🎓 ChDPUda xalqaro yozgi maktabning birinchi kuni muvaffaqiyatli o‘tdi
Chirchiq davlat pedagogika universitetida Germaniyaning Mannhaym shahrida joylashgan Laybnits- Nemis tili ilmiy-tadqiqot instituti (Leibniz-Institut für Deutsche Sprache, IDS) hamda O‘zbekiston Respublikasining nemis tili yo‘nalishidagi oliy ta’lim muassasalari o‘rtasidagi hamkorlik doirasida tashkil etilgan xalqaro yozgi maktabning birinchi kuni muvaffaqiyatli o‘tdi.
📅 2026-yil 13-aprel kuni o‘tkazilgan dasturga muvofiq:
- IDS faoliyati va ilmiy resurslari (korpuslar, elektron bazalar) taqdim etildi;
- ishtirokchilar zamonaviy lingvistik tadqiqot imkoniyatlari bilan tanishtirildi;
- Germaniyalik professorlar ishtirokida ilmiy muloqotlar tashkil etildi.
🎤 Kun davomida professor Stefan Engelberg tomonidan
“Das Lexikon aus korpuslinguistischer Perspektive – Der Wortschatz” mavzusida ma’ruza o‘qildi.
📚 Kunning ikkinchi yarmida filologik konferensiya doirasida ko‘p tillilik, til identifikatsiyasi hamda til normasi va real qo‘llanish masalalari yuzasidan ilmiy muhokamalar o‘tkazildi.
🎓 Tadbirda O‘zbekistonning turli oliy ta’lim muassasalaridan tashrif buyurgan o‘qituvchilar, magistrantlar va talabalar faol ishtirok etdilar.
🤝 Mazkur yozgi maktab ChDPU va IDS o‘rtasidagi samarali hamkorlikning amaliy natijasi bo‘lib, universitetda xalqaro ilmiy muhitni shakllantirishda muhim ahamiyat kasb etmoqda.
Galereya
