Xudayberganov Mansur Saburovich

Xudayberganov Mansur Saburovich 1990 yilda Xorazm viloyati, Xazorasp tumanida tug‘ilgan. Millati – o‘zbek. 

2008-yil Urganch shahridagi 8-sonli maktab internatini a’lo bahoga tamomlagan. Xudayberganov Mansur Saburovich 2011-yili Nizomiy nomidagi Toshkent davlat pedagogika universitetining “Kimyo o‘qitish metodikasi” mutaxassislikka o‘qishga qabul qilingan va 2015 yilda tamomlagan. 2017-yilda O‘zbekiston Milliy universiteti Kimyo fakulteti “Materiallar va moddalar kimyosi (nanomateriallar)” mutaxassisligiga magistraturaga qabul qilingan va 2019-yilda tamomlagan. 2020 yil O‘zbekiston Respublikasi Fanlar Akademiyasi Umumiy va noorganik kimyo institutiga tayanch doktarantura (PhD)ga qabul qilingan. 2022 yilda 02.00.11-Kolloid va membrana kimyosi ixtisosliklarida “AKF-78 markali kaolin asosida adsorbentlar va ularning adsorbsion xususiyatlari” mavzusida kimyo fanlari falsafa doktorlik dissertatsiyasini yoqladi.

Umumiy ish staji – 12 yil. Pedagogik staji 12 yil. O‘qituvchi lavozimida, Ilmiy loyihada katta ilmiy xodim, dotsent sifatida faoliyat olib borgan va shu davrda 4 nafar bakalavr, 1 nafar magistr  BMI va MI yozishda ilmiy raxbarlik qilgan, hozirda 1 nafar magistrantga ilmiy raxbarlik qilmoqda. Ilmiy tadqiqot faoliyatida  50 ga yaqin tezis, 30 ga yaqin maqola, 2 ta monografiya muallifi hisoblanadi. 
         2024 yildan Ilmiy va metodologik kimyo kafedrasida dotsent lavozimida faoliyat olib kelmoqda.