Hikmatov Hikmat Sultonovich
Katta o‘qituvchi
Katta o‘qituvchi.
Hikmatov Hikmat Sultonovich 1973 yil 30-iyulda Navoiy viloyati Nurato tumanida tug‘ilgan. Millati –tojik. Oilali, uch nafar farzandi bor.
Hikmatov Hikmat Sultonovich 1980-1990 yillar Navoiy viloyati Nurota tumanidagi 43 va 30 umumta’lim maktablarini tugatgan. 1990-1996 yillar davomida Dushanbe davlat pedagogika universiteti “Tojik tili va adabiyoti” fakultetida tahsil olgan. O‘qishni tugatgandan so‘ng Navoiy viloyati Nurato tumanidagi 30-sonli umumiy o‘rta ta’lim maktabida mutaxassisligi bo‘yicha o‘qituvchi lavozimida ishlagan.
Hikmat Hikmatov yetuk pedagog sifatida respublikamizda tanilgan. Uning shogirdlari fan doktori (Qo‘rg‘onov Zohidjon, f.f.doktori, Xo‘jand davlat universiteti), texnika fanlar doktori, professor (Ҷovidҷon Rahmonov, Ouk Riҷ milliy labaratoriyasi, Tennessi shtati, AQSH) va elga tanilgan shoir (Shakar Sayfӣ, 43 umumiy o‘rta ta’lim o‘qituvchisi) va yozuvchi (Fariduni Farhodzod, “Ovozi toҷik gazetasining xodimi) lar bo‘lib kamol topganlar.
Hikmat Hikmatov serqirra ijodkor, adabiyotni har ikkala shaklida, ham nazm va ham nasrda badiiy to‘qimalari nashr etilgan. Uning ilk adabiy-badiiy kitobi “Bozgashti Hikmat” nomi bilan 2011 yil “ Istiqlol” nashariyoti orqali 1000 nusxada chop etilib, o‘z o‘quvchilariga yetib borgan. Ushbu kitob ijodkorning hikmatli va nasihatli o‘gitlarini o‘z ichiga olgan.
Shoirning ikkinchi asari “Sehri suxan” ( So‘z sehri) nomi bilan ikki tilda – o‘zbek va tojik tillarida 2013 yil “Mahorat” nashriyoti orqali 500 nusxada chop qilingan. Ushbu asar ham ilk kitobini davomi sifatida she’ru g‘azal, ruboiy, hikmatli so‘zlardan iboratdir.
Ijodkorning uchinchi asari “Avҷi hikmat” nomi bilan 2019 yil 500 nusxada “Noshirlik yog‘dusi” orqali nashr etildi. Ushbu kitob ham naz va nasr shakllarida yozilgan bo‘lib, yozuvchini satirik hikoyalari, she’r-g‘azallari, ruboiylari va axloqiy nasihatlarini o‘z ichiga olgan.
Hikmat Hikmatovning to‘rtinchi adabiy-badiiy asari “Ganҷi Hikmat” (“Hikmatning xazinasi”) nomlanib, “Firdavs-Shoh” nashriyoti orqali 300 nusxada (Toshkand, 2023) nashr etilgan va o‘z muxlislariga yetib borgan. Shoir va yozuvchining ushbu asarida turli xil mavzular, jumladan ona-vatanga bo‘lgan muhabbat, yor sog‘inchi, tabiat chiroyi, do‘stlik nashidalari, hayot falsafasi, nazm va nasr shakllarida o‘z ifodasini topgan.
Hikmatov Hikmat Sultonovich O‘zbekiston Jurnalistlar uyushmasi a’zosi, Oliy Majlis va Vazirlar Mahkamasi gazetasi “Ovozi tojik”, hamda tojik tilida nashr etiladigan “Xovar” gazetasining Toshkent viloyatidagi muxbiridir..
Mahoratli jurnalistni 300 dan ziyod pulisistiklik maqolalari Tojikiston va O‘zbekiston matbuotlarida chop etilgan.
Hikmat Hikmatovni ijod yo‘lidagi xizmatlari el nazariga tushgandan keyin, uning ijod namunalari turli badiiy asrlarda targ‘ib qilingan. Jumladan, O‘zbekiston Respublikasi Jizzax viloyati Tojik milliy-madaniy markazi, hamda Tojikiston Respublikasi Sug‘d viloyati o‘zbeklar ma’naviyat va ma’rifat markazi hamkorligida nashr etilgan “Mehrnoma” asarida (Samarqand, “Mahorat”, 2022; 99-106 betlar), Tojikiston yozuvchilar uyushmasi a’zosi Yunusi Imomnazarning “Eҷi zarxez” adabiy-badiiy asarida (Toshkand, “Muharrir” nashriyoti, 2016; 173-183 betlar), uning ijod namunalaridan parchalar keltirilgan va uning ijodiga yuqori baho berilib shoir va yozuvchi sifatida e’tirof etilgan.
Hikmat Hikmatov jamoat ishlarida ham fa’ol qatnashadi. U O‘zbekiston Respublikasi tojik milliy-madaniy markazi, Toshkent viloyat milliy-madaniy markazi, Chirchiq shahar “Sug‘diyona”- tojik milliy madaniy markazlarining faxrli a’zosi.
1998-2003 yillarda O‘zbekiston Respublikasi matbuoti huzuridagi “O‘zbekiston” nashriyotida oddiy musahhihlik lavozimidan boshlab, bo‘lim mudiri vazifalarigacha fa’oliyat olib borgan. O‘zbekiston Respublikasida ta’lim tojik tilida olib borilayotgan maktablarga darsliklarni tayyorlash, jumladan, tahrir va tarjuma qilish va nashr etishda fa’ol qatnashgan.
Hikmatov Hikmat Sultonovich 2021 yildan hozirga qadar Chirchiq davlat pedagogika universitetida Katta o‘qituvchi lavozimida ishlab kelmoqda. Uning bir nechta ilmiy asar, hamda darsliklari, jumladan “Adabiyoti toҷik” (7-sinf talabalari uchun) “Matnshunoslik”, “Metodikai ta’limi zaboni toҷikӣ”, shuningdek “Xonishi ifodanok va madaniyati nutq” (o‘quv qo‘llanma), “Tavsiyaho doir ba tarzhoi ta’lim va tahlili dars'hoi zabon va adabiyot (Toshkand, ”Firdavs-Shoh" nashriyoti, 2023) va “Dar chorso‘i ilm va eҷod” (Toshkand, “Firdavs-Shoh” nashriyoti, 2025) (monografiyalar) oliy o‘quv yurtlari talabalari uchun nashr etilgan.
Ayni paytda, Hikmatov Hikmat Sultonovichning “ XVIII-XIX asrlarda o‘zbek va tojik adabiyotida uslubiy-badiiy izlanishlar (zullisonayn adiblar misolida) mavzusidagi dissertatsiyasi O‘zbekiston Respublikasi Vazirlar Mahkamasi huzuridagi Oliy attestatsiya komissiyasida ro‘yxatga olingan.
Ayni paytda, 4 ta ilmiy-ta’limiy darsliklari, 1 ta o‘quv qo‘llanma, 2 ta monografiya, 4 ta adabiy-badiiy kitoblari, hamda 30 dan ko‘p ilmiy maqolalari Tojikiston va O‘zbekiston matbuotlarida chop etilgan.