Jadid adabiyotida xotin-qizlar obrazi
QR kod:
Yuklab olishlar
XX asrning oxiri va XXI asrga kelib, jahon adabiyotshunosligida xotin-qizlarning tarix, jamiyat, madaniy va adabiy hayotda tutgan o‘rni qanday estetik mezonlar asosida tasvirlanganini baholash har qachongidan ham dolzarb ahamiyat kasb eta boshladi. Ishda xotin-qizlar obrazi genezisi, evolyutsiyasi, adabiy tur va janrlar kesimidagi tasvirlanish tamoyillari kabi muammolar monografik asosda, tizimli va kompleks o‘rganilgan. Monografiyada Hamza, Cho‘lpon, Fitrat, Avloniy, Tavallo she’rlari; A.Qodiriy, Cho‘lpon, Hamza romanlari; Xoji Muin, Fitrat, Nusratilla Qudratilla, Hamza, Cho‘lpon dramatik asarlari misolida o‘zbek jadid adabiyotida xotin-qizlar obrazining tadrijiy takomilini ochib berish, lirik, epik va dramatik asarlardagi obrazlar misolida ayol dunyoqarashi va faoliyatidagi o‘sish jarayoni badiiy talqinining evolyutsion bosqichlarini aniqlash hamda ilmiy-nazariy asoslashga doir fikr-mulohazalar taqdim etilgan.
