Sayfullayeva Ismigul Qodir qizi 1993 yil 26-iyulda Samarqand viloyati, Bulung`ur tumanida ishchi oilasida tavallud topgan. Millati o`zbek.
2009 yilda Toshkent viloyati, Chirchiq shahridagi 2- umumiy o`rta ta`lim maktabini a`lo baholarga bitirgan.
2009-2012 yillarda Chirchiq Tibbiyot kollejini a`lo baholarga tamomlagan.
2012-2016 yillar davomida Nizomiy nomidagi Toshkent davlat pedagogika universitetining Defektologiya fakulteti, Defektologiya yo`nalishida bakalavr darajasini olgan;
2018-2020 yillarda Nizomiy nomidagi Toshkent davlat pedagogika universitetining Maxsus pedagogika fakultetining, Surdopedagogika yo`nalishida magistr darajasini olish uchun taxsil olgan.
2023 yil 23-martda F.Qodirova rahbarligida Chirchiq davlat pedagogika universiteti huzuridagi ilmiy kengashda “Bo`lajak logopedlarning kasbiy kompetensiyasini rivojlantirishda art texnologiyalardan foydalanish” mavzusidagi 13.00.03-Maxsus pedagogika ixtisosligi bo`yicha dissertatsiya ishini himoya qilgan. O`zbekiston Respublikasi Oliy attestatsiya komissiyasining 2023 yil 5 maydagi 337/1 -sonli bayonnomasiga asosan pedagogika fanlari bo`yicha falsafa doktori (PhD) ilmiy darajasi berilgan. (01 № 009999)
Mehnat faoliyatini 2012 yilda BMTning Social innovations bo`limidan boshlagan. 4 yil davomida YUNISEF hamda BMTning ko`plab loyihalarida volontyor, proyekt manajer, xalqaro trener sifatida faoliyat ko`rsatgan. 2013-yilda “Eshitishda nuqsoni bo`lgan bolalarga shoshilinch yordam ko`rsatish” bo`yicha mini grand sohibi bo`lgan. So`ng 2014-2016 yillar davomida Imkoniyati cheklangan shaxslar uchun ixtisoslashtirilgan kollejida surdotarjimon; 2016-yildan 2020 yilga qadar 23-ixtisoslashtirilgan yordamchi maktabda logoped-defektolog; 2020 yildan shu kungacha Chirchiq davlat pedagogik universiteti, Pedagogika fakulteti Maxsus pedagogika kafedrasida v.b.dotsent lavozimida ishlab kelmoqda.
I.Q.Sayfullayeva 13 yillik pedagogik ish stajiga ega. Sayfullayevaning bo`lajak mutaxassislar bilan olib boradigan interaktiv amaliy mashg`ulotlari, inklyuziv va korreksion ta`limga qo`shayotgan amaliy va nazariy ishlari yuksak baholanadi.
I.Q.Sayfullayeva har bir ma’ruza va amaliy mashg‘ulotlarga yuksak pedagogik mahorat, ilmiy va metodik tayyorgarlik bilan qaraydi. Mashg‘ulotlarda zamonaviy axborot (Canva, Ispring, Quiz bot, Kahoot) va pedagogik texnologiyalar, multimediali ta’lim resurslaridan foydalