Bitiruvchi va mehnat bozori: talab, taklif hamda imkoniyatlar uyg‘unligi

   Xabaringiz bor, davlatimiz rahbarining topshirig‘iga ko‘ra, mamlakatimizda har haftaning payshanba kuni “Yoshlar kuni” bo‘lishi belgilandi.
     Mazkur topshiriqqa javoban, 26-fevral kuni Chirchiq davlat pedagogika universitetida rektor G‘ofurjon Muxamedov va Toshkent viloyati rahbarlari ishtirokida yoshlar bilan muloqotlarga bag‘ishlandi.
     Unda yoshlarning taklif va tashabbuslarini qo‘llab-quvvatlash, ularni qiynayotgan muammolarni o‘rganish, bandligini ta’minlash va kasbiy rivojlanishi uchun qo‘shimcha imkoniyatlar yaratish masalalari atroflicha muhokama qilindi.
     Tadbirda Toshkent viloyati hokimi o‘rinbosari Jamshid Bobojonov, viloyat Maktabgacha va maktab ta’limi boshqarmasi boshlig‘i Shukur Burxonov, shuningdek, boshqarmaning shahar va tuman bo‘limlari rahbarlari, ta’lim muassasalari direktorlari hamda bitiruvchi yoshlar ishtirok etdi.
     Uchrashuv davomida yoshlarning fikr-mulohazalari tinglanib, ilgari surilgan takliflar yuzasidan mas’ullarga tegishli topshiriqlar berildi. Shuningdek, mavjud bo‘sh ish o‘rinlari haqida ma’lumotlar taqdim etilib, bitiruvchilarni mutaxassisligiga mos ish joylariga yo‘naltirish bo‘yicha amaliy chora-tadbirlar belgilandi.
     Mazkur uchrashuv va muloqotlar yoshlarni har tomonlama qo‘llab-quvvatlash, ta’lim va mehnat bozori o‘rtasidagi uzviy bog‘liqlikni mustahkamlash yo‘lidagi muhim amaliy qadam sifatida alohida ahamiyat kasb etadi.

Universitet Axborot xizmati