Ishmatova Ozodaxon Sirodjovna 1986-yilning 11-yanvarida Tojikiston Respublikasi, Dushanbe shahrida tug‘ilgan. 2008-yilda Nizomiy nomidagi Toshkent davlat pedagogika universiteti “Defektologiya” yo‘nalishi bo‘yicha bakalavr darajasini, 2022-yilda esa Chirchiq davlat pedagogika universiteti “Maxsus pedagogika: defektologiya (surdopedagogika)” mutaxassisligi bo‘yicha magistr akademik darajasini olgan.
2025-yil 13-iyunda F.U. Qodirova rahbarligida Chirchiq davlat pedagogika universiteti huzuridagi ilmiy darajalar beruvchi PhD.03/27.09.2024.Ped.82.05 raqamli ilmiy kengashda “Alohida ehtiyojli boshlang‘ich sinf o‘quvchilari nutqini rivojlantirishda fonetik ritmikadan foydalanish” mavzusidagi 13.00.03 - Maxsus pedagogika ixtisosligi bo‘yicha dissertatsiya ishini himoya qilgan.
O‘zbekiston Respublikasi Oliy attestatsiya komissiyasining 2025-yil 11-iyuldagi 372/1-sonli bayonnomasiga asosan pedagogika fanlari bo‘yicha falsafa doktori (PhD) ilmiy darajasi berilgan (01 № 018374).
Ishmatova Ozodaxon Sirodjovna
2008 yilda Toshkent viloyati, Chirchiq shahri, 8-maxsus maktabgacha ta’lim tashkilotida o‘qituvchi-logoped sifatida faoliyat boshlagan.
2016–2021 yillarda Toshkent viloyati, Chirchiq shahar Xalq ta’limi boshqarmasiga qarashli 25-umumiy o‘rta ta’lim maktabida o‘qituvchi-logoped sifatida ishlagan.
2021 yildan boshlab Chirchiq davlat pedagogika universitetining Pedagogika fakulteti, Maxsus pedagogika kafedrasi yo‘nalishi magistranti va mazkur kafedrada tashqi o‘rindosh o‘qituvchi sifatida faoliyat yuritadi.
2022 yildan Chirchiq davlat pedagogika universiteti Pedagogika fakulteti, Maxsus pedagogika kafedrasi o‘qituvchisi sifatida ishlamoqda.
O.S. Ishmatova har bir ma’ruza va amaliy mashg‘ulotlarga alohida mas’uliyat bilan yondashadi.
Mashg‘ulotlarda talabalar jamoasining qiziqish va istaklarini inobatga olib, zamonaviy axborot va pedagogik texnologiyalar, multimediali ta’lim resurslaridan foydalanadi, talabalarning ilmiy-nazariy bilimlarini mustahkamlash maqsadida zamonaviy, ilmiy internet saytlari va elektron resurslardan keng foydalanadi. U talabalarni “Logopediya”, “Fonetik ritmika”, “Logopedik ritmika” va boshqa fanlarga oid ma’lumotlarni puxta egallashlarini ta’minlash maqsadida elektron taqdimot, audio-video materiallar, yangi pedagogik texnologiyalarni qo‘llash asosida tayyorlangan tarqatma materiallardan unumli foydalanadi.
Jumladan, ma’ruza va amaliy mashg‘ulotlarni tashkil etishda quyidagi usullar va texnologiyalardan foydalanadi: “INSERT”, “Keys-stadi”, “Aqliy hujum”, “Tushunchalar tahlili”, “Profiportret”, “Muammoli vaziyat”, “Videotopshiriq” va “Quvnoq JAMBOARD” va boshqa
O.S. Ishmatova doimo innovatsion pedagogik jarayonni tashkil qilishda o‘zining yuqori saviyasi va qiziqishi bilan ajralib turadi.
📚 Tadqiqot mavzusi va loyiha doirasi: O.S. Ishmatova tomonidan olib borilgan “Alohida ehtiyojli boshlang‘ich sinf o‘quvchilari nutqini rivojlantirishda fonetik ritmikadan foydalanish” mavzusidagi tadqiqot ishi “Pedagogik ta’lim innovatsion klasterining ilmiy nazariy asoslarini yaratish va uni amaliyotga joriy etish mexanizmlarini ishlab chiqish” mavzusidagi ilmiy-amaliy loyihasi doirasida bajarilgan.
