Tashkil etilgan yili: 2019 Kafedra Chirchiq davlat pedagogika universiteti Kengashining 2019-yil 29-avgustidagi 1-sonli qaroriga muvofiq "Aniq va tabiiy fanlar" fakulteti tarkibida "Kimyo" kafedrasi nomi bilan tashkil etilgan. Bugungi kunda kafedra mutaxassisligi kimyo va kimyo bo'lmagan yo'nalishlar uchun kimyoni o'qitish bilan shug'ullanadi.

KAFEDRANING MAQSADI VA VAZIFALARI

Kafedraning missiyasi: Kimyo kafedrasining asosiy vazifasi talabalarning ilg'or kimyoga bo'lgan ko'nikmalarini rivojlantirish hamda madaniyatlararo muloqot kompetensiyasini shakllantirishdan iborat.

Maqsadlarimiz:

• Universitetni Pedagogik taʼlim innovatsion klasteri asosida rivojlantirish.
• Xalqaro standartlarga muvofiq yuqori malakali, raqobatbardosh mutaxassislarni tayyorlash, kimyo sohasida fundamental va amaliy tadqiqotlarni faollashtirish.
• Kimyo kafedrasida tashkil etilgan ilmiy laboratoriyasida ilmiy ishlarni rivojlantirish orqali IPK ilmiy maktabini yaratish, kimyo fanini o'qitish va o'rgatish usullarini takomillashtirish.

Kimyo Kafedrasining O'rta Muddatli Strategik Rivojlantirish Dasturi (2022-2025 yillar uchun)

O'QUV DASTURLARI

Kafedra bakalavr bosqichi talabalariga kimyoni o'qitish bo'yicha darslar olib boradi.

2-kurs o'quv dasturlari:

• 60110800 - Kimyo: Analitik kimyo
• 60110800 - Kimyo: Fizik kimyo
• 60110800 - Kimyo: Kolloid kimyo
• 60110800 - Kimyo: Organik kimyo

3-kurs o'quv dasturlari:

• 60110800 - Kimyo: Organik kimyo
• 60110800 - Kimyo: Biorganik kimyo
• 60110800 - Kimyo: FTU kimyo (Fan, texnika va ishlab chiqarish asoslari kimyosi)
• 60110800 - Kimyo: Kimyoviy texnologiyalari kimyo

4-kurs o'quv dasturlari:

• 60110800 - Kimyo: Materialshunoslik kimyo
• 60110800 - Kimyo: Oziq-ovqatlar kimyo
• 60110800 - Kimyo: Modda tuzulishi va kvant kimyosi kimyo
• 60110800 - Kimyo: Agrokimyo

Chirchiq Davlat Pedagogika Universiteti "Kimyo" Kafedrasining Uzoq va O'rta Muddatga Mo'ljallangan Strategik Rejasi

Kimyo Kafedrasi Strategik Rejasining Tavsifi

Chirchiq davlat pedagogika universiteti O'zbekiston Respublikasi Prezidentining 2017 yil 27 iyulda "Toshkent viloyati Chirchiq davlat pedagogika institutini tashkil qilish to'g'risida"gi PQ-3152 sonli qarori bilan tashkil etilgan. Kimyo kafedrasi Chirchiq davlat pedagogika universiteti kengashining 2019 yil 29-avgustdagi 1-son qaroriga asosan Aniq va tabiiy fanlar tarkibida tashkil etilgan. Hozirda kimyo kafedrasi Fizika va kimyo fakulteti tarkibida faoliyat yuritib kelmoqda. Hozirgi kunda kimyo fani bo'yicha respublikamizda ilg'or xorijiy tajriba va xalqaro standartlar darajasiga mos oliy ma'lumotli pedagogik kadrlar tayyorlash tizimini tashkil etish va uni raqamlashtirish texnologiyalari yordamida yanada takomillashtirish orqali ta'lim sifatini yuqori darajaga olib chiqish bo'yicha ishlar amalga oshirilmoqda.

Kafedraning strategik missiyasi: Xalqaro standartlarga muvofiq yuqori malakali, raqobatbardosh mutaxassislarni tayyorlash; kimyo sohasida fundamental va amaliy tadqiqotlarni faollashtirish.

Kafedraning strategik maqsadi: Professor-o'qituvchilar tarkibini yuqori darajada ushlab turgan holda o'quv jarayoni va ilmiy tadqiqotlar sifatini oshirishdan iborat.

