Barotov Sirojiddin Bahriddinovich (1985-yil, Navoiy viloyati, Xatirchi tumani) — tarixchi, etnolog va iqtisodchi. Hozirda Chirchiq davlat pedagogika universiteti Tabiiy fanlar fakulteti o‘quv ishlari bo‘yicha dekan muovini hamda “Fakultetlararo ijtimoiy fanlar” kafedrasi o‘qituvchisi.
2007-yilda Toshkent davlat pedagogika universiteti(kunduzgi)ni tamomlagan. 2014-yilda O‘zbekiston Milliy universiteti tarix fakulteti magistraturasini, 2023-yilda Toshkent davlat iqtisodiyot universitetini bitirgan.
Mehnat faoliyatini 2004-yilda Toshkent shahar Akmal Ikromov tumani 229-umumta’lim maktabida tarix fani o‘qituvchisi sifatida boshlagan. 2007—2012-yillarda Navoiy viloyati Xatirchi tumanidagi I. Shoir nomli 56-maktabda tarix fani o‘qituvchisi bo‘lib ishlagan. 2012—2021-yillarda O‘zbekiston Milliy universiteti qoshidagi S.H. Sirojiddinov nomidagi akademik litseyda tarix fani o‘qituvchisi sifatida faoliyat olib borgan. 2021—2022-yillarda Prezident ta’lim muassasalari agentligi tizimidagi Mirzo Ulug‘bek nomli ixtisoslashtirilgan maktabda metod birlashma rahbari va tarix fani o‘qituvchisi lavozimida ishlagan. 2022-yildan buyon Chirchiq davlat pedagogika universiteti Tabiiy fanlar fakulteti o‘quv ishlari bo‘yicha dekan muovini va “Fakultetlararo ijtimoiy fanlar” kafedrasi o‘qituvchisi sifatida faoliyat yuritmoqda.
Oilali, ikki qizi va ikki o‘g‘li bor.
