Tarix Kafedrasi

📚 O‘quv Dasturlari va Yo‘nalishlar

🎓 Ta’lim yo‘nalishlari

Tarix kafedrasi quyidagi bakalavriat va magistratura ta’lim yo‘nalishlari bo‘yicha o‘quv faoliyatini olib boradi:

• 60220300 – Tarix (bakalavriat)

• 70111101 – Ijtimoiy-gumanitar fanlarni o‘qitish metodikasi (tarix) (magistratura)

📘 60220300 – Tarix yo‘nalishi o‘quv fanlari:

• O‘zbekiston tarixi  1, 2, 3, 4, 5

• Jahon tarixi 1, 2, 3, 4, 5

• Tarixiy geografiya

• Arxeologiya 

• Etnologiya

• Manbashunoslik, tarixshunoslik

• Tarix o‘qitish metodikasi

• Eski o'zbek yozuvi

• Fan va texnika tarixi

• Jahon sivilizatsiyasi tarixi

• O'zbek davlatchiligi tarixi 

• O‘zbekistonning madaniyati va san’ati 

• Raqamli tarix

• Sharq allomalari ilmiy merosini o‘rganish

• Tarixiy o‘lkashunoslik va turizm

• Xalqaro munosabatlar va diplomatiya tarixi

📗 70111101 – Ijtimoiy-gumanitar fanlarni o‘qitish metodikasi (magistratura):

• Tarix fani metodologiyasi   

•  Oliy va professional ta’limda mutaxassislik fanlarini o‘qitish metodikasi   

• Jahon sivilizatsiyalari tarixining dolzarb muammolari

• Ilmiy tdqiqot metodologiyasi

✅ Kafedraning Ta’lim Sifati va Baholash Tizimi

🎯 Ta’lim sifati nazorati

Tarix kafedrasi ta’lim sifatini oshirish uchun ichki va tashqi monitoring tizimlari orqali doimiy nazoratni amalga oshiradi.

🔍 Tashqi monitoring:

• Universitetning Ta’lim sifatini nazorat qilish ishchi guruhi platformasi orqali o‘quv jarayoni muntazam tahlil qilinadi.

• Gumanitar fanlar fakulteti tarkibidagi sifat nazorati komissiyasi ta’lim jarayonini baholab boradi.

🧩 Ichki monitoring:

• Ichki nazorat kafedra dotsenti O.M. Jaynarov tomonidan olib boriladi.

🧮 Baholash tizimi:

• Talabalar bilimlari 100 ballik reyting tizimi asosida baholanadi.

• Yakuniy ballar YeCTS (European Credit Transfer System) ga muvofiq konvertatsiya qilinadi.

   

💬 Talabalar fikri va qayta aloqa tizimi:

Kafedra o‘quv jarayonini doimiy takomillashtirish maqsadida ochiq va shaffof qayta aloqa tizimini joriy qilgan:

• Apellyatsiya: Yakuniy baholashdan so‘ng 24 soat ichida talabalar apellyatsiya komissiyasiga murojaat qilish huquqiga ega.

• Doimiy so‘rovlar: Talabalar fikrlari asosida onlayn so‘rovnomalar o‘tkaziladi va hisobotlar tayyorlanadi. Natijalar asosida zarur o‘zgarishlar amalga oshiriladi.

ILMIY-TADQIQOT YO‘NALISHLARI VA LOYIHALAR

Tarix kafedrasi ilmiy-tadqiqot faoliyatida quyidagi strategik yo‘nalishlarda ish olib bormoqda. 

—   Tarix o‘qitish metodikasi: Tarix o‘qitishda zamonaviy yondashuvlar (Y.X.G’afforov) Pedagogik ta’lim klasteri asosida tarix fanlarini o‘qitish metodikasini takomillashtirish (S.A.Toshtemirova), Talabalarda bag‘rikenglik kompetensiyasini integrativ asosda rivojlantirishning pedagogik imkoniyatlari (D.B.Ahmadjanov), Individual yondashuv asosida maktab o‘quvchilarida raqamli savodxonlikni shakllantirish mexanizmlari (Z.Haydarova), Amaliy mashg‘ulotlar asosida talabalarning kasbiy kompetentsiyasini shakllantirish metodikasi (I.S.Joldasov)

