Rektor talabalar bayramida ishtirok etdi

     Chirchiq davlat pedagogika universiteti rektori G‘ofurjon Muxamedov talabalar turarjoylarida istiqomat qilayotgan talabalar holidan xabar oldi. Universitet rahbari talabalar shaharchasida tashkil etilgan ma’naviy-ma’rifiy tadbirda ishtirok etdi hamda ularning yashash sharoiti, mavjud muammolari haqida suhbatlashdi.

     Talabalar turarjoylarida yoshlar bo‘sh vaqtini mazmunli o‘tkazish maqsadida turli mashg‘ulot va tadbirlarni tashkil etilishi an’anaga aylandi. Universitet rektori jarayonda talabalar bilan ishtirok etdi. Yoshlar bilan kelajakdagi maqsad va rejalari xususida suhbatlashdi.

     — Rektorimiz bilan bevosita suhbatda bo‘lish, o‘z ijodimizni ko‘rsatish va ishlarimizning universitet rahbari tomonidan baholanishi biz uchun sharaf. Bu bizga katta motivatsiya berdi, — dedi Kimyo yo‘nalishi talabasi Rayhona Mahkamova.