Tabiiy Fanlar Fakulteti

Chirchiq davlat pedagogika instituti (hozirgi universitet) qoshidagi Tabiiy fanlar fakulteti dastlab 2017-yilda "Aniq va tabiiy fanlar" fakulteti nomi bilan tashkil etilgan. Tabiiy fanlar fakulteti faoliyatini tashkil etish borasidagi muhim hujjatlardan biri 2019-yil 31-avgustda imzolandi. Unga ko‘ra: "Tabiiy fanlar fakulteti" institut rektorining 2019-yil 31-avgust kunidagi №01-642 sonli buyrug‘i bilan "Aniq va tabiiy fanlar" fakultetidan mustaqil fakultet bo‘lib ajralib chiqdi.

Fakultetda bugungi kunda jami 1328 nafar talaba zamonaviy jihozlangan auditoriya va laboratoriya xonalarida turli ta’lim dasturlari bo‘yicha tahsil oladi:

• 694 nafar kunduzgi ta’lim asosida bakalavriat yo‘nalishlarida.
• 29 nafar kunduzgi ta’lim asosida magistratura yo‘nalishlarida.
• 407 nafar sirtqi va ikkinchi oliy ta’lim yo‘nalishi asosida.
• 198 nafar kechki ta’limda.

Fakultetda jami 49 nafar professor-o‘qituvchilar faoliyat yuritmoqda, ulardan:

• 8 nafar fan doktori, professor.
• 20 nafar falsafa doktori (fan nomzodi).
• 21 nafar professor-o‘qituvchilar.

Fakultetda Biologiya, Geografiya, Geografiya va iqtisodiy bilim asoslari yo‘nalishlarida bakalavriat, magistratura, Tayanch doktorantura bosqichlari mavjud bo‘lib, talabalar kunduzgi, sirtqi, kechki va magistratura shakllarida bilim oladilar.

Fakultetning maqsadi va vazifalari

Fakultet missiyasi: Fakultetning asosiy vazifasi biologiya va geografiya fanlari bo‘yicha ilg‘or tajribalarni tatbiq etish hamda nazariya va amaliyot integratsiyasi asosida fakultet imidjini xalqaro miqyosda oshirish.

Fakultet maqsadi:

• Biologiya va geografiya fanlari ta’limi mazmunini va uning o‘quv-uslubiy ta’minotini bugungi kun talablaridan kelib chiqqan holda takomillashtirish orqali XXI asr ko‘nikmalariga ega raqobatbardosh kadrlar tayyorlash.
• Sog‘lom raqobat muhitini shakllantirish va xalqaro darajada fakultet jozibadorligini oshirish.
• Xalqaro darajadagi o‘qituvchi tayyorlash orqali fakultet imidjini oshirish.

Fakultetning o‘quv yo‘nalishlari

Fakultetda bakalavriat, magistratura, doktorantura bosqichlari bo‘lib, unda kunduzgi, sirtqi, kechki, magistratura ta’lim yo‘nalishlarida quyidagi yo‘nalishlar faoliyat olib boradi:

Kunduzgi ta’lim:

• Biologiya
• Geografiya
• Geografiya va iqtisodiy bilim asoslari

Sirtqi ta’lim:

• Biologiya

Kechki ta’lim:

• Biologiya
• Geografiya
• Geografiya va iqtisodiy bilim asoslari

Magistratura mutaxassisligi:

• Aniq va tabiiy fanlarni o‘qitish metodikasi (biologiya)
• Aniq va tabiiy fanlarni o‘qitish metodikasi (geografiya)

Doktorantura:

• O‘simliklar fiziologiyasi va biokimyosi
• Mikrobiologiya va virusologiya
• Iqtisodiy va ijtimoiy geografiya

Fakultetning strategik yo‘nalishlari

• Fakultetda o‘tiladigan fanlar bo‘yicha zamonaviy tadqiqotlarni yo‘lga qo‘yish.
• O‘quv jarayoni sifat va samaradorligini oshirish.
• Kadrlarni tayyorlash sifatini yaxshilash.
• Nazariya va amaliyot uyg‘unligini ta’minlash.
• Xalqaro darajadagi pedagog kadrlarni tayyorlash.
• Xalqaro hamkorlik aloqalarini rivojlantirish.

Fakultetning xalqaro hamkorlik aloqalari

Tabiiy fanlar fakulteti bir qator xorijiy oliy ta’lim muassasalari bilan hamkorlik aloqalarini yo‘lga qo‘ygan, jumladan:

• M.V.Lomonosov nomidagi Moskva davlat universiteti hamda Chirchiq davlat pedagogika universiteti o‘rtasida hamkorlik memorandumi imzolangan.
• Belarus Respublikasining A.A.Kuleshov nomidagi Mogilev davlat universiteti bilan hamkorlikda “Biologiya” bakalavriat ta’lim yo‘nalishlari bo‘yicha ikki diplomli (dual diplom) qo‘shma dasturlar yo‘lga qo‘yilgan, shu bilan birga “Biologiya” magistratura mutaxassisligi bo‘yicha magistr mutaxassislar tayyorlanmoqda.
• Pokistonning Quaid-i-Azam universiteti bilan hamkorlik memorandumi tuzilgan va kafedrada o‘tiladigan fanlarni o‘qitish uchun professor-o‘qituvchilar o‘quv mashg‘ulotlariga jalb etilgan. Shu bilan bir qatorda Biologiya kafedrasining yosh o‘qituvchilari F.Alimovaga professor Sh.Sultana, T.Abdusamatovga professor Ahmad Mushtoq rahbarlik uchun biriktirilgan.
• Qozog‘iston Respublikasi Korkut ata nomidagi Qizilo‘rda universiteti bilan Chirchiq davlat pedagogika universiteti o‘rtasida memorandum imzolandi. Memorandum asosida Qozog‘iston Respublikasi Korkut ata nomidagi Qizilo‘rda universiteti doktoranti Yerbolatov Nurkasim Nurtazayevich professor A.K.Raximov rahbarligida Chirchiq davlat pedagogika universiteti Tabiiy fanlar fakultetida 1 oy stajirovka o‘tadi.
• Qozog‘iston Respublikasining M.Auezov nomidagi Janubiy Qozog‘iston universiteti va Chirchiq davlat pedagogika universiteti o‘rtasida imzolangan hamkorlik shartnomasiga asosan 2024-yilning 9-20-dekabr kunlari Genetika va evolyutsiya biologiyasi kafedrasi professori A.K.Raximov M.Auezov nomidagi Janubiy Qozog‘iston universitetida dars mashg‘ulotlarini olib bordi va stajirovka o‘tadi.
• Qozog‘iston Respublikasi Abay nomidagi Qozog‘iston Milliy pedagogika universitetida va Chirchiq davlat pedagogika universiteti o‘rtasida imzolangan hamkorlik shartnomasiga asosan 2024-yilning 7-12-oktabr kunlari “Geografiya” kafedrasi dotsenti S.K. Djumabayeva Abay nomidagi Qozog‘iston Milliy pedagogika universitetida xizmat safarida bo‘ldi va 30 soat an’anaviy dars mashg‘ulotlari o‘tdi.

Fakultetning kampusi va infratuzilmasi

Tabiiy fanlar fakulteti universitetning 2-o‘quv binosida joylashgan bo‘lib, o‘quv xonalari, "Molekulyar biologiya va bioinformatika" laboratoriyasi, o‘quv binosi atrofida joylashgan agro-bio-geo o‘quv-ilmiy-pedagogik tajriba maydoni majmuasi hamda issiqxona va qo‘ziqorin yetishtirish markazlaridan iborat.