🎯 Tadqiqotning maqsadi: Kar va zaif eshituvchi boshlang‘ich sinf o‘quvchilarining nutqini rivojlantirishda fonetik ritmikadan foydalanishning korreksion-rivojlantiruvchi imkoniyatlarini o‘rganish va metodik tavsiyalar ishlab chiqishdan iborat.
📝 Tadqiqotning vazifalari:
Kar va zaif eshituvchi boshlang‘ich sinf o‘quvchilarining nutqini rivojlantirishda fonetik ritmikadan foydalanishning kompleks metodik imkoniyatlarini aniqlash;
Kar va zaif eshituvchi boshlang‘ich sinf o‘quvchilari nutqini rivojlantirishda fonetik ritmikadan foydalanish modelini takomillashtirish;
Fonetika ritmika vositasida o‘quvchilar nutqini rivojlantirish texnologiyasini takomillashtirish;
Fonetika ritmika vositasida kar va zaif eshituvchi boshlang‘ich sinf o‘quvchilari nutqini rivojlantirishning didaktik ta’minotini takomillashtirish.
✨ Tadqiqotning ilmiy yangiligi:
Alohida ehtiyojli boshlang‘ich sinf o‘quvchilari nutqini rivojlantirishda fonetik ritmikadan foydalanishning pedagogik imkoniyatlari nutqni rivojlantirishda fonetik ritmikadan foydalanish, ritmika mashg‘ulotlarining harakat, kinestetik ta’sirini o‘rganish hamda ritmik komponentlarini nutqiy reabilitatsiya jarayonida integrallashuviga ko‘ra optimallashtirish asosida aniqlashtirilgan;
Alohida ehtiyojli boshlang‘ich sinf o‘quvchilari nutqini rivojlantirish jarayoni vizual–fonetika, akustik-fonetika topshiriqlarini shakllantirishda fiziologik yo‘naltirilgan individual muhit talablariga moslashtirish hamda kinetika va kinestetika uyg‘unligini ritmik intervalda bo‘lishini ta’minlash asosida takomillashtirilgan;
Fonetika ritmika vositasida o‘quvchilar nutqini rivojlantirish texnologiyasi faol nutqqa motivatsiyalovchi ritmik mashqlarni ovoz, nafas, diksiya ustida ishlash komponentlariga ko‘ra darajalash hamda pedagogik ta’sir vositalarini nutqiy kombinatsiyada integrativ qo‘llash asosida takomillashtirilgan;
Fonetika ritmika vositasida kar va zaif eshituvchi boshlang‘ich sinf o‘quvchilari nutqini rivojlantirishning didaktik ta’minoti tovushlar tasnifiga ko‘ra nutqiy monitoring yuritish talablarini musiqa va ritmika dasturi tarkibiga kiritish hamda nutq talaffuzining intellektual mazmunga to‘g‘ri proporsional ekanligini ko‘rsatib berish asosida takomillashtirilgan.
🚀 Tadqiqot natijalarining joriy qilinishi: Kar va zaif eshituvchi bolalar nutqini rivojlantirishda fonetik ritmikadan foydalanishga oid tadqiqotlar asosida:
Alohida ehtiyojli boshlang‘ich sinf o‘quvchilari nutqini rivojlantirishda fonetik ritmikadan foydalanishning pedagogik imkoniyatlari nutqni vizual-fonetik qabul qilish va ifodalash imkoniyatlarini hisobga olish hamda korreksion ta’sir usullarini ta’limiy maqsadlarga mos statistik o‘rganishga oid takliflari “Surdopedagogika” darsligi mazmuniga singdirilgan (O‘zbekiston Respublikasi Oliy ta’lim fan va innovatsiyalar vazirligining 2023-yil 29-sentyabr, 438-sonli buyrug‘iga asosan tasdiqlangan 438376-sonli guvohnoma). Natijada eshitishida nuqsoni bo‘lgan bolalar nutqini rivojlantirishning didaktik ta’minoti takomillashtirilgan;
