Chirchiq davlat pedagogika universiteti va Germaniyaning Haydelberg pedagogika universiteti o‘rtasida 2022-yilda imzolangan besh yillik hamkorlik shartnomasi doirasida talabalar almashinuvi dasturi yo‘lga qo‘yilgan. Ushbu dastur asosida har yili Germaniyadan 8 nafar talaba universitetimizga tashrif buyurib, Nemis tili kafedrasi, ChDPU akademik litseyi va Bo‘stonliq tumanidagi 29-maktabda bir oy davomida pedagogik amaliyot o‘tash imkoniyatiga ega bo‘ladilar.

Shu bilan birga, har yili ChDPUdan 4 nafar iqtidorli talaba Germaniyaga yuboriladi. Ular xorijdagi hamkor universitetda darslarda qatnashadi va maktablarda amaliyot o‘taydilar. Hozirgi kunga qadar 20 dan ortiq xorijiy talaba universitetimizda bo‘lgan, ChDPUdan esa 10 dan ziyod talaba Haydelbergga safar qilgan.

2024-yil 11-oktabr kuni Chirchiq davlat pedagogika universiteti Turizm fakultetida Nemis tili kafedrasi tashabbusi bilan “Xorijiy tillarni oʻqitishda kooperativ (hamkorlikdagi) taʼlim” mavzusida amaliy-metodik seminar tashkil etildi. Tadbirda kafedra professor-o‘qituvchilari tomonidan o‘quv jarayonida samarali qo‘llanilayotgan zamonaviy innovatsion metod va texnologiyalar namoyish etildi.

Mazkur tadbirda Nemis tili ta’lim yo‘nalishi talabalari, mehmon amaliyotchi-talabalar hamda universitet jamoasi faol ishtirok etdi. Seminar doirasida ilg‘or didaktik yondashuvlar, interaktiv dars shakllari va hamkorlikdagi ta’lim modellariga oid tajribalar almashildi.

📎 Foto va hujjatlar:
Drive havolasi

Chirchiq davlat pedagogika universiteti va Germaniyaning Haydelberg pedagogika universiteti o‘rtasida 2022-yilda besh yil muddatga tuzilgan hamkorlik shartnomasi doirasida talabalar akademik almashinuvi tizimi yo‘lga qo‘yilgan. Shartnoma asosida har yili ChDPUdan 4 nafar talaba Haydelberg universitetiga 1 oylik amaliyotga yuboriladi. Talabalar ushbu davr mobaynida Germaniya maktablarida pedagogik amaliyot o‘tab, universitet darslarida ham bevosita ishtirok etadilar.

Bundan tashqari, Germaniyaning DAAD tashkiloti tomonidan e’lon qilinadigan 1 oylik yozgi til kursi (HSK) stipendiyasiga talabalarni tayyorlash ishlari muntazam olib borilmoqda. Har yili oktyabr oyida DAAD vakillari universitetga tashrif buyurib, talabalar bilan uchrashuvlar o‘tkaziladi, shuningdek, OnSET testi universitetda tashkil etiladi. B1 darajasidagi talabalar bilan individual ishlanib, hujjatlar tayyorlashda amaliy yordam ko‘rsatiladi. Natijada, hozirgacha 3 nafar talabamiz ushbu nufuzli stipendiya sohibiga aylanishga muvaffaq bo‘lishdi.

Haydelberg universiteti bilan hamkorlikda 2023–2025 yillarga mo‘ljallangan Germanistische Institutspartnerschaft – GIP (Germanistika institutlari hamkorligi) loyihasi doirasida talabalar uchun onlayn va an’anaviy mashg‘ulotlar tashkil etildi. Loyihaning stipendiya dasturi asosida Xorijiy til va adabiyot (nemis tili) yo‘nalishi 2-kurs magistranti X. Mamadiyorova Germaniyada 1 semestr davomida tahsil olib, muvaffaqiyatli qaytdi.

2022-yildan boshlab Chirchiq davlat pedagogika universitetining Nemis tili kafedrasi xorijiy oliy ta’lim muassasalari va ilmiy markazlar bilan hamkorlikni mustahkamlash, ilg‘or tajribalarni o‘rganish va o‘quv jarayoniga tatbiq etish yo‘lida samarali tashabbuslarni hayotga tatbiq etmoqda.

Bu hamkorliklar quyidagi ustuvor yo‘nalishlarga qaratilgan:

xorijiy oliy ta’lim tajribalarini o‘rganish va ta’lim jarayoniga integratsiya qilish;

iqtidorli yosh kadrlarni aniqlash hamda ularning salohiyatini ro‘yobga chiqarish;

o‘qituvchilarning malakasini oshirish va xorijda stajirovkalar tashkil etish;

xorijda malaka oshirayotgan mutaxassislarning faoliyatini monitoring qilish va ulardan ilmiy-pedagogik jarayonlarda foydalanish.

Xususan, Yevropa Ittifoqi doirasidagi loyihalar natijalarini ta’lim jarayoniga integratsiya qilish, doimiy axborot almashinuvi va safarlar davomida o‘zlashtirilgan ilg‘or tajribalarni amaliyotga joriy etish ustuvor vazifa bo‘lib qolmoqda.

🌍 Hamkor tashkilotlar:
Haydelberg pedagogika universiteti (Germaniya)

IDS Mannheim – Laybnis nomidagi Nemis tili ilmiy tadqiqot instituti

Myunster universiteti (Germaniya)

Gyote instituti (Germaniya)

🤝 Hamkorlik doirasidagi ishlanmalar:
professor-o‘qituvchilar va talabalar o‘rtasida akademik almashinuv dasturlari;

an’anaviy va masofaviy mashg‘ulotlar tashkil etish;

stajirovka, maxsus kurslar va mahorat darslarini o‘tkazish.

📊 Erishilgan natijalar:
10 dan ortiq professor-o‘qituvchi xorijda malaka oshirdi yoki ilmiy stajirovka o‘tadi;

8 nafar talaba xorijiy universitetlarda pedagogik amaliyotni yakunladi;

20 dan ortiq xorijiy professor-o‘qituvchi ChDPUda mahorat darslarini o‘tkazdi;

Haydelberg pedagogika universitetidan 20 dan ortiq talaba universitetimizda amaliyot o‘tadi.

📁 Fotosurat va hujjatlar Google Drive’da