Sapa Matchanov
Kafedra Professori
S.Matchonov 1947 yil 23 yanvarda Qoraqalpog‘istonning Amudaryo tumanida Qipchoq qishlog‘ida ziyoli oilasida tavallud topgan.
1964 yil M.Lomonosov nomli 11 yillik umumiy o‘rta ta’lim maktabini tamomlagan.
1965-1969 yillarda Nizomiy nomidagi Toshkent davlat pedagogika institutida tahsil olgan.
1969-1970 yillarda harbiy xizmatda bo‘lgan.
1971-1974 yillarda Amudaryo tumanidagi Furqat nomli maktabda ona tili va adabiyot o‘qituvchisi lavozimida ishlagan.
1974-1990 yillarda “O‘qituvchi” nashriyotida musahhih, muharrir, bo‘lim mudiri lavozimlarida faoliyat yuritgan. 1983 yilda “So‘nggi yillar bolalar qissalarida syujet” mavzusida nomzodlik dissertatsiyasini himoya qilgan.
1985 yilda 19-28 dekabrda Moskvada bo‘lib o‘tgan sobiq sovet ittifoqi bolalar tanqidchilari seminarida “O‘zbek bolalar adabiyotining taraqqiyot bosqichlari” mavzusida ma’ruza qilgan.
1985-1995 yillarda Nizomiy nomidagi Toshkent davlat pedagogika universiteti “Ona tili va adabiyotini o‘qitish metodikasi” kafedrasida dots.nt, professor lavozimlarida faoliyat yuritgan.
2001-2006 yillarda “Hozirgi o‘zbek adabiyoti” kafedrasini boshqargan.
1998-yilda “Umumiy o‘rta ta’lim maktablarida adabiyotdan mustaqil ishlar” mavzusida doktorlik dissertatsiyasini yoqlagan.
2001-2006 yillarda Nizomiy nomidagi TDPU huzuridagi ilmiy darajalar beruvchi ilmiy kengashning ilmiy kotibi bo‘lgan.
2018 yildan Chirchiq davlat pedagogika universiteti O‘zbek adabiyotshunosligi kafedrasi professori lavozimida ishlamoqda.
2021 yildan Chirchiq davlat pedagogika universiteti huzuridagi ilmiy kengash a’zosi.
Safo Matchonov rahbarligida 21 ta magistr, 4 ta fan doktori, 16 ta fan nomzodi (PhD) dissertatsiyalari himoya qilingan.
Olim 5 ta darslik, 10 ta o‘quv qo‘llanma, 5 ta monografiya, 180 dan ortiq ilmiy-metodik maqolalar muallifi, 40 dan ortiq dissertatsiyalarga opponentlik qilgan.
Safo Matchonov Nukus davlat pedagogika instituti, Jizzax davlat pedagogika universiteti, Namangan davlat pedagogika instituti, Angren universitetlari bilan ilmiy-ijodiy hamkorlikda faoliyat yuritmoqda. Ana shu faoliyati davomida jonkuyar olimga Namangan davlat pedagogika instituti professori faxriy unvoni berilgan (2025).
Metodist olimning boshlang‘ich sinflarda o‘qish, ona tili o‘qitish metodikasi, bolalar adabiyoti, adabiyot o‘qitish metodikasi yo‘nalishidagi ilmiy-metodik ishlar o‘rta, o‘rta maxsus va oliy ta’lim taraqqiyotiga munosib hissa bo‘lib qo‘shilgan.