Alohida ehtiyojli boshlang‘ich sinf o‘quvchilari nutqini rivojlantirish jarayoni ritmik mashqlarning sinflar kesimida adaptivlashtirilishida tizimlilik va individual yondashuvlarga moslashtirish hamda kinetika va kinestetika uyg‘unligining ritmik intervalda bo‘lishini maqsadli ta’minlashga oid takliflari “Fonetik ritmika” nomli o‘quv qo‘llanma mazmuniga singdirilgan (O‘zbekiston Respublikasi Oliy ta’lim, fan va innovatsiyalar vazirligining 2023-yil 17-martdagi 68-sonli buyrug‘iga asosan tasdiqlangan 52-sonli guvohnoma). Natijada alohida ehtiyojli boshlang‘ich sinf o‘quvchilarining nutqini rivojlantirishda fonetik ritmikadan foydalanishning metodik ta’minotiga erishilgan;
Fonetika ritmika vositasida o‘quvchilar nutqini rivojlantirish texnologiyasi faol nutqqa motivatsiyalovchi ritmik mashqlarni ovoz, nafas, diksiya ustida ishlash komponentlariga ko‘ra darajalash hamda pedagogik ta’sir vositalarining texnologik xaritasini shakllantirishga doir tavsiyalardan “Ma’naviyat va ma’rifat” teleradiokanalidagi “Tong nafasi” ko‘rsatuvi ssenariysini tayyorlashda foydalanilgan (O‘zbekiston milliy teleradiokompaniyasi “Madaniyat va ma’rifat” telekanali davlat muassasasining 2023-yil, 23-sentyabrdagi 212-sonli ma’lumotnomasi). Natijada, alohida ehtiyoji bo‘lgan boshlang‘ich sinf o‘quvchilari nutqini rivojlantirishda fonetik ritmikadan foydalanish metodlarining keng targ‘ib qilinishiga erishilgan.
🎓 O.S. Ishmatova — “Profi Arena Kasb To'garagi” trener-o'qituvchisi 2023 yildan buyon Maxsus pedagogika kafedrasida faoliyat yuritadi.
📜 To‘garak tashkil etilish asoslari:
O‘zbekiston Respublikasi Prezidentining 2020-yil 13-oktabrdagi 4860-sonli qarori (alohida yordamga ehtiyoji bo‘lgan bolalar ta’limini takomillashtirish);
O‘zbekiston Respublikasi Oliy ta’lim vazirligining 279-sonli buyrug‘i (iqtidorli talabalar bilan ishlashni takomillashtirish);
Toshkent viloyati Chirchiq Davlat pedagogika instituti “Profi Arena” ilmiy-tadqiqot markazi faoliyati.
🏢 Hozirda kafedraning “INKORLAB” ilmiy-amaliy laboratoriyasi tarkibida faoliyat olib bormoqda.
🎯 Fan to‘garagining maqsad va vazifalari:
Rivojlangan ijodiy shaxsni shakllantirish va davlat siyosatini amalga oshirish;
Talabalarning fanlarni puxta egallashlari va kasbiy kompetensiyalarini rivojlantirish;
Ilmiy yo‘nalishlar va talabalar ehtiyojlariga mos ta’lim mazmunini yangilab borish;
Kasbga oid texnik va texnologik bilimlarni berish va malakalarni oshirish;
Talabalar ijodiy imkoniyatlarini aniqlash va rivojlantirish;
Qobiliyatli yoshlarni aniqlash va olimpiadalar, tanlovlar uyushtirish;
To‘garakni tamomlaganlarga sertifikat berish.
💡 “Profi Arena Kasb To‘garagi” talabalar uchun imkoniyatlar:
✅ Amaliy ko‘nikmalar: nutq buzilishlarini aniqlash va tuzatishning ilg‘or metodlarini o‘rganish. ✅ Kasbiy rivojlanish: logoped sifatida bilim va malakalarni chuqurlashtirish. ✅ Ilmiy faoliyat: maqola yozish, tadqiqotlar olib borish, tanlovlarda qatnashish. ✅ Ijodiy yondashuv: nutqiy madaniyat va ijodiy fikrlashni rivojlantirish. ✅ Sertifikat: to‘garakni tamomlagan talabalar sertifikat bilan taqdirlanadi.
📚 Pedagogika fakulteti iqtidorli talabalari uchun tashkil etilgan
“Istiqbolli tadqiqotchi” ko‘rik-tanlovining rahbari
Mazkur loyiha fakultetning iqtidorli talabalarini ilmiy tezis va maqolalar orqali saralab, ularning malakasini oshirishga xizmat qiladi.
🎯 Loyiha maqsadi: Iqtidorli va izlanuvchan talabalarni aniqlash, ilmiy faoliyatga yo‘naltirish hamda yosh tadqiqotchilarni tayyorlash.
🌟 Loyihaning ahamiyati: "Istiqbolli tadqiqotchi" tanlovi iqtidorli talabalarni ilmiy izlanishlarga jalb qiladi, tadqiqotchilik salohiyatini oshiradi va ularning ilm-fan sohasida faol ishtirokini rag‘batlantiradi. Natijada, yoshlarning maqolalari nufuzli jurnallarda chop etilishi ta’minlanadi.
📌 Vazifalari:
⭐ Iqtidorli talabalarni aniqlash va rag‘batlantirish
📈 Ilmiy tadqiqot doirasini kengaytirish
📚 Talabalarning ilm-fan sohasidagi faolligini oshirish
👩🔬 Yosh olimlar avlodini shakllantirish uchun shart-sharoit yaratish
🌤️ “Ochiq osmon ostidagi maktab” loyihasidagi tashabbusi
👥 CHDPU Pedagogika fakulteti tashabbusi bilan tashkil etilgan ijtimoiy loyihada talabalar faol ishtirokini ta’minlashdagi pedagogik yondashuvi;
🎓 Mutaxassislarga master-klass mashg‘ulotlarini olib boruvchi trener sifatidagi faoliyati;
📊 Maxsus pedagogika kafedrasi loyihalarining nazariy va amaliy samaradorligini oshirishdagi pedagogik faoliyati;
📝 Loyihaga mos puxta dastur ishlab chiqishda ishtiroki.
Yuqori impakt faktorli jurnallar.
Kodirova F.U., Khurvaliyeva T.L., Jumaniyazova Z.A., Ishmatova O.S., Safiyeva M.A., Aay Susilawati. Technological approaches to resolving pedagogical conflicts in primary school student // Journal of Engineering Science and Technology , Special Issue on ISCoE2024 Vol. 20 No. 3 (2025) 89 – 96.
Ishmatova O.S. The relevance and necessity of using phonetic rhythmicity in the development of speech of elementary school students with special needs // Educator Insights: A Journal of Teaching Theory and Practice, VoL. 01, Issue 03, March, (2025) 619-620.
Ishmatova O.S. The role of phonetic rhythmic activities in national surdopedagogy // uropean Science Methodical Journal ISSN (E): 2938-3641 VoL. 3, Issue 3, (2025) 66-69.
Ishmatova O.S. Phonetic Rhythm In Music And Rhythm Correction Training Of Specialized Boarding Schools For Deaf And Hard Of Hearing Students // Pedagogical Cluster-Journal of Pedagogical Developments PCJPD: Volume 2Issue 10, October 2024, 245-249.
Respublika OAK
Ishmatova O.S. Xorijiy surdopedagogikada fonetik ritmikaning o‘rni // “Муғаллим ҳэм узликсиз билимлендириў” 2025yil, № 3/2, 591-594.
Ишматова О.С. Роль фонетической ритмики в национальной сурдопедагогике // Inter education & global study . Ilmiy-nazariy va metodik jurnal 2025-yil,3-tom, Buxoro-2025. №4. С. 46–53.
Xalqaro konferensiyalar
Ishmatova O.S. The relevance and necessity of using phonetic rhythmicity in the development of speech of elementary school students with special needs /Educator Insights: of Teaching Theory and Practice, VoL. 01, Issue 03, March, (2025) 619-620.
Respublika konferensiyalar
1. Ишматова О.С. Жумабаева М., Особенности развития речи ребёнка в раннем возрасте / Boshlang‘ich sinf oʻquvchilariga ta’lim-tarbiya berishda zamonaviy pedagogik texnologiyalarning oʻrni” mavzusidagi respublika ilmiy-amaliy anjuman, 2024-yil 18-sentyabr, 2024, Денов, 443-479 b.
2. Ishmatova O.S. To‘xtamurodov A.A. Harakat-tayanch a’zolarida nuqsonlari bo‘lgan bolalarning kognitiv funksiyalarini rivojlantiruvchi korreksion texnologiyalar / Toshkent tibbiyot akademiyasdi axborotnomasi, 2025 yil, 102-103.
Darsliklar
Ishmatova O.S. “Fonetik ritmika” / Darslik. O‘zbekiston Respublikasi Oliy ta’lim, fan va innovatsiyalar vazirligining 2024 yil 04-martdagi 55-son buyrug‘i va № 55342-guvohnoma.
Monografiyalar
Ishmatova O.S. Alohida ehtiyojli boshlang‘ich sinf o‘quvchilari nutqini rivojlantirishda fonetik ritmikadan foydalanish texnologiyasi / Monografiya. “Zebo Prints”. – T.: 2024. – 88 bet.
