Qurbonov Shuhrat Bekmetovich

QURBONOV SHUXRAT BEKMETOVICH

Qurbonov Shuxrat Bekmetovich – geografiya fanlari bo‘yicha falsafa doktori, dotsent.

1977-yilda Xorazm viloyati Shovot tumani Qiyot qishlog‘ida ishchi oilasida tavallud topgan. 1984-1994 yillarda Shovot tumani 40-sonli umumiy o‘rta maktabda o‘qigan. 1996 yilda Toshkent viloyat Davlat pedogogika institutiga “Geografiya, iqtisodiy bilim asoslari va tadbirkorlik asoslari” mutaxassisligi bo‘yicha o‘qishga kirib, 2001 yilda bakalavr darajasini olgan. 2001-2004 yillarda umumta’lim maktabida geografiya fanidan o‘qituvchi bo‘lib ishlagan.

2004-2006-yillarda O‘zbekiston Milliy universitetiga “Iqtisodiy va ijtimoiy geografiya” mutaxassisligi bo‘yicha magistratura bosqichiga qabul qilingan, 2006 yilda magistr darajasiga ega bo‘lgan. 

2007-yildan boshlab to 2024-yilgacha bo‘lgan davrda mehnat faoliyati bevosita Mirzo Ulug‘bek nomidagi O‘zbekiston Milliy universiteti Iqtisodiy va ijtimoiy geografiya kafedrasi bilan bog‘liq. O‘tgan davrda o‘qituvchi, katta o‘qituvchi, dotsent vazifasini bajaruvchi va dotsent lavozimlarida faoliyat ko‘rsatgan.

Sh.B.Qurbonov O‘zMUdagi ilmiy-pedagogik faoliyatini boshlaganidan buyon professor A.S.Soliyev ilmiy rahbarligida kichik hududlar, xususan qishloq ma’muriy tumanlari ijtimoiy-iqtisodiy geografiyasi bo‘yicha tadqiqotlar olib borgan. Sh.B. Qurbonov 2017-yilda 11.00.02 – “Iqtisodiy va ijtimoiy geografiya” ixtisosligi bo‘yicha “O‘zbekiston qishloq tumanlari rivojlanishining iqtisodiy geografik xususiyatlari” mavzusida geografiya fanlari bo‘yicha falsafa doktori ilmiy darajasini olish uchun dissertatsiya himoya qilgan. 

O‘zbekiston Milliy universiteti Kengashining qaroriga binoan Sh.B.Qurbonov 2021-yilda dotsent ilmiy unvonini olgan. 

Dotsent Sh.B.Qurbonov 2024-yildan boshlab mehnat faoliyatini Chirchiq davlat pedagogika universitetida davom ettirmoqda. 

Olimning asosiy ilmiy tadqiqot yo‘nalishlari qishloq joylari ijtimoiy-iqtisodiy rivojlanishi, aholining turmush sifati hamda turizm va rekreatsiya geogrfiyasiga bag‘ishlangan. Hozirgi kunga qadar 300 yaqin ilmiy ishlari nashr etilgan. Ulardan 3 tasi darslik (hammualliflikda), 2 tasi o‘quv uslubiy qo‘llanma, 20 taga yaqini ilmiy monografiya va biobibliografik nashrlar, 70 tadan ortig‘i ilmiy jurnallardagi maqolalardir. 

Sh.B. Qurbonov hozirda “O‘zbekiston hududlarida aholi turmush sifatining ijtimoiy geografik tahlili: nazariya, metodika, amaliyot” mavzusidagi 11.00.02-"Iqtisodiy va ijtimoiy geografiya" ixtisosligi bo‘yicha doktorlik dissertatsiyasi ustida ishlamoqda.