2025-yil 29-yanvar kuni Toshkent viloyati Parkent tumani xalq ta’limi bo‘limiga qarashli 34-umumiy o‘rta ta’lim maktabida ilmiy-amaliy tadbir bo‘lib o‘tdi. Tadbirda Chirchiq davlat pedagogika universiteti Lingvistika va ingliz tilini o‘qitish metodikasi kafedrasi mudiri dotsent M.A. Yusupova boshchiligida professor-o‘qituvchilar tashrif buyurishdi. Tashrifning asosiy maqsadi oliy va umumiy o‘rta ta’lim muassasalari o‘rtasidagi uzviy hamkorlikni yo‘lga qo‘yish, ta’lim sifati va samaradorligini oshirish hamda O‘zbekiston Respublikasining “Ta’lim to‘g‘risida”gi qonunida belgilangan vazifalarni amalda ro‘yobga chiqarishdan iborat edi.

Mazkur tashrif chog‘ida Chirchiq davlat pedagogika universiteti bilan Parkent tumani 34-umumiy o‘rta ta’lim maktabi o‘rtasida o‘zaro hamkorlik shartnomasi imzolandi. Ushbu shartnoma O‘zbekiston Respublikasi Prezidentining 2017-yil 22-iyuldagi PQ–3152-sonli qarori hamda Vazirlar Mahkamasining 2019-yil 28-martdagi 258-sonli qarorida ko‘rsatilgan vazifalarni amalga oshirish doirasida ishlab chiqildi. Hamkorlikning asosiy yo‘nalishlari sifatida ingliz tili o‘qitish metodikasini takomillashtirish, zamonaviy pedagogik texnologiyalarni joriy etish, o‘quvchilarda kommunikativ kompetensiyalarni rivojlantirish va o‘qituvchilar malakasini oshirish belgilandi.

About Myself and My Goals

Ustozlar o‘quvchilarni o‘zlarini kreativ tarzda tanishtirishga undashdi.
📌 “Future Me” nomli mini-plakatlar yaratildi.
📌 Har bir o‘quvchi kelajakdagi maqsadlarini ingliz tilida ifodalab, “Goal Tree”ga yopishtirdi.
📌 “Two Truths and a Dream” o‘yini orqali o‘zlari haqida qiziqarli faktlarni aytishdi.

Team-building Games

Darslar haqiqiy jamoaviy muhitga aylandi!
🎲 “Human Knot”, “Find Someone Who…”, “Puzzle Race” kabi o‘yinlar orqali o‘quvchilar bir-birini qo‘llashni o‘rgandilar.
🤝 Jamoalarda muammolarni ingliz tilida muhokama qilish vazifalari berildi.
💡 Mashg‘ulotlar o‘quvchilarda ishonch, muloqot va hamkorlik ko‘nikmalarini kuchaytirdi.

Ustozlarning ijodiy yondashuvi tufayli darslar oddiy mashg‘ulot emas, balki ilhomlantiruvchi ingliz tili makoniga aylandi. O‘quvchilar amaliy muloqot, jamoada ishlash, ijodkorlik va til ko‘nikmalarini yanada rivojlantirishdi.