Tarix Kafedrasi

Kafedraning missiyasi: Tarix kafedrasining asosiy vazifasi Tarix yo‘nalishi talabalarining tarix fanlariga oid bilim, ko‘nikma va malakalarini rivojlantirish, hamda kasbiy kompetensiyasini shakllantirishdan iborat.

Maqsadlarimiz:

✔ Innovatsion texnologiyalar va ilg‘or pedagogik usullar orqali tarix o‘qitish sifatini oshirish.

– zamonaviy pedagogik va axborot – kommunikatsiya texnologiyalarini joriy etish, pedagogik faoliyat bilan shug‘ullanishni boshlagan yosh o‘qituvchilarga pedagogik malaka, ko‘nikmalarni egallashda yordam berish, axborot bazasini yaratish, o‘quv mashg‘ulotlarida zamonaviy o‘quv –texnika vositalaridan, yakka tartibda o‘qitish hamda mustaqil ta’lim olish uslublaridan samarali foydalanishni yo‘lga qo‘yish, o‘qitishni zamonaviy kompyuter texnikalari bilan jihozlangan maxsus o‘quv auditoriyalarida tashkil qilish, masofali o‘qitish elementlarini rivojlantirish;

– kafedra yo‘nalishlari va mutaxassisliklari bo‘yicha DTS, o‘quv rejalari, dasturlarini rivojlangan xorijiy mamlakatlarning ta’lim dasturlari bilan qiyosiy tahlilini muntazam ravishda olib borish hamda takomillashtirish;

✔ Xalqaro hamkorlikni kengaytirish – universitetlar, ilmiy jamoatchilik va ta’lim loyihalari bilan hamkorlikni yo‘lga qo‘yish.

✔ Ilmiy-tadqiqot muhitini rivojlantirish – Tarixiy tadqiqotlar bo‘yicha innovatsion markaz sifatida faoliyat olib borish

– tasdiqlangan rejaga muvofiq ilmiy–tadqiqot ishlarini olib borish, tugallangan ilmiy–tadqiqot ishlarini muhokama etish, nashr etishga tavsiya berish va ularning natijalarini ishlab chiqarishga joriy etish, ta’lim,fan hamda ishlab chiqarishning samarali integratsiyasini ta’minlash;

– talabalar ilmiy–ijodiy faoliyatini tizimli asosda tashkil etish, iqtidorli talabalarni aniqlash, ularni ilmiy tadqiqotlarga jalb etish, ilmiy–tadqiqot ishlarini individual hamda jamoa bo‘lib bajarishga o‘rgatish, ularning ilmiy–ijodiy faoliyatini ro‘yobga chiqarish uchun zarur tashkiliy,uslubiy va moddiy–texnikaviy shart–sharoitlar yaratish;

Kafedrada 60220300- Tarix ta’lim yo‘nalishi, 70111101 – Ijtimoiy gumanitar fanlarni o‘qitish metodikasi (tarix) magistratura mutaxasisligi bo‘yicha o‘quv faoliyat olib boriladi

60220300- Tarix ta’lim yo‘nalishi o‘quv dasturlari

• O‘zbekiston tarixi  1, 2, 3, 4, 5

• Jahon tarixi 1, 2, 3, 4, 5

• Tarixiy geografiya

• Arxeologiya 

• Etnologiya

• Manbashunoslik, tarixshunoslik

• Tarix o‘qitish metodikasi

• Eski o'zbek yozuvi

• Fan va texnika tarixi

• Jahon sivilizatsiyasi tarixi

• O'zbek davlatchiligi tarixi 

• O‘zbekistonning madaniyati va san’ati 

• Raqamli tarix

• Sharq allomalari ilmiy merosini o‘rganish

• Tarixiy o‘lkashunoslik va turizm

• Xalqaro munosabatlar va diplomatiya tarixi

70111101 – Ijtimoiy gumanitar fanlarni o‘qitish metodikasi (tarix) magidtratura mutaxasisligi

• Tarix fani metodologiyasi   

•  Oliy va professional ta’limda mutaxassislik fanlarini o‘qitish metodikasi   

• Jahon sivilizatsiyalari tarixining dolzarb muammolari

• Ilmiy tdqiqot metodologiyasi

Tarix kafedrasi ilmiy-tadqiqot faoliyatida quyidagi strategik yo‘nalishlarda ish olib bormoqda. 

—   Tarix o‘qitish metodikasi: Tarix o‘qitishda zamonaviy yondashuvlar (Y.X.G’afforov) Pedagogik ta’lim klasteri asosida tarix fanlarini o‘qitish metodikasini takomillashtirish (S.A.Toshtemirova), Talabalarda bag‘rikenglik kompetensiyasini integrativ asosda rivojlantirishning pedagogik imkoniyatlari (D.B.Ahmadjanov), Individual yondashuv asosida maktab o‘quvchilarida raqamli savodxonlikni shakllantirish mexanizmlari (Z.Haydarova), Amaliy mashg‘ulotlar asosida talabalarning kasbiy kompetentsiyasini shakllantirish metodikasi (I.S.Joldasov)

