Hozirda “Umumta’lim maktablarida ona tili fanini fanlararo integratsiya asosida o‘qitish metodikasi (xalqaro baholash dasturlari asosida)” mavzusida ilmiy izlanish olib boryapman. Ilmiy faoliyatimning asosiy maqsadi— ona tili ta’limini xalqaro talablar asosida takomillashtirish, fanlararo integratsiya orqali o‘quvchilarda funksional savodxonlik va mustaqil fikrlash ko‘nikmalarini shakllantirishdir. Tadqiqot natijalari pedagogik ta’lim sifatini oshirish, bo‘lajak o‘qituvchilarni zamonaviy metodik yondashuvlar asosida tayyorlashga hamda umumta’lim maktablarida samarali o‘qitish metodikasini joriy etish va xalqaro baholash dasturlarida yuqori natijalarni ta’minlashga xizmat qiladi.
25
Muxtarova Shaxnoza Mashrabovna 1977-yil 28-avgustda Andijon viloyati Baliqchi tumanida tug‘ilgan. Millati – o‘zbek.
1998-yilda Andijon davlat tillar pedagogika institutini tamomlagan.
Hozirda Chirchiq davlat pedagogika universiteti Gumanitar fanlar fakulteti O‘zbek tilshunosligi kafedrasi o‘qituvchisi.
Talabalarning kasbiy kompetensiyalarini rivojlantirish, zamonaviy dars o‘tish metodlari, kommunikativ ko‘nikmalar hamda shaxsiy pedagogik sifatlarni shakllantirish maqsadida “Ona tili o‘qitish metodikasi” fanidan ma’ruza va amaliy mashg‘ulotlarini olib bormoqda.
Kafedra qoshida tashkil etilgan “Pedagogik mahorat” klubi mashg‘ulotlari orqali:
Ona tili darslarini samarali tashkil etish — darsning maqsad va vazifalarini to‘g‘ri belgilash, mavzuga mos metodlarni tanlash, o‘quvchilarning bilim, ko‘nikma va malakalarini shakllantirish yo‘llari o‘rgatildi.
Innovatsion pedagogik texnologiyalarni qo‘llash bo‘yicha amaliy treninglar o‘tkazildi.
Fanlararo integratsiya asosida dars ishlanmalarini tayyorlash — ona tili darslarida boshqa fanlar mazmuni bilan uyg‘unlashgan topshiriqlar ishlab chiqish ko‘nikmalari shakllantirildi.
Kommunikativ ko‘nikmalarni rivojlantirish — o‘quvchilar bilan muloqot o‘rnatish, ularni faollashtirish, savol-javob, bahs-munozara orqali tafakkurni rivojlantirish usullari o‘rgatildi.
Axborot-kommunikatsiya texnologiyalaridan foydalanish — elektron taqdimotlar yaratish, ona tili darslarini multimedia resurslari asosida tashkil etish va onlayn platformalarda ishlash bo‘yicha maxsus darslar o‘tkazildi.
Pedagogik amaliyotga tayyorgarlik — maktab sharoitida dars o‘tish, sinfni boshqarish, baholash mezonlarini qo‘llash va tarbiyaviy ishlarni samarali tashkil etish bo‘yicha bilim va ko‘nikmalar mustahkamlandi.
1993-1998-yillarda Andijon davlat tillar pedagogika institutida tahsil olgan.
1999-yildan 2022-yilgacha Chirchiq shahridagi 7-, 24-, 21- sonli umumta’lim maktablarida ona tili va adabiyot fani o‘qituvchisi, “Chirchiq tongi” gazetasi tahririyatida ma’naviy va ma’rifiy ishlar bo‘yicha bo‘lim mudiri, Chirchiq shahar XTB ma’naviy-ma’rifiy ishlar bo‘yicha sho‘ba rahbari vazifasida faoliyat yuritgan.
2022-yil 12-yanvardan buyon Chirchiq davlat pedagogika universiteti Gumanitar fanlar fakulteti O‘zbek tilshunosligi kafedrasida o‘qituvchi vazifasida faoliyat yuritmoqda.
Muxtarova Sh.M. Ona tili ta’limida integrativ yondashuvning ahamiyati. – Toshkent: Zebo Prints, 2023. – 120 b.
2023-yil 3-oktabrdan 31-oktabrgacha Alisher Navoiy nomidagi TDO‘TAU huzuridagi pedagog kadrlarini qayta tayyorlash va ularning malakasini oshirish tarmoq markazida o‘qidim.
2. 2025-yil 14-16-may kunlari boʻlib oʻtgan “Til taʼlimining yangi yoʻnalishlari” (24 soat) boʻyicha xalqaro malaka oshirish kursida qatnashdim.
