Fakultetlararo ijtimoiy fanlar

2022-yilda tashkil etilgan Chirchiq davlat pedagogika universitetining Fakultetlararo ijtimoiy fanlar kafedrasi talabalarda kreativ tafakkur va tolerant muloqot ko'nikmalarini rivojlantirishga bag'ishlangan. U universitetning barcha yo'nalishlarida Falsafa, Dinshunoslik, Mediasavodxonlik va axborot madaniyati hamda O'zbekistonning eng yangi tarixi fanlarini o'qitadi. Kafedra innovatsion pedagogik usullar orqali ta'lim sifatini oshirishga, xalqaro hamkorlikni kengaytirishga va ushbu muhim ijtimoiy fanlar sohasida mustahkam tadqiqot muhitini rivojlantirishga e'tibor qaratadi.

FAKULTETLARARO IJTIMOIY FANLAR KAFEDRASI

Tashkil etilgan yili: 2022 Manzil: Toshkent viloyati, Chirchiq davlat pedagogika universiteti, 6-bino B, 312-xona.

Fakultetlararo ijtimoiy fanlar kafedrasi 2022-yil 28-avgustda Toshkent viloyati Chirchiq davlat pedagogika instituti Kengashining 1-sonli qarori bilan tashkil etilgan. Ilgari “Ijtimoiy fanlar” kafedrasi sifatida faoliyat olib borgan bo‘lsa, keyinchalik mustaqil kafedra sifatida ajralib chiqdi. Bugungi kunda kafedra universitet bo‘yicha barcha yo‘nalishlar uchun Falsafa, Dinshunoslik, Mediasavodxonlik va axborot madaniyati va O’zbekistonning eng yangi tarixi fanlarini o‘qitish bilan shug‘ullanadi.

KAFEDRANING MAQSADI VA VAZIFALARI

Kafedraning missiyasi: Fakultetlararo ijtimoiy fanlar kafedrasining asosiy vazifasi talabalarning kreativ tafakkurini rivojlantirish hamda tolerantlik muloqot kompetensiyasini shakllantirishdan iborat.

Kafedraning maqsadi:

Kasbiy sohalarga yo‘naltirilgan dasturlar va ilg‘or pedagogik usullar orqali universitet miqyosida ta’lim sifatini oshirish.
Xalqaro hamkorlikni kengaytirish – universitetlar, ilmiy jamoatchilik va ta’lim loyihalari bilan hamkorlikni yo‘lga qo‘yish.
Ilmiy-tadqiqot muhitini rivojlantirish – kasb etikasi va notiqlik, pedagogik tadqiqotlar bo‘yicha innovatsion markazga aylantirish.

Fakultetlararo ijtimoiy fanlar kafedrasining o‘rta muddatli strategik rivojlantirish dasturi (2022-2025 yillar uchun)

O‘QUV DASTURLARI

Kafedra bakalavriat bosqichi talabalariga quyidagi fanlar bo‘yicha darslar olib boradi:

1-kurs o‘quv dasturlari: Barcha ta’lim yo‘nalishlari uchun – Falsafa, Mediasavodxonlik va axborot madaniyati hamda O’zbekistonning eng yangi tarixi.
2-kurs o‘quv dasturlari: Barcha ta’lim yo‘nalishlari uchun – Dinshunoslik.

ILMIY-TADQIQOT YO‘NALISHLARI VA LOYIHALAR

Fakultetlararo ijtimoiy fanlar kafedrasi ilmiy-tadqiqot faoliyatida bir qator strategik yo‘nalishlarda ish olib bormoqda. Quyidagi yo‘nalishlar zamonaviy ta’lim talablariga javob beruvchi ilmiy tadqiqotlar olib borish, milliy va xalqaro ilmiy hamjamiyat bilan hamkorlikni kengaytirish hamda amaliy natijalarga erishishni maqsad qilgan:

Falsafa fanini o‘qitish metodikasi: Falsafa fani dunyo miqyosida o‘qitiladigan fan sifatida uning metodologiyasini rivojlantirish kafedraning ustuvor yo‘nalishlaridan biri hisoblanadi. Falsafa fanini o‘qitishda tafakkur qonunlari va kreativ tafakkurni rivojlantirish, tanqidiy fikrlash ko‘nikmalarini rivojlantirish va mustaqil ta’limga yo‘naltirilgan yondashuvlarni takomillashtirishga alohida e’tibor qaratilmoqda. Shuningdek, psixolingvistik-ilmiy yondashuvlar asosida ta’lim jarayonini takomillashtirish bo‘yicha ham natijali ishlar amalga oshirilgan.
Dinshunoslik bo‘yicha tadqiqotlar: Kafedraning mazkur yo‘nalishdagi ilmiy izlanishlari milliy va tolerantlik tendensiyalarini o‘rganishga qaratilgan bo‘lib, davlat dasturiga mos ilmiy-seminarlar olib borishni o‘z ichiga oladi. Jumladan, tojik, rus, va qozoq tilli guruhlarda tahsil oluvchi talabalar o‘rtasida Gumanitar fanlar fakulteti qoshidagi do‘stlik markazlari misolida, yosh tahlilchilar intellektual klubi faoliyatini yo‘lga qo‘yish orqali madaniyatlararo integratsiya jarayonini amalga oshirishga e’tibor qaratilgan. Bugungi yangilanayotgan jamiyatda tolerantlik tendensiyasining genezisi va uning rivojlanish tamoyillari o‘rganilishi boshlangan.
Eng yangi tarix ma’lumotlari asosida kompetensiyalarni rivojlantirish: Ta’limga oid, zamonaviy texnologiyalardan foydalangan holda, ma’lumotlar bazasini shakllantirish, talabalarning kommunikativ va ijodiy ko‘nikmalarini shakllantirishga qaratilgan tadqiqotlar kafedraning bugungi ustuvor yo‘nalishlaridan biri sanaladi. Eng Yangi tarix ma’lumotlarining fanga oid innovatsion va ijodiy yondashuvlarini talabalarga mustaqil fikrlash ko‘nikmalari orqali rivojlantirishni yo‘lga qo‘yish asosiy maqsad hisoblanadi.
Mediasavodxonlik bo’yicha kommunikatsiya va muloqotlar: Mediasavodxonlikning muhim aspekti bu madaniyatlararo muloqot kompetensiyasini rivojlantirish va umuminsoniy qadriyatlarni targ‘ib qilishdir. Bu borada kafedra faoliyatining muhim jihatlari, jahon OAV yordamida yoritiladigan axborotlar bazasini, milliy mentalitet va milliy qadriyatlar, axloqiy ta’lim yo‘nalishida ko‘plab tadqiqotlarni amalga oshirishni nazarda tutadi.

Mazkur yo‘nalishlar kafedraning ilmiy-tadqiqot salohiyatini yuksaltirishga va yangi zamonaviy metodologiyalarni rivojlantirishga xizmat qilib kelmoqda.