—   O‘zbekiston davlatchilik tarixi: O‘zbekiston xalqi hayotida millatlararo totuvlik, diniy bag‘rikenglik tamoyillarining tutgan o‘rni va ahamiyati,  O‘rta Osiyo respublikalarida o‘tkazilgan rayonlashtirish siyosati va uning natijalari (O.M.Normatov), Turkistonda advakatura organlari faoliyati tarixi (O.H.Jaynarov), Sharof Rashidovning O‘zbekistonda 1945-1983 -yillarda kechgan siyosiy va ijtimoiy jarayonlarida tutgan o‘rni (Sh.Sulaymonova), O‘zbekistonda ziyorat turizmining rivojlanish tarixi (Sh.Jumayeva), Buxoro amirligi ijtimoiy va siyosiy hayotida general Jo‘rabekning tutgan o‘rni (Sh.Parmonov)

—   Jahon tarixi va xalqaro munosabatlar: Fors ko‘rfazi arab davlatlarining Markaziy Osiyo respublikalari bilan ijtimoiy-iqtisodiy aloqalari

—   Tarixshunoslik: O‘zbekiston tarixining Turkiyada yoritilishi (S.Toshev)

📌 Kafedra ilmiy-tadqiqot faoliyati:

• Hudud va respublikadagi korxona hamda tashkilotlar bilan xo‘jalik shartnomalari asosida loyihalar amalga oshiriladi.

• Xorijiy ilmiy markazlar bilan hamkorlikda ilmiy tadqiqot loyihalari olib boriladi.

🌐 Xorijiy hamkorlik:

• Shvetsariya milliy ilmiy fondi

  • Loyiha: IZSTZO_223625 “Tenglik afsonalari: Markaziy Osiyo ilm-fanida gender tenglik tarixi (1870–1970)”

  • Maqsad: Gender tenglik tarixini chuqur o‘rganish

🏛 Hududiy tadqiqotlar:

• Toshkent viloyati “Mahalla” jamg‘armasi buyurtmasi

• Natija: “Toshkent viloyati mahallalari” kitobi nashrga tayyorlandi

🔬 Milliy ilmiy hamkorlik:

• Chirchiq Davlat Pedagogika Universiteti va O‘zbekistondagi Islom sivilizatsiyasi markazi

• Shartnoma: 2024-yil 8-yanvar

• Loyiha: “O‘zbekistonda konchilik va metallurgiya tarixi”

Tarix kafedrasi professori, t.f.n. Gaffarov Yarash Xolliyevich “Toshkent vohasi tarixiga doir zamonaviy tadqiqotlar” mavzusidagi respublika ilmiy-amaliy konferensiya haqidagi O‘zbekiston tarixi telekanali intervyusi

Tarix kafedrasi mudiri, dotsent, t.f.f.d. Normatov Otabek Maxamatjonovichning “Toshkent vohasi tarixiga doir zamonaviy tadqiqotlar” mavzusidagi respublika ilmiy-amaliy konferensiya haqidagi O‘zbekiston tarixi telekanali intervyusi

Tarix kafedrasi dotsenti, t.f.f.d. Jumayeva Shoira Berdiyarovna “Toshkent vohasi tarixiga doir zamonaviy tadqiqotlar” mavzusidagi respublika ilmiy-amaliy konferensiya haqidagi O‘zbekiston tarixi telekanali intervyusi

Kafedra Hamkorlik shartnomasi asosida Qozog’istonning M.Avezov nomidagi Janubiy Qozog’iston davlat universiteti, Tojikiston Respublikasining Tojikiston pedagogika instituti, Latviyaning Latviya tarixi instituti, Rossiya Federatsiyasining Ural Federal universitetlari bilan hamkorlik yo‘lga qo‘yilgan.

(Klub mashg’ulotlari haftaning har payshanba kuni o’tkaziladi)

Klubning maqsadi: talabalarda barcha ijtimoiy-gumanitar fanlar, shu jumladan tarix bo’yicha bilimlarini oshirib borish hamda yoshlarda tanqidiy va kreativ fikrlashni shakllantirish, notiqlik qobiliyatini oshirish. 

     Klubning vazifalari:

Talabalarda haqiqiy tarixni anglash, tarixiy ma’lumotlarni faktlar asosida yoritib bera olish, har qanday axborot va dalillarga nisbatan tanqidiy ruhda qaragan holda  ularni analiz-sintez qila olish, o’zining mustaqil fikriga ega bo’lishi ko’nikmalari shakllanishiga erishish, tarix va bugungi ijtimoiy hayotdagi muammoli vaziyatlarga yechim bera olish, ijtimoiy-gumanitar fanlardagi fanlararo bog’liqliklarni o’rganishdan iborat.

CHDPU Gumanitar fanlar fakulteti Tarix kafedrasi qoshidagi

“Learning English” to‘garagining 2025-o‘quv yili bo‘yicha yillik

HISOBOTI

2025-o‘quv yili davomida Chirchiq davlat pedagogika universiteti Gumanitar fanlar fakulteti Tarix kafedrasi qoshida tashkil etilgan “Learning English” to‘garagi o‘z faoliyatini reja asosida samarali olib bordi. To‘garak faoliyatining asosiy maqsadi talabalarning ingliz tilini o‘rganishga ko‘maklashish, ularning nutqiy kompetensiyasini rivojlantirish hamda tarix fanlari bo‘yicha xorijiy manbalarni o‘qish va tushunish ko‘nikmalarini shakllantirishdan iborat bo‘ldi.

