Lingvistika va ingliz tilini o‘qitish metodikasi kafedrasi

Til oʼtmish, til bugun, til bu - istiqbol.

📍 Tashkil topgan yil: 2023
📍 Manzil: Toshkent viloyati, Chirchiq davlat pedagogika universiteti, 3-bino, A 206-xona

Kafedraning tashkil etilgan yili va rivojlanish tarixi 

Lingvistika va ingliz tilini o‘qitish metodikasi kafedrasi Toshkent viloyati Chirchiq davlat pedagogika instituti Kengashining 2019-yil 28-avgustidagi 1-sonli qaroriga muvofiq "Gumanitar fanlar" fakulteti tarkibida “Xorijiy tillar” kafedrasi sifatida tashkil etilgan. 2021-yil 23-avgustidagi 1-sonli bayonnomasiga muvofiq "Turizm" fakulteti tarkibiga “Ingliz tili” kafedrasi sifatida o’tkazildi. Nihoyat, 2023-yil 27-oktabrdagi 5-sonli bayonnomasiga muvofiq "Lingvistika va ingliz tilini o’qitish metodikasi" kafedrasi nomi bilan mustaqil kafedra sifatida ajralib chiqdi. Hozirda kafedrada 17 nafar professor-o‘qituvchilar, jumladan, 9 ta asosiy shtatdagi, 5 ta ichki-o’rindosh va 3 ta tashqi-o’rindosh o‘qituvchi faoliyat olib bormoqda. Ulardan 1 nafar professor, 3 nafar dotsent va 3 nafar katta o‘qituvchilar mavjud. Kafedraga p.f.f.d., dotsent Yusupova Muxabbat Anatolevna rahbarlik qilmoqda.

📘 Ta’lim yo‘nalishlari:

60110900 – Xorijiy til va adabiyoti: Ingliz tili (Bakalavriat bosqichi)

70110901– Xorijiy til va adabiyoti: Ingliz tili (Magistratura bosqichi)

🎯 Kafedraning missiyasi va ustuvor vazifalari

Kafedraning missiyasi – Taʼlim landshaftida boʼlajak ingliz tili oʼqituvchi imidjini yaratish.
Kafedraning strategik maqsadi – Xalqaro standartlarga mos kela oladigan va global maydonda raqabatbardosh boʼla oladigan kadr tayyorlash.
Kafedraning istiqbolli nigohi – Milliy va xalqaro kontentda boʼlajak ingliz tili oʼqituvchining pozitsiyasini yoritib berish.

Ustuvor yo‘nalishlar:

          ✔️ Uzluksiz ta’lim: Xorijiy til va adabiyoti (ingliz tili) bakalavriat yo‘nalishi talabalari va magistratura mutaxasisligi magistrantlari uchun lingvistikaning zamonaviy yo‘nalishlarini talabalarga o‘rgatish va ingliz tilini o‘qitish metodikasini takomillashtirish;

          ✔️ O‘quv dasturlarini yangilash: xalqaro standartlarga mos keluvchi zamonaviy adabiyot va professional ta’limni o‘z ichiga olgan holda o‘quv darsturlarini takomillashtirish;

          ✔️ Kasbiy rivojlanish: Milliy va xalqaro hamkorlik orqali professor- o‘qituvchilar uchun (amaliy mashg‘ulot; ilmiy seminar, vebinar) kasbiy mahoratni oshirish kurslarini tashkil etish imkoniyatlarini yaratish;

          ✔️ Tadqiqot va innovatsiyalar: Milliy va xalqaro nashrlarda professor o‘qituvchilar va talabalarning tadqiqotini qo‘llab quvvatlash, nashr etishda amaliy yordam berish;

          ✔️ Mahalliy va xalqaro muassasalar bilan hamkorlik: xorijiy va milliy universitetlar, umumta’lim maktablari va ta’lim muassalari bilan hamkorlikni yo‘lga qo‘yish va tajriba almashinuvini amalga oshirish.

🧪 Ilmiy-tadqiqot faoliyati: natijalar va istiqbollar

Lingvistika va ingliz tilini o‘qitish metodikasi kafedrasi zamonaviy tilshunoslik, lingvodidaktika va tarjimashunoslik sohalarida ilg‘or ilmiy tadqiqotlar olib boradi. Kafedra professor-o‘qituvchilari va tadqiqotchilari xalqaro ilmiy hamjamiyat bilan hamkorlikda fundamental va amaliy tadqiqotlar ustida ishlashadi. 

Asosiy ilmiy yo‘nalishlar:

• Zamonaviy lingvistika va matn tahlili:
  • Korpus lingvistikasi va sun’iy intellekt asosida til tadqiqotlari
  • Semantika va pragmatika tadqiqotlari
• Lingvodidaktika va chet tillarni o‘qitish metodikasi:
  • Innovatsion pedagogik texnologiyalar va interfaol o‘qitish usullari
  • Masofaviy ta’lim va multimediya texnologiyalarining samaradorligi
• Ilmiy faoliyat va akademik yozuv:
  • Ilmiy maqola yozish va akademik yozuv metodologiyasi
  • Ilmiy tadqiqot metodlari va amaliyoti

Asosiy ilmiy-tadqiqot loyihalari:

• Til va madaniyat o‘zaro ta’siri: Ingliz tili va milliy tillar o‘rtasidagi lingvistik hamda madaniy aloqalarni tadqiq qilish.
• Innovatsion lingvodidaktika: Zamonaviy texnologiyalar yordamida chet tillarni o‘qitish samaradorligini oshirish usullari.
• Korpus lingvistikasi va sun’iy intellekt: Tilshunoslikda sun’iy intellekt texnologiyalarining qo‘llanilishi bo‘yicha tadqiqotlar.
• Akademik yozuv va ilmiy diskurs: Ilmiy matnlarni tahlil qilish, akademik yozuv qoidalari va tadqiqot metodologiyasini rivojlantirish.

Kafedrada olib borilayotgan ilmiy tadqiqotlar lingvistika va pedagogika sohasida innovatsion yondashuvlarni rivojlantirishga qaratilgan bo‘lib, ilmiy maqolalar, monografiyalar va xalqaro ilmiy loyihalar orqali o‘z natijalarini namoyon etmoqda. Kafedra ilmiy faoliyat bilan shug‘ullanuvchi barcha izlanuvchilar uchun keng imkoniyatlar yaratadi.

📈 2024–2025 o‘quv yili bo‘yicha natijalar:

• 9 nafar magistrantga ilmiy rahbar tayinlangan;

• 55 ta ilmiy maqola chop etilgan (27 tasi – xalqaro OAK ro‘yxatidagi, 28 tasi – O‘zbekiston OAK ro‘yxatidagi jurnallarda);

• 46 ta ilmiy tezis nashr etilgan (16 tasi – respublika, 30 tasi – xalqaro miqyosda);

• Kafedra a’zolari tomonidan 1 ta darslik, 3 ta o‘quv qo‘llanma va 7 ta monografiya, 3ta DGU tayyorlangan;

• Hozirda 11 nafar tayanch doktorant va 4 nafar mustaqil izlanuvchi kafedra huzurida ilmiy izlanishlar olib bormoqda.

Bu sa’y-harakatlar kafedraning ilmiy salohiyatini oshirish, innovatsion pedagogik metodikalarni yaratish va ilgari surishga xizmat qilmoqda.