Kafedraning istiqbolli nigohi: Kafedraning respublika miqyosida o'quv va ilmiy markaz sifatida shakllanishi.

Fakultetning shiori: "Uchites uchitsya", "O'rganishni o'rganing".

Kimyo Kafedrasi Strategik Rejasining O'rta Muddatga Mo'ljallangan Asosiy Yo'nalishlari

Respublikamizda pedagogik ta'lim tizimini rivojlantirishning asosiy yo'nalishlari bo'yicha qator ijobiy natijalar qo'lga kiritilgan. Xususan, pedagogik ta'lim klassifikatorlari takomillashtirilgan, pedagogik ta'lim mazmuni yangilanib bormoqda, ta'lim tizimi mutaxassislarining kasbiy tayyorlanishi bo'yicha ta'limning axborot muhiti va ilmiy-metodik ta'minoti boyitilmoqda va shu bilan birga maktabgacha ta'lim tizimini yanada takomillashtirish, bolalarni maktabga tayyorlash darajasini tubdan yaxshilash, ta'lim-tarbiya jarayoniga zamonaviy ta'lim dasturlarini tatbiq etish, yoshlarni har tomonlama intellektual, axloqiy, estetik va jismoniy qobiliyatlarini rivojlantirish borasida ta'lim muassasalarini malakali pedagog kadrlar bilan ta'minlash yo'nalishlarida qator dolzarb masalalar mavjud.

Yuqoridagi keltirilgan yutuqlar, muammolar va universitet o'zining oldiga qo'ygan maqsaddan kelib chiqib, kafedra o'zining sa'y-harakatlarini uzluksiz pedagogik ta'lim tizimini rivojlantirishning quyidagi asosiy yo'nalishlariga qaratadi:

Maqsadga qaratilgan yo'nalish: Kimyo kafedrasida tashkil etilgan ilmiy laboratoriyasida ilmiy ishlarni rivojlantirish orqali IPK ilmiy maktabini yaratish, kimyo fanini oqitish va orgatish usullarini takomillashtirish.

Hamkorlikka qaratilgan yo'nalish: Rossiya, Qozog'iston OTM va ITI (Ilmiy tadqiqot institutlari) bilan yaqin hamkorlikda ishlash. O'zR FA O'MKI (O'zbekiston Respublikasi Fanlar Akademiyasi Umumiy va noorganik kimyo instituti) va bioorganika institutlari bilan hamkorlik o'rnatish. Toshkent viloyati Chirchiq shahar maktablari faoliyatini o'rganish va amaliy yordam ko'rsatish, har xil mavzularda master-klass, seminar-trening tashkil etish.

Kafedra Strategik Siyosatining Asosiy Tamoyillari

Universitet o'zining asosiy yo'nalishlari bo'yida faoliyatini tashkil etishda quyidagi tamoyillarga amal qiladi:

• Ta'lim muassasalari, jamoat tashkilotlari va ishlab chiqarish korxonalari ijtimoiy hamkorligi.
• Raqobatbardoshlik (bitiruvchilarini samarali kasbiy faoliyatga tayyorlashda nazariy va amaliy bilimlar yagonaligida ta'minlash).
• Optimallashtirish (moliyaviy harajatlarni qisqartirgan holda uzluksiz pedagogik ta'lim tizimida samaradorlikni oshiruvchi jarayonlarni qayta loyihalash).
• An'ana va innovatsiyalar uyg'unligi (pedagogik fan va amaliyot yutuqlari asosida uzluksiz pedagogik ta'lim tizimidagi o'zgarishlarni loyihalash).
• Pedagogik ta'limning uzluksizligi (pedagogik kafedra davomida kasbiy rivojlanishni ta'minlovchi o'zaro mutanosib va tabaqalashtirilgan turli pog'ona va darajadagi ta'lim dasturlari tizimini shakllantirish).
• Umumiy o'rta, o'rta maxsus, oliy pedagogik ta'lim, oliy ta'limdan keyingi hamda qo'shimcha ta'limi izchilligidan iborat (psixologog-pedagogik tamoyillar yagona tizimiga tayanish, ta'lim dasturlarini o'zlashtirishda izchillik va ketma-ketlik, yagona axborot-ta'lim maydoni).

