“Kelajak o‘qituvchisi” tanloviga start berildi

     Bugun Chirchiq davlat pedagogika universitetida fakultetlararo “Kelajak o‘qituvchisi” tanloviga start berildi. Tadbirni katta ko‘tarinkilik va innovatsion g‘oyalar bilan San’atshunoslik fakulteti ochib berdi.

     Bugungi san’at yo‘nalishi talabalari — ertangi kunning zamonaviy pedagoglaridir. Tanlov davomida talabalar o‘qituvchi faoliyatida sun’iy intellekt va raqamli texnologiyalardan foydalangan holda o‘quvchilarda kompleks kompetensiyalar hamda metakompetensiyalarni rivojlantirish strategiyalarini nazariy va amaliy jihatdan isbotlab berdilar. Unda talabalar individual ta’lim traektoriyalarini rejalashtirish va fanlararo integrativ bilimlarni kuchaytirish bo‘yicha o‘z mahoratlarini namoyish etdilar. Shuningdek, kelajak darslarida nafaqat bilim berish, balki emotsional intellektni rivojlantirish va tanqidiy fikrlashni shakllantirish jarayoni bo‘yicha talabalarning kreativ tasavvurlari hakamlar hay’atida yaxshi taassurot qoldirdi.

     San’atshunoslik fakulteti jamoasi kelajak ta’limi nafaqat texnologiya, balki insoniy ijodkorlik va yuksak intellekt uyg‘unligi ekanini amalda isbotladi.

     Bundan tashqari, fakultet talabalari tomonidan yaratilgan zamonaviy liboslar kolleksiyasi ham tomoshabinlarga manzur bo‘ldi.

     Yakunida rektor G‘ofurjon Muxamedov tanlovni yanada takomillashtirish bo‘yicha o‘z tavsiyalarini berdi.