Tasviriy san’at ta’limida innovatsion klaster yondashuvi
QR kod:
Yuklab olishlar
Ushbu monografiyada tasviriy san’atni ta’lim jarayoniga integratsiyalash muammolari va imkoniyatlari ilmiy-amaliy jihatdan tahlil qilingan. Asarda zamonaviy pedagogik ta’lim tizimida klaster yondashuvining zarurligi, uning nazariy va metodologik asoslari hamda amaliyotdagi samarasi yoritilgan. Xususan, umumiy o‘rta va oliy ta’lim tizimlarini pedagogik klaster asosida uyg‘unlashtirish, nazariya va amaliyotni integratsiyalash, talabalarning intellektual-ijodiy salohiyatini rivojlantirish yo‘llari ko‘rsatilgan. Monografiyada klasterli hamkorlik, fanlararo integratsiya, “ustoz-shogird” an’analari va “art-terapiya” orqali ta’limning samaradorligi ilmiy asoslangan. Muallifning ko‘p yillik pedagogik va ijodiy tajribalari, ilmiy izlanishlari va amaliy natijalari integratsiya jarayonining afzalliklarini ochib bergan. Asar uzluksiz ta’lim tizimida pedagogik klaster texnologiyalarini joriy etish, ijodkor shaxs tarbiyasi hamda raqobatbardosh mutaxassislarni tayyorlashda ilmiy-nazariy va amaliy qo‘llanma sifatida xizmat qiladi