Kafedraning O'rta Muddatli Strategik Rejasining Birinchi Bosqichida (o'rta muddat 2022-2025 yy) Marketing Tadqiqotlari Yo'nalishlari

• Maqsadga yo'naltirilgan – resurslarni umumlashtirish va universitetni insoniyatning barqaror rivojlanish masalalari bilan bog'liq muammolari va murakkabliklarini etakchi o'rinda turishini ta'minlashga qaratilgan tadqiqotlar.
• Hamkorlikka yo'naltirilgan – yetakchi xorijiy universitetlar, ilm-fan va ta'lim hamda yuqori texnologiyalar bilan jihozlangan tashkilotlar bilan ta'lim va ilmiy tadqiqotlar bo'yicha o'zaro manfaatli hamkorlik va integratsiyani yaxshilashga qaratilgan tadqiqotlar.

Kafedraning Uzoq va O'rta Muddatli Strategiyasining Asosiy Ustuvor Vazifalari

Ilg'or ilmiy tadqiqotlar olib borish. Pedagogik kasbning yuqori ijtimoiy-madaniy burchini bajarishda, ya'ni hozirgi zamon pedagogik normalar sharoitida kasbiy vazifalarni kompetentlik asosida hal etishda, ta'lim mutaxassislarini tayyorlashda, qayta tayyorlash va malakasini oshirishda, keng dunyoqarash va ma'naviy-axloqiy faoliyatni ilg'or axborot texnologiyalari bilan yaxlit xolda olib borishni taqozo etadi. Ta'lim standartlarida bu yaxlitlik bo'lajak ta'lim mutaxassisida uch guruh kompetensiyalarni shakllantirish orqali ta'minlanadi. Bular:

• Akademik – o'qish, bilish va bilim olish ko'nikmalarni o'z ichiga oluvchi.
• Ijtimoiy-shaxsiy – madaniy qadriyatlarga tayangan holda jamiyat va davlatning g'oyaviy, axloqiy qadriyatlariga doir bilimlar va ularga amal qilish yo'llarini o'rganishni o'z ichiga oluvchi.
• Kasbiy – tanlangan kasbiy faoliyat sohasida vazifa echimini topish, unda raqamli texnologiyalarni qo'llay olish, reja tuzish hamda ular ijrosini ta'minlash layoqatini o'z ichiga oluvchi kompetensiyalardir.

PTIK (Pedagogik Ta'lim Innovatsion Klasteri) doirasidagi ilmiy tadqiqot yo'nalishlari quyidagilar hisoblanadi:

1. Ilg'or ilmiy tadqiqotlarga tayangan holda kimyo sohasidagi fundamental tadqiqot natijalarini ta'lim jarayoniga tadbiq qilish.
2. Zamonaviy ilmiy kimyo laboratoriyasi ishlab chiqiladi va amaliyotga tadbiq etish.
3. Kafedraning respublika miqyosida uzviy va ilmiy markaz sifatida shakllanishi.

Zamonaviy pedagogga milliy-madaniy an'analarni va shu asosda jamiyat ahilligini saqlash kabi o'ziga xos alohida vazifalar yuklatiladi. Shuning uchun ham pedagog o'zining kuch va g'ayratini nafaqat ta'lim, balki tarbiya jarayoniga ham sarflamog'i lozim. Tarbiya sohasida quyidagi kompetensiyalar muhim sanaladi:

• Globallashgan zamonda bolalarni ma'naviy-axloqiy tarbiyalashga tayyorgarlik; ijtimoiy ahamiyatga ega tashabbuslarni tashkil etish (volontyorlik faoliyati, xayriya aksiyalari va boshqalar).
• O'quvchilar orasida sog'lom g'oyani targ'ib qilish tajribasiga ega bo'lish, sog'lom hayot tarzi, zararli odatlar, tajovuzkorlik ayanchli oqibatlarni oldini olish bo'yicha ko'nikmalarni rivojlantirish.

Ta'lim mutaxassislarini tayyorlash o'quvchilarda barcha kompetensiyalar uyg'unligida bilim va ko'nikmalarni shakllantiruvchi vosita, shaxsiy, ijtimoiy, kasbiy xarakterdagi masalalarni hal qilish, ko'p qirrali qobiliyat kabi xarakterlarni integrallashgan natijaviy yutuqlarini ta'minlashi zarur.

