Kafedra qoshida “Yosh tahlilchilar klubi” faoliyati yo'lga    qo'yilgan bo'lib, ushbu klub       universitet miqyosida barcha      yo'nalishlarda tahsil oluvchi talabalar, magistrlar va doktarantlar    tafakkur taraqqiyoti va ilmiy salohiyatini oshirishga qaratilgan.   Klub doirasida ilmiy seminarlar, tajriba almashish dasturlari va maqolalar yozishga oid innovatsion loyihalar amalga oshirilmoqda. Shuningdek tadqiqotchilar va o'qituvchilar uchun ilmiy-metodologik qo'llanmalar ishlab chiqish, xalqaro grand loyihalarda ishtirok etish ham klubning asosiy faoliyat yo'nalishlaridan biri sanaladi.   

Haftaning muayyan belgilangan kunida klub o'zining tasdiqlangan jadvali asosida faoliyat yuritadi va talaba yoshlarning o'z vaqtlarini unumli o'tkaizshlari uchun o'z hissasini qo'shib kelmoqda.

     Ta'lim sifati nazorati

      Fakultetlararo ijtimoiy fanlar kafedrasi ta'lim sifati nazoratini oshirish bo'yicha ichki va tashqi monitoring tizimiga tayanadi. 

•  Tashqi monitoring 

  Universitetning “Ta'lim sifatini nazorat qilish bo'yicha ishchi guruh” tashkil qilgan platforma orqali ta'lim sifati muntazam tahlil qilinadi. 

• Ichki monitoring

      Kafedraning ta'lim sifati bo'yicha ichki nazorati uchun f.f.f.d  Madalimov Temur Abduvaliyevich va kafedra mudiri Axatov Lutfillo Karamatilloyevich tomonidan olib boriladi. Kafedra majlislarida doimiy ravishda hisobotlar taqdim etilib, ta'lim jarayonidagi kamchiliklarni bartaraf etish choralari muhokama qilinadi.

  

Xalqaro ta’lim sifati standartlariga mosligi

• “Falsafa” fani Xalqaro universitetlar (Kembrej, Oхfort vah.k) talablari asosida tuzilgan fan dasturlaridagi mavzular bilan uyg‘unligini ta’minlash;
•  Bu tizim orqali talabalar xalqaro tan olingan baholash standartlariga mos ravishda bilim oladi, bu esa ularning keyingi bosqichlarda kredit-modul va boshqa shu kabi tizimlarga tayyorlanishiga yordam beradi.

  

  
        Shuningdek, kafedrada talabalar fikrini tinglash va baholash jarayonining shaffofligini ta’minlash maqsadida qayta aloqa mexanizmi yo‘lga qo‘yilgan. Yakuniy nazorat natijalari e’lon qilingandan so‘ng 24 soat ichida, talabalar kafedraning apellyatsiya komissiyasi murojaat qilish imkoniyatiga ega. Bu jarayon baholash jarayonida yuzaga kelishi mumkin bo‘lgan noaniqliklarni bartaraf etish va talabalar fikrini inobatga olishga xizmat qiladi. Doimiy fikr-mulohazalar: talabalarning ta’lim sifati bo‘yicha fikrlarini to‘plash uchun so‘rovnomalar va tahliliy hisobotlar muntazam o‘tkaziladi hamda murojaatlar o‘rganiladi. Bunday natijalar asosida o‘quv jarayonini yanada takomillashtirishga qaratilgan chora-tadbirlar ishlab chiqiladi.

     Fakultetlararo ijtimoiy fanlar kafedrasi ta’lim sifatini yaxshilash, oshirish, zamonaviy pedagogik metodlarni rivojlantirish yetuk malakali kadrlar tayyorlash maqsadida hamkorlik aloqalarini rivojlantirib kelmoqda. 

      Xoʻja  Ahmad Yassaviy nomidagi xalqaro qozoq-turk universiteti

• Xoʻja Ahmad Yassaviy nomidagi xalqaro qozoq-turk universiteti bilan hamkorlik aloqalari doirasida ikki tomonlama shartnoma imzolangan.
• Universitet delegatsiyasi universitetimizga tashrif buyurgan, hamkorlikni rivojlantirish bo‘yicha uchrashuvlar o‘tkazilgan.
• Bizning delegatsiya universitetga tashrif buyurib, universitetning ta’lim tizimi bilan tanishgan.

• Ushbu hamkorlik doirasida bir nechta xalqaro konferensiyalar rejalashtirilgan.

