Gaffarov Yarash Xolliyevich
Kafedra Professori
Tarix fanlari nomzodi
t.f.n. professor
📚 Tarix yo‘nalishi 1-bosqich talabalari uchun
📌 Mavzu: O‘zbekiston va jahon hamjamiyati
🗣 Ma’ruzachi: Gaffarov Y.X.
Mazkur ma’ruzada O‘zbekiston Respublikasining jahon hamjamiyatidagi o‘rni, xalqaro tashkilotlar bilan hamkorligi, tashqi siyosatning ustuvor yo‘nalishlari hamda globallashuv sharoitida yoshlarning vazifalari haqida atroflicha so‘z yuritiladi.
O‘zbekiston Respublikasi Prezidenti Shavkat Mirziyoyevning Oliy Majlis va O‘zbekiston xalqiga yo‘llagan Murojaatnomasi hamda “O‘zbekiston – 2030” strategiyasida belgilangan ustuvor vazifalar ijrosini ta’minlash maqsadida Toshkent viloyati tumanlari kesimida mahallalarda targ‘ibot ishlari olib borilmoqda. Targ‘ibot ishlarini yuqori saviyada hamda samarali tashkil etish maqsadida turli soha vakillaridan iborat 11 ta ishchi guruh shakllantirilgan bo‘lib, 14-yanvardan 27-yanvarga qadar Toshkent viloyati mahallalarida uchrashuvlar, davra suhbatlari tashkil etiladi. Mazkur targ‘ibot ishlariga Chirchiq davlat pedagogika universiteti professor-o‘qituvchilari, kafedra mudirlari ham jalb etilgan. Davlatimiz Rahbarining Oliy Majlis va O‘zbekiston xalqiga Murojaatnomasi hamda “O‘zbekiston – 2030” strategiyasining mazmun-mohiyati va ahamiyatini aholiga yetkazish, mahalla faollari bilan suhbat, shuningdek mahallalardagi mavjud muammolarni o‘rganish bo‘yicha tizimli ishlar amalga oshirilmoqda. Jumladan, 5- ishchi guruh tarkibida Chirchiq davlat pedagogika universiteti Gumanitar fanlar fakulteti “Tarix” kafedrasi professori Y.X.G‘affarov, “Tarix” kafedrasi mudiri Sh.B.Jumayeva va “Algebra va matematik analiz” kafedrasi mudiri G‘.X.Djumabayevlar Toshkent viloyati Qibray va Toshkent tumanlari mahallalarida targ‘ibot ishlarini olib bormoqdalar. Qibray tumani Sharq, Jomiy, Toshkent tumani Oltintepa mahallarida o‘tkazilgan targ‘ibot ishlari davomida mahalliy aholi tomonidan biltirilgan taklif va tashabbuslar o‘rganilib, mavjud muammolar Toshkent viloyati ma’sullari tomonidan bartaraf etilmoqda.
#Ilmiy_seminar
🎓 UCH AVLOD UCHRASHUVI
Tadbir davomida ilm-fan va ta’lim sohasida muhim voqea bo‘lib o‘tdi. Xususan, Turon fanlar Akademiyasi akademigi, Tarix kafedrasi professori Y.X.Gaffarovning yangi nashrdan chiqqan darsliklari — Sharq va g‘arb sivilizatsiyasi tarixi hamda Metodika prepodavaniya istorii taqdimoti tashkil etildi.
Uchrashuv davomida Y.X. Gaffarov tomonidan mazkur asarlarning yaratilish jarayoni, ilmiy-nazariy asoslari, ta’lim jarayonidagi ahamiyati hamda yosh tadqiqotchilar uchun metodik yo‘nalishlari haqida batafsil ma’lumot berildi.
📚 Tadbir uch avlod vakillari — ustozlar, yosh olimlar va talabalarni bir maydonda jamlab, tajriba almashinuvi, ilmiy meros davomiyligi hamda tarix faniga bo‘lgan qiziqishni yanada oshirishga xizmat qildi.
✨ Bunday uchrashuvlar ilmiy an’analarni mustahkamlash, yoshlarni ilm yo‘liga ruhlantirish va milliy tarixshunoslik rivojiga munosib hissa qo‘shishda muhim ahamiyat kasb etadi.
