Jo‘rayev Murod Maxmarajab o‘g‘li 1991 yilda Qashqadaryo viloyati, G‘uzor tumanida tug‘ilgan. Millati – o‘zbek. 

2007-yil G‘uzor tumanidagi 28-maktabni a’lo bahoga tamomlagan. Jo‘rayev Murod Maxmarajab o‘g‘li 2011-yili Nizomiy nomidagi Toshkent davlat pedagogika universitetining “Kimyo o‘qitish metodikasi” mutaxassislikka o‘qishga qabul qilingan va 2015 yilda tamomlagan. 2015-yilda O‘zbekiston Milliy universiteti Kimyo fakulteti “Materiallar va moddalar kimyosi (polimer materiallar)” mutaxassisligiga magistraturaga qabul qilingan va 2017-yilda tamomlagan. 2018 yil O‘zbekiston Milliy Universiteti Kimyo fakultetiga PhD tayanch doktaranturaga qabul qilingan. 2020 yilda 02.00.04- Fizik kimyo va 02.00.06-Yuqori molekulyar birikmalar ixtisosliklarida “Polivinilxlorid plastikat asosidagi yangi ionitlarning fizik-kimyoviy xossalari” mavzusida kimyo fanlari falsafa doktorlik dissertatsiyasini yoqladi.

M.M.Jo‘rayev 2022 yilda fidokorona mexnatlari uchun «O‘zbekiston konstitutsiyasining 30 yillligi» estalik nishoni bilan taqdirlangan.

Ta’limda erishgan yutuqlari uchun O‘zbekiston Respublikasi Oliy attestatsiya komissiyasining 2024-yil 6-yanvardagi 348/1–sonli bayonnomasiga asosan Yuqori molekulyar birikmalar ixtisosligi bo‘yicha dotsent ilmiy unvoni berilgan  (03 № 014940).

Umumiy ish staji – 8 yil. Pedagogik staji 6 yil. O‘qituvchi lavozimida, Ilmiy loyihada kichik ilmiy hodim, dotsent sifatida faoliyat olib borgan va shu davrda 6 nafar bakalavr, 2 nafar magistr  BMI va MI yozishda ilmiy raxbarlik qilgan, hozirda 1 nafar tayanch doktarantga ilmiy raxbarlik qilmoqda. Ilmiy tadqiqot faoliyatida  60 ga yaqin tezis, 30 ga yaqin maqola, 2 ta ixtiroga patent, 2 ta monografiya 6 ta o‘quv va uslubiy qo‘llanmalar muallifi hisoblanadi. 
         2021 yildan Ilmiy va metodologik kimyo kafedrasi mudiri lavozimida faoliyat olib kelmoqda.