Ilmiy va metodologik kimyokafedrasi

2021-yilda tashkil etilgan Ilmiy va Metodologik Kimyo kafedrasi Chirchiq davlat pedagogika universitetida kimyo fanini o'qitishning innovatsion metodlarini ishlab chiqish va ilg‘or ilmiy tadqiqotlar olib borishga qaratilgan. Uning asosiy yo‘nalishlari mahalliy polimerlar asosida ion almashinuvchi materiallarni sintez qilish va o‘rganish, kimyo ta’limida barqaror taraqqiyot tushunchalarini rivojlantirish hamda innovatsion pedagogik klasterini shakllantirishdir. Kafedra, shuningdek, doktorlik dissertatsiyalari himoyasi uchun ilmiy kengashlarga mezbonlik qiladi va xalqaro hamkorlik hamda talabalarni rivojlantirish loyihalarida faol ishtirok etadi.

ILMIY VA METODOLOGIK KIMYO KAFEDRASI

Tashkil etilgan yili: 2021 Manzil: Chirchiq shahri, Amir Temur ko'chasi 104 uy. Chirchiq davlat pedagogika universiteti 2-binosi, 3-qavat, 301-xona.

Ilmiy va Metodologik Kimyo kafedrasi Toshkent viloyati Chirchiq davlat pedagogika instituti Kengashining 2021-yil 23-avgustda qabul qilgan 01-215-sonli kengaytirilgan qaroriga muvofiq "Fizika va kimyo" fakultetida "Ilmiy va metodologik kimyo" nomi bilan tashkil etilgan.

Kafedraning Maqsadi va Vazifalari

Chirchiq davlat pedagogika universiteti Ilmiy va Metodologik Kimyo kafedrasining ilmiy-tadqiqot faoliyatini rivojlantirish va ilmiy-pedagogik kadrlar tayyorlash bo‘yicha ustuvor ilmiy yo‘nalishlar etib quyidagilar belgilab olingan:

Mahalliy tabiiy va sintetik polimerlar asosida ion almashinuvchi materiallar olinishi va fizik-kimyoviy xossalari: Ushbu yo‘nalishda mahalliy resurslardan foydalangan holda yangi turdagi ion almashinuvchi materiallarni sintez qilish va ularning xususiyatlarini chuqur o‘rganishga e’tibor qaratiladi.
Kimyo fanini o‘qitishda barqaror taraqqiyot tushunchalarini rivojlantirish: Kimyo fanini o‘qitishda barqaror taraqqiyot prinsiplarini tatbiq etish va bu tushunchalarni ta’lim jarayoniga integratsiya qilish usullarini tadqiq qilish.
Pedagogik ta’limning innovatsion klasteri: Ta’lim jarayonida innovatsion klaster yondashuvini rivojlantirish, oliy ta’lim, maktablar va ishlab chiqarish o‘rtasidagi hamkorlikni mustahkamlash orqali pedagog kadrlar tayyorlash sifatini oshirish.

Ilmiy va Metodologik Kimyo Kafedrasidagi Ilmiy Kengashlar

Ilmiy va Metodologik Kimyo kafedrasi negizida Chirchiq davlat pedagogika universiteti huzuridagi ilmiy darajalar beruvchi DSc.03/30.09.2020.K.82.02 raqamli ilmiy kengash qoshidagi 02.00.06 - "Yuqori molekular birikmalar" (kimyo fanlari) ixtisosligi bo‘yicha ilmiy kengash faoliyat olib bormoqda va ushbu ilmiy kengashda o‘nlab ilmiy izlanuvchilar ilmiy tadqiqot ishlarini himoya qilishmoqda.

Shuningdek, Chirchiq davlat pedagogika universiteti huzuridagi ilmiy darajalar beruvchi PhD.28.03.2019.Ped.82.01 raqamli ilmiy kengash qoshidagi 13.00.02 – "Ta’lim va tarbiya nazariyasi va metodikasi (matematika, fizika, biologiya, kimyo)" ixtisosligi bo‘yicha ham ilmiy kengash faoliyat olib bormoqda va ilmiy izlanuvchilar ilmiy tadqiqot ishlarini himoya qilishmoqda.

Talabalarga Oid Tadbirlar va Loyihalar

Har yili maktab bitiruvchilari o‘rtasida fan olimpiadalari o‘tkazilib kelinmoqda.

Xalqaro Hamkorlik va Akademik Almashinuv Dasturlari

Ilmiy va Metodologik Kimyo kafedrasi xalqaro universitetlar bilan hamkorlikda ish olib bormoqda. Bir qancha professor-o‘qituvchilar va talabalar xalqaro darajadagi natijalarga erishdi:

Individual ta’limda biriktirilgan talabalardan 12 nafari talaba sertifikatini oldi.
23/4 guruh talabasi Eshchanov R. yordamida maktab kimyo darsliklarining tahlilini qiyoslab chiqishdi.
21/2 guruh talabasi Erkinova Munira Maxam-Chirchiq AJ rahbariyati tomonidan o‘tkazilgan "Jamiyatning eng yaxshi kimyoviy tahlil laboranti" ko‘rik tanlovida qatnashib 1-o‘rin sohibiga aylandi. Respublika bosqichiga yo‘llanma oldi.
Xushvaqtov S. tomonidan Xalqaro o‘qituvchi tayyorlash natijasida 2 nafar talaba Cambridge IGCSE (A level) uchun 4 haftalik o‘qishda Cambridge xalqaro o‘qituvchi sertifikatini olishdi.