  O'zbekiston davlat jismoniy tarbiya va sport universiteti

• Rasmiy hamkorlik oliy ta'lim, fan va ma’daniyat yo‘nalishlari hamda o‘quv-uslubiy va ilmiy-tadqiqot ishlari samaradorligini oshirish maqsadida ikki tomonlama shartnoma imzolangan.
• Bakalavr va magistr darajalarini ko‘rish uchun qo‘shma ta’lim dasturlarini tayyorlash sohasida hamkorlik masalalari;

       O'zbekiston Milliy Universiteti         

• Magistrlik va doktorlik dissertatsiyalarini yozishda hamkorlikda rahbarlik qilish va ilmiy maslahat olish uchun professor-o‘qituvchilarni jalb qilish orqali qo‘shma ilmiy-texnik tadqiqotlar o‘tkazish;
• Qo‘shma konferensiyalar, seminarlar, simpoziumlar, davra suhbatlari, ilmiy tadbirlar va ta’lim tashabbuslarini o‘tkazish. Ta’lim sohasidagi qo‘shma ilmiy tadbirlar va boshqa tashabbuslar natijasi, jumladan, jahonning yetakchi ilmiy iqtiboslar ma’lumotlar bazalariga kiritilgan ilmiy nashrlarda, jumladan Web of Science, Scopus va boshqalarda chop etish bo‘yicha muhokamalar olib borilgan.

       Avvalo shuni ta’kidlash joizki, kafedramiz oliy ta’lim tizimida ijtimoiy-gumanitar fanlarni o‘qitish orqali talabalarda keng dunyoqarash, mustaqil fikrlash, fuqarolik pozitsiyasi va ijtimoiy mas’uliyatni shakllantirishni o‘z oldiga asosiy maqsad qilib qo‘ygan.

     lmiy-tadqiqot faoliyati ham kafedramiz ishining muhim yo‘nalishlaridan biridir. Professor-o‘qituvchilarimiz tomonidan respublika va xalqaro ilmiy jurnallarda maqolalar chop etildi, ilmiy-amaliy konferensiyalarda faol ishtirok etildi. Kafedra qoshida yosh tadqiqotchilar to‘garagi faoliyat yuritib, iqtidorli talabalar ilmiy izlanishlarga jalb qilinmoqda. Bir qator monografiyalar va o‘quv qo‘llanmalar nashr etilgani kafedraning ilmiy salohiyatini yanada mustahkamladi.

                Kafedramizning istiqboldagi rejalari haqida to‘xtalib o‘tamiz.

       Birinchidan, ta’lim sifatini yanada oshirish maqsadida o‘quv jarayoniga raqamli texnologiyalarni keng joriy etish, elektron resurslar bazasini boyitish rejalashtirilgan. Ikkinchidan, ilmiy salohiyatni kuchaytirish maqsadida xalqaro ilmiy bazalarda indekslanadigan jurnallarda maqolalar sonini ko‘paytirish, grant loyihalarida faol ishtirok etish ustuvor vazifa etib belgilangan. Uchinchidan, xalqaro hamkorlikni rivojlantirish, xorijiy oliy ta’lim muassasalari bilan tajriba almashish va qo‘shma ilmiy loyihalarni amalga oshirish ko‘zda tutilgan. Shuningdek, iqtidorli talabalarni qo‘llab-quvvatlash, ularni ilmiy faoliyatga jalb etish va rag‘batlantirish tizimini yanada takomillashtirish rejalashtirilmoqda.

   Kafedra katta o'qituvchisi Ilmurodova Feruza Shakirovnaning 13.00.02 - Ta’lim va tarbiya nazariyasi va metodikasi (tarix) ixtisosligi bo‘yicha “Klaster tizimida bo‘lajak tarix o‘qituvchilarini kasbiy faoliyatga tayyorlash metodikasi” mavzusidagi pedagogika fanlari bo‘yicha falsafa doktori (PhD) dissertatsiyasi himoyasi Chirchiq davlat pedagogika universiteti huzuridagi ilmiy darajalar beruvchi DSc.01/2025.27.12.Ped.04.02 raqamli Ilmiy kengashning 2026-yil 4-mart kuni soat 16:00 dagi majlisida bo‘lib o‘tadi.

Manzil: 111720, Toshkent viloyati, Chirchiq shahar, Amir Temur ko‘chasi, 104-uy. 

Tel: (99870) 712-27-55; faks: (99870) 712-45-41