“Barqaror rivojlanish maqsadlari oliy ta’lim kontekstida”

Anjuman haqida

Mazkur ilmiy-amaliy anjuman Barqaror rivojlanish maqsadlarining oliy ta’lim tizimidagi o‘rni va ahamiyatini tahlil qilish, ushbu maqsadlarni ta’lim jarayoniga integratsiya etishning samarali yo‘llarini aniqlash hamda zamonaviy ta’lim jarayonini takomillashtirishga qaratilgan. Anjumanda global o‘zgarishlar sharoitida oliy ta’limning barqaror rivojlanish tamoyillariga moslashuvi, raqamli transformatsiya, ekologik madaniyat, inklyuzivlik, iqtisodiy barqarorlik va ijtimoiy hamkorlikni rivojlantirish bo‘yicha ilmiy-nazariy hamda amaliy masalalar muhokama qilinadi.

Anjumanning asosiy maqsadi – oliy ta’limda Barqaror rivojlanish maqsadlarini amalga oshirishning nazariy, amaliy va innovatsion asoslarini ishlab chiqish hamda ta’lim sifatini oshirishga xizmat qiluvchi ilmiy va metodik yechimlarni taklif etishdir. Shu bilan birga, global ta’lim makonida raqobatbardosh, ekologik ongli, ijtimoiy faollikka ega mutaxassislarni tayyorlash jarayonida barqaror rivojlanish tamoyillarining o‘rni va ahamiyatini yanada kuchaytirish.