«Ma’rifat ulashib» loyihasi doirasida
Bugungi kunda ma’rifat – jamiyat taraqqiyotining asosiy omili hisoblanadi. Chirchiq davlat pedagogika universitetida O‘zbek tili bayrami «Ma’rifat ulashib» loyihasiga ulandi. Universitet va universitetga biriktirilgan Chirchiq shahrida joylashgan 1, 15 hamda 24-maktablarida “Ma’rifat ulashib” loyihasi doirasida adabiy uchrashuvlar tashkil etildi.
Tadbirlarda taniqli yozuvchilarimiz O‘zbekiston xalq yozuvchisi, Xalqaro Amir Temur jamgʻarmasi raisi Muhammad Ali, Yozuvchilar uyushmasi Andijon viloyat bo‘limi rahbari Hurshida Vohobjon qizi, shoir va tarjimon Humoyun Akbarlar ishtirok etdilar.
Talabalar va o‘quvchilar bilan samimiy suhbatlashib, ularga o‘z ijod yo‘li, ilhom manbalari hamda hayot haqidagi falsafiy qarashlarini bayon etdilar. Talabalar va o‘quvchilar o‘zlarini qiziqtirgan savollarga javob olish imkoniga ega bo‘ldilar.
Tadbir ishtirokchilari bu kabi uchrashuvlar ma’naviy olamni boyitish, ijodga qiziqish uyg‘otish va ma’rifatli jamiyat sari yana bir qadam tashlashda muhim ahamiyatga ega ekanini alohida ta’kidladilar.
Universitet Axborot xizmati
Galereya
