Informatika O‘qitish Metodikasi Kafedrasi

Chirchiq davlat pedagogika universitetida 2021-yilda tashkil etilgan Informatika o‘qitish metodikasi kafedrasi informatika va tegishli IT sohalarida yuqori malakali pedagoglarni tayyorlashga ixtisoslashgan. U zamonaviy axborot texnologiyalarini ta’limga integratsiya qilish, innovatsion o‘qitish metodlarini rivojlantirish va raqamli ta’lim muhitida individual yondashuvni shakllantirishga e’tibor qaratadi. Kafedra, shuningdek, turli nomutaxassis pedagogik yo‘nalishlarda ham talabalarga ta’lim beradi.

Kafedraning tashkil etilgan yili va rivojlanish tarixi

Toshkent viloyati Chirchiq davlat pedagogika instituti (Hozirgi Chirchiq davlat pedagogika universiteti) O‘zbekiston Respublikasi Prezidentining 2017 yil 27 iyuldagi "Toshkent viloyati Chirchiq davlat pedagogika institutini tashkil etish to‘g‘risidagi" PQ-3152-sonli qaroriga asosan tashkil etilgan bo‘lib, institutning "Aniq va tabiiy fanlar" fakultetining "Aniq fanlar" kafedrasi tarkibida "Informatika o‘qitish metodikasi" yo‘nalishida o‘z faoliyatini boshlagan.

Kafedra sobiq Toshkent viloyati Chirchiq davlat pedagogika instituti kengashining 2021 yil 28 avgustdagi 1-sonli majlisi qarori asosida Matematika va informatika fakulteti tarkibida "Informatika o‘qitish metodikasi" nomi bilan tashkil etildi. Kafedrada asosan "Informatika o‘qitish metodikasi", "Matematika va informatika" hamda "Axborot tizimlari va texnologiyalari" yo‘nalishlaridagi mutaxassislik, shuningdek, Musiqa ta'limi, Tasviriy san'at va muhandislik grafikasi, Fizika va astronomiya, Kimyo, Turizm (faoliyat turlari bo‘yicha), Mehmonxona xo‘jaligini tashkil etish va boshqarish, Surdotarjimonlik, Geografiya va iqtisodiy bilim asoslari, Psixologiya, Logopediya, Biologiya, Gid hamrohligi va tarjimonlik faoliyati nomutaxassislik yo‘nalishlarida talabalarga ta’lim berilmoqda.

Kafedraning maqsadi va vazifalari

Informatika o‘qitish metodikasi kafedrasi Matematika va informatika fakultetining tarkibiy bo‘linmasi bo‘lib, unda mutaxassislik va nomutaxassislik fanlari bo‘yicha o‘quv, uslubiy, ilmiy-uslubiy, ilmiy-tadqiqot ishlari, shuningdek, ilmiy va ilmiy-pedagogik kadrlar tayyorlash, tashkiliy, ma’naviy-ma’rifiy va tarbiyaviy ishlar amalga oshiriladi.

Kafedra o‘z oldiga quyidagi maqsad va vazifalarni qo‘ygan:

Ilmiy-tadqiqot va ishlanmalar olib borish, tadqiqot natijalarini ilmiy jurnallarda chop etish, professor-o‘qituvchilar tomonidan xalqaro, respublika, mintaqaviy, universitetlararo va boshqa ilmiy-amaliy konferensiyalar, forumlar, davra suhbatlarida ma’ruza va xabarlar bilan chiqish.
Milliy, mintaqaviy va mahalliy hokimiyat organlariga ta’lim sohasidagi boshqaruv qarorlarini baholashda yordam ko‘rsatish, ilmiy ekspert kengashlari, komissiyalari, ishchi guruhlari va ixtisoslashtirilgan komissiyalarining ishida ishtirok etish.
Faol ta’lim texnologiyalari va ta’limni qo‘llab-quvvatlash tizimlarini joriy etish, talabalar hamda o‘qituvchilarning akademik harakatchanligini kengaytirish.
Hududiy mehnat bozori ehtiyojlaridan kelib chiqqan holda va davlat hokimiyati va boshqaruvi organlarining buyrug‘i bilan matematika va informatika fanlari o‘qituvchilari malakasini oshirish kurslari dasturlarini ishlab chiqish, yangilash va joriy etishda faol ishtirok etish, kafedra o‘qituvchilarini ilg‘or ta’lim davlatlariga stajirovkaga jo‘natish.
O‘quv jarayonining tezkor monitoringini amalga oshirish va natijalarini saqlab turish uchun mavjud axborot-tahliliy bazani o‘z vaqtida to‘ldirish va yangilash.
Kafedra professor-o‘qituvchilari va talabalarining boshqa kafedra va fakultetlar bilan hamkorlikda ilmiy loyihalar, tanlovlar, grantlarda ishtirok etishini tashkil etish.

Kafedra yo‘nalishlari va o‘quv dasturlari

Bakalavriat:

60110600 - Matematika va informatika

Magistratura:

70110602 - Ta’limda axborot texnologiyalari

Kafedrada magistratura yo‘nalishi rivojlantirilmoqda, ilmiy-tadqiqot faoliyatlari orqali ilmiy kadrlar tayyorlash yo‘lga qo‘yilgan.

Kafedraning ilmiy-tadqiqot sohalari

Kafedraning ilmiy tadqiqot mavzusi: "Kasbiy faoliyatda axborot texnologiyalarining qo‘llanilishida individual yondashuv"

Asosiy yo‘nalishlar:

Zamonaviy axborot texnologiyalarining ta’lim tizimiga integratsiyasi
Kasbiy ta’limda innovatsion usullarni joriy etish
Raqamli ta’lim muhitida individual yondashuv metodlarini tadqiq etish

Ilmiy loyihalar va talabalar ishtiroki:

Iqtidorli talabalarni ilmiy tadqiqotlarga jalb etish
Ilmiy-ijodiy loyihalarni jamoaviy va individual asosda bajarish uchun shart-sharoitlar yaratish
Kafedra professor-o‘qituvchilari va talabalarining ilmiy grantlar va tanlovlarda ishtirokini tashkil etish