Zamonaviy pedagogik ta'lim mazmuni ochiq va doimiy rivojlanishda bo'lishi, bo'lajak pedagoglarda samarali pedagogik faoliyatni amalga oshirishga qaratilgan ijobiy muhit yaratishi, mustaqil ta'lim va tarbiyaga qiziqish rag'batini uyg'otishi, variativ va invariant komponentlarni qamrab olishi, pedagogik tizim va faoliyat genezisini aks ettirishi, shaxs va jamiyatning istiqbol talablariga moslashishi, umumbashariy bilimlarning fanlararo xususiyatlarini aks ettira olishi, uzluksiz pedagog ta'lim muhitida o'z o'rnini topa olishi lozim.

Rejalashtirilgan natijalar quyidagilardan iborat:

• Pedagogik ta'limning maqsadi - yangi dolzarb kompetensiyalarga ega zamonaviy pedagoglar kadrlarini shakllantirish.
• Ijtimoiy moslashgan, yangi kompetensiyalarni o'zida mujassamlashtirgan va uzluksiz pedagogik ta'limning barcha bosqichlaridagi ta'lim standartlari va kompetentlik modellarini belgilovchi pedagogning kasbiy standartini ishlab chiqish.
• Pedagogik ta'limning yangi ta'lim standartlari va yangilangan o'quv va dasturiy hujjatlar yaratish.
• Ta'lim standartlarining yangi ilmiy va metodik ta'minotini yo'lga qo'yish.

Bu natijalarga kafedra tomonidan ustuvorligiga muvofiq tanlab olingan va o'zida xalqaro darajadagi ilmiy tadqiqotlar olib boruvchi eng samarali ilmiy (ijodiy) jamoalarni jamlagan "Ilg'or tadqiqot markazlari (ITM)" orqali erishiladi. Bunday ITMlar sifatida quyidagilarni keltirish mumkin:

• Talabalarning eksperimental ko'nikmalarini rivojlantirish metodikasi.
• Interpolimer komplekslar va fosfogips asosida kompozitsion materiallarni o'rganish.

ITM faoliyatining samaradorligini baholash me'zonlari - ilmiy tadqiqot va ta'lim faoliyati ko'lamini, moliyaviy barqarorlikni, nashr faoliyatini baholash, etakchi xorijiy olimlarni jalb qilish, xorijiy etakchi oliy o'quv yurtlari bilan qo'shma ilmiy loyihalar va ta'lim dasturlarini amalga oshirish, yuqori malakali kadrlar tayyorlash, ilmiy-innovatsion loyihalarni amalga oshirishga talabalar va doktorantlarni jalb qilish, hamda intellektual mulk ob'ektlarini yaratish va tijoratlashtirish kabilarni o'z ichiga oladi.

ITM faoliyatini amalga oshirishda ilmiy rahbar sifatida yuqori ilmiy metrik ko'rsatkichlarga ega taniqli olimlar tayinlanadi va ularga faoliyatni mustaqil boshqarish va jamoani shakllantirish huquqi beriladi. Bu ma'lum darajada faoliyatni alohida olib borishni ta'minlaydi va universitetning har qanday bo'limi va laboratoriyasining, shuningdek, integratsiya bo'yicha hamkorlarning, shu jumladan xorijiy universitetlar va ilmiy-tadqiqot markazlarining intellektual potensiallari va texnologik kompetensiyalarini jalb qilish imkonini beradi.

Kafedraning o'rta muddatli strategik rejasi bo'yicha 2025 yilga borib nashr etish faolligi ko'rsatkichlari, ya'ni Web of Science va Scopus bazasiga kirgan jurnallardagi nashrlari soni har bir ilmiy-pedagogik xodimga – 0.8 tani, bir nafar ilmiy-pedagogik xodimning ilmiy ishlariga qilingan iqtiboslarning o'rtacha soni - 1 tani, xorijiy olimlar bilan hamkorlikda nashrlarning ulushi - 10% ni tashkil etishi lozim.

Uzoq muddatli strategik reja bo'yicha 2030 yilga borib Web of Science va Scopus bazasiga kirgan jurnallardagi nashrlari soni har bir ilmiy-pedagogik xodimga - 1 tadan, bir nafar ilmiy-pedagogik xodimning ilmiy ishlariga qilinadigan iqtiboslar soni - 1 tani, xorijiy olimlar bilan hamkorlikda nashrlarning ulushi - 20% ni tashkil etishi nazarda tutiladi.