Ikki avlod uchrashuvi: tarix ta’limi muammolari va yangilanayotgan mavzular haqida

     Tarix kafedrasida tashkil etilgan «Ikki avlod uchrashuvi»ga katta avlod vakili sifatida uzoq yillar tarix ta’limi sohasining rivojlanishida mashaqqatli mehnat qilgan professor, tarix fanlari doktori, Turon Fanlar akademiyasi prezidenti, professor Haydarbek Bobobekov taklif qilindi.

     Tarix yo‘nalishi talabalari ishtirok etgan mazkur tadbirda Qo‘qon xonligining tashkil topishi, xonlikning siyosiy, iqtisodiy ijtimoiy hayoti to‘g‘risida batafsil ma’lumot berish bilan bir qatorda Qo‘qon xonlari sulolasi, xonlik tarixi bayon etilgan tarixiy manbalar va qo‘lyozma asarlar haqida ma’lumot muhokama qilindi.

     Shuningdek, Haydarbek Bobobekov muallifligida tayyorlangan 5 jildli “Shohnoma yohud Qo‘qon xonlari tarixi” nomli kitobning 1-va 2-kitobi taqdimoti bo‘lib o‘tdi. Gumanitar fanlar fakulьteti kutubxonasiga 30 ga yaqin Qo‘qon xonligi tarixiga oid ilmiy adabiyotlar sovg‘a qilindi. 

     Kelgusida Tarix kafedrasi bilan hamkorlikda Turon fanlar akademiyasi kutubxonasi filialini tashkil etish rejalashtirildi.

Universitet Axborot xizmati