To‘garak mashg‘ulotlari haftasiga belgilangan jadval asosida olib borildi. Mashg‘ulotlar davomida kommunikativ yondashuv, interaktiv metodlar, juftlik va guruhli ishlash, dialog va rolli o‘yinlardan keng foydalanildi. Talabalarning til o‘rganishga bo‘lgan qiziqishini oshirish maqsadida tarixiy mavzularga oid sodda matnlar, kundalik muloqot namunalaridan foydalanildi.

Yil davomida to‘garak a’zolari ingliz tilida elementar darajada o‘z fikrini bayon qilish, oddiy savol-javoblar olib borish, qisqa matnlarni tushunish va tarjima qilish ko‘nikmalarini egalladilar. Mashg‘ulotlar yakunida talabalar orasida bilimlarni mustahkamlash maqsadida kichik testlar, og‘zaki suhbatlar va amaliy mashqlar o‘tkazildi.

 “Learning English” to‘garagi 2025-o‘quv yili davomida o‘z oldiga qo‘yilgan maqsad va vazifalarni muvaffaqiyatli amalga oshirdi. To‘garak faoliyati talabalarning ingliz tiliga bo‘lgan qiziqishini oshirdi, ularning til o‘rganishdagi dastlabki kompetensiyalarini shakllantirishga xizmat qildi. Kelgusida to‘garak faoliyatini yanada takomillashtirish, mavzularni kengaytirish va tarix faniga yo‘naltirilgan ingliz tili materiallarini ko‘paytirish rejalashtirilmoqda.

“Yosh arxeologlar” klubi 2025–2026-o‘quv yilining birinchi yarim yilligida o‘z faoliyatini tasdiqlangan ish reja asosida olib bordi. Klub faoliyatining asosiy maqsadi talabalarda arxeologiya va tarix fanlariga qiziqishni oshirish, ilmiy-tadqiqot ko‘nikmalarini shakllantirish hamda yoshlarni milliy madaniy merosni asrab-avaylash ruhida tarbiyalashdan iborat.

Hisobot davrida klubga a’zo bo‘lgan talabalar soni 15 nafarni tashkil etdi. To‘garak haftaning Payshanba kunida soat 14:00 dan 15:20 gacha muntazam ravishda o‘tkazilib, unda arxeologiya fanining dolzarb masalalari, O‘zbekiston hududidagi qadimiy yodgorliklar, arxeologik tadqiqot usullari va natijalari muhokama qilindi.

2025–2026-o‘quv yilining birinchi yarim yilligida quyidagi tadbirlar amalga oshirildi:

“O‘zbekiston hududidagi qadimgi sivilizatsiyalar” mavzusida ilmiy-ma’rifiy seminar o‘tkazildi;

Arxeologik terminlar va manbalar bilan ishlash bo‘yicha amaliy mashg‘ulotlar o‘tkazildi;

Muzey va tarixiy-arxeologik yodgorliklarga ekskursiyalar uyushtirildi; Masalan Chirchiq Shahrida joylashgan Chirchiq shahri tarixi muzeyiga hamda Toshkent viloyati Bo‘stonliq tumanida joylashgan “Xo‘jakent”, “Obirahmat”, “Paltau”, “Kodovot tepa” arxeologik yodgorliklariga to‘garak a’zolari bilan ekskursiyalar uyushtirildi.

Iqtidorli talabalar ishtirokida davra suhbatlari va taqdimotlar tashkil etildi;

Talabalarni ilmiy maqola va tezislar tayyorlashga yo‘naltirish ishlari olib boridi.

Klub a’zolari tomonidan ilmiy-tadqiqot faoliyatiga alohida e’tibor qaratildi. Bir qator talabalar respublika va universitet miqyosidagi ilmiy-amaliy konferensiyalarda ishtirok etdi. Shuningdek, arxeologiyaga oid referatlar, taqdimotlar va kichik ilmiy izlanishlar tayyorlandi.

Klub doirasida yoshlarni vatanparvarlik, tarixiy xotiraga hurmat va milliy qadriyatlarga sadoqat ruhida tarbiyalashga qaratilgan tadbirlar ham o‘tkazildi. Tarixiy merosni asrash va uni kelajak avlodga yetkazish masalalari keng targ‘ib qilindi.

Umuman olganda, “Yosh arxeologlar” klubi 2025–2026-o‘quv yilining birinchi yarim yilligida belgilangan vazifalarni muvaffaqiyatli amalga oshirdi. Klub faoliyati talabalar bilimini oshirish, ularning ilmiy salohiyatini rivojlantirish va arxeologiya faniga bo‘lgan qiziqishini kuchaytirishga xizmat qildi. Kelgusida klub faoliyatini yanada takomillashtirish, dala-amaliyot mashg‘ulotlarini kengaytirish rejalashtirilgan.