Bekmatova Eʼzoza Elmurod qizi

1. “Rivojlanish uchun vaqt, sabr va doimiy harakat zarur; muvaffaqiyat esa intiluvchiga nasib etadi.”
2. “Maqsad sari intilgan insonning har bir kichik g‘alabasi katta yutuqlarga zamin yaratadi.”

Bekmatova E’zoza Elmurod qizi oilali, 1 nafar farzandning onasi hisoblanadi.

Bekmatova E’zoza Elmurod qizi hozirda Chirchiq davlat pedagogika universitetining 1-bosqich tayanch doktoranti hisoblanadi. Uning ilmiy izlanishlari asosan o‘simlik virusologiyasi, molekulyar biologiya va fitopatologiya yo‘nalishlariga qaratilgan. Tadqiqotlarida u Prunus avium (gilos) o‘simligidagi virusli kasalliklar, ularning fiziologik ta’siri hamda test o‘simliklarda namoyon bo‘ladigan alomatlarini o‘rganish bilan shug‘ullanadi.

Uning ilmiy faoliyatining asosiy yo‘nalishlari hozirgi kunda quyidagilardan iborat:

• O‘simlik viruslarining molekulyar diagnostikasi (PCR va boshqa usullar asosida).
• Gilos barglarida virus infeksiyasi ta’sirida yuzaga keladigan pigment va fotosintez o‘zgarishlarini tahlil qilish.
• Virusli kasalliklarni test o‘simliklar yordamida tashxislash va simptomlarni tavsiflash.
• Viruslar va o‘simlik fiziologiyasi o‘rtasidagi o‘zaro ta’sir mexanizmlarini ilmiy asosda yoritish.

Bekmatova E’zoza ilmiy izlanishlari orqali O‘zbekistonda gilos va boshqa Prunus turkumiga mansub o‘simliklarda viruslarning tarqalishi, ularning zararli ta’siri hamda iqtisodiy oqibatlarini o‘rganishga hissa qo‘shmoqda.