—   O‘zbekiston davlatchilik tarixi: O‘zbekiston xalqi hayotida millatlararo totuvlik, diniy bag‘rikenglik tamoyillarining tutgan o‘rni va ahamiyati,  O‘rta Osiyo respublikalarida o‘tkazilgan rayonlashtirish siyosati va uning natijalari (O.M.Normatov), Turkistonda advakatura organlari faoliyati tarixi (O.H.Jaynarov), Sharof Rashidovning O‘zbekistonda 1945-1983 -yillarda kechgan siyosiy va ijtimoiy jarayonlarida tutgan o‘rni (Sh.Sulaymonova), O‘zbekistonda ziyorat turizmining rivojlanish tarixi (Sh.Jumayeva), Buxoro amirligi ijtimoiy va siyosiy hayotida general Jo‘rabekning tutgan o‘rni (Sh.Parmonov)

—   Jahon tarixi va xalqaro munosabatlar: Fors ko‘rfazi arab davlatlarining Markaziy Osiyo respublikalari bilan ijtimoiy-iqtisodiy aloqalari

—   Tarixshunoslik: O‘zbekiston tarixining Turkiyada yoritilishi (S.Toshev)

ILMIY TADQIQOTLAR VA INNOVATSION LOYIHALAR

Kafedra ilmiy tadqiqot yo‘nalishidan kelib chiqib hudud va respublikadagi korxona va tashkilotlar bilan hamkorlikda xo‘jalik shartnomalari asosida bir qator loyihalar va ilmiy texnik ishlanmalar, hamda xorijiy ilmiy markazlar bilan hamkorlikda loyihalar ustida tadqiqopt olib borilmoqda.

Jumladan: 

Shvetsariya milliy ilmiy fondi, IZSTZO_223625 "Tenglik afsonalari: Markaziy Osiyo ilm-fanida gender tenglik tarixi (1870-1970) loyihasini amalga oshirilmoqda.

- Toshkent viloyati mahallalari tarixini o‘rganish maqsadida Toshkent viloyati “Mahalla” jamg‘armasi buyurtmasiga asosan  “Toshkent viloyati mahallari” kitobini nashrga tayyorlandi.

- Chirchiq davlat pedagogika universiteti bilan O‘zbekistondagi Islom sivilizatsiyasi markazi o‘rtasida 2024-yil 8-yanvar kuni imzolangan shartnoma asosida “O‘zbekistonda konchilik va metallurgiya tarixi” doirasida ilmiy tadqiqot loyihasi amalga oshirildi

ILMIY TADQIQOTLAR MARKAZLAR VA O’QUV LABARATORIYALAR

Kafedra qoshida Tarix fanlarini o‘qitishda nazariy ta’lim bilan amaliyotni uyg‘unlashtirish maqsadida “Arxeologiya o‘quv markazi” faoliyati yo‘lga qo‘yildi. Markazda Toshkent vohasi tarixiga oid 400 ga yaqin arxeologik ashyolar jamlangan bo‘lib, mazkur markazda talabalar arxeologik eksponatlarni o‘rganish, restavratsiya qilish, hamda mazkur arxeologik ashyolarning o‘zbek, rus, ingliz tillaridagi bazasini yaratish borasida ish olib bormoqda

TALABALAR HAYOTI VA TASHKILOTLARI

Individual yondashuv asosida talabalarning o‘quv, ilmiy tadqiqot va ma’naviy-ma’rifiy faoliyatini qo‘llab quvvatlash maqsadida Kafedra qoshida Fakultet Talabalar akademiyasi doirasida “Yosh arxeologlar”, “Yosh manbashunoslar”, “Ingliz tilini o‘rganamiz” klublari faoliyati yo‘lga qo‘yilgan.

Kafedra Hamkorlik shartnomasi asosida Qozog’istonning M.Avezov nomidagi Janubiy Qozog’iston davlat universiteti, Tojikiston Respublikasining Tojikiston pedagogika instituti, Latviyaning Latviya tarixi instituti, Rossiya Federatsiyasining Ural Federal universitetlari bilan hamkorlik yo‘lga qo‘yilgan.