE EDUCATION: EXPLORING THE COMBINATION OF TRADITIONAL AND ONLINE TEACHING METHODS IN HIGH SCHOOLS”, “Tarjimshunoslik: muammolar yechimlar va istiqbollar II” mavzusidagi xalqaro ilmiy – amaliy Anjuman/ 2024-yil
