Xalqaro ilmiy-amaliy safar

Chirchiq davlat pedagogika universiteti Aniq fanlar fakulteti “Axborot texnologiyalari va sun’iy intellekt” kafedrasi professor-o‘qituvchilari Xoja Ahmet Yasaviy nomidagi xalqaro qozoq-turk universitetiga (Turkiston shahri, Qozog‘iston) akademik mobillak dasturi, ilmiy-amaliy hamkorlikni rivojlantirish, ilg‘or tajribalarni o‘rganish hamda raqamli ta’lim texnologiyalari sohasida o‘zaro tajriba almashish maqsadida xizmat safarida bo‘lishdi.

Safar davomida professor-o‘qituvchilar universitetning Axborot texnologiyalari, Sun’iy intellekt, hamda Raqamli ta’lim yo‘nalishlari bo‘yicha faoliyat yuritayotgan kafedralar bilan uchrashuvlar o‘tkazdilar. Shuningdek, ta’lim jarayoniga ilg‘or raqamli yechimlarni joriy etish, qo‘shma ilmiy loyihalar ishlab chiqish va o‘qituvchilar malakasini oshirish masalalari muhokama qilindi.

Safar davomida professor-o’qituvchilar Tabiiy fanlar fakultetida “Robotatexnika fani” bo’yicha laboratoriya xonasi bilan yaqindan tanishib,  u erdagi texnik jihojsar va ishlanmalar bilan tanishdi.

Tashrif yakunida ikki oliy ta’lim muassasasi o‘rtasida o‘zaro tajriba almashish dasturlarini amlalga oshirish va qo‘shma ilmiy konferensiyalar o‘tkazish bo‘yicha kelishuvga erishildi.

Mazkur safar universitetlar o‘rtasidagi ilmiy hamkorlikni mustahkamlash, ta’lim sifati va professor-o‘qituvchilar salohiyatini yanada oshirishga xizmat qiladi.