Chirchiq davlat pedagogika universitetining Jismoniy madaniyat fakulteti tashabbusi bilan o‘tkazilayotgan “Jismoniy tarbiya tizimini rivojlantirishning dolzarb muammolari va istiqboldagi yechimlari” mavzusidagi ilmiy-amaliy konferensiya soha mutaxassislari, olimlar, amaliyotchilar va yosh tadqiqotchilarni bir joyga jamlaydi.

Konferensiyada quyidagi asosiy yo‘nalishlar muhokama qilinadi:
✅ Jismoniy tarbiya tizimining hozirgi holati va rivojlanish yo‘nalishlari
✅ Maktab va oliy ta’lim muassasalarida jismoniy tarbiya samaradorligini oshirish
✅ Zamonaviy texnologiyalar va innovatsion yondashuvlarni joriy etish
✅ Sport psixologiyasi va sog‘lom turmush tarzini targ‘ib qilish
✅ Maxsus ehtiyojli shaxslar uchun jismoniy tarbiyani rivojlantirish imkoniyatlari

Konferensiya ishtirokchilariga o‘z ilmiy ishlanmalarini taqdim etish, tajriba almashish va sohadagi muammolar yuzasidan amaliy yechimlarni ishlab chiqish imkoniyati yaratiladi.

Ushbu konferensiya jismoniy tarbiya va sport sohasining taraqqiyotiga hissa qo‘shishni istagan barcha mutaxassislar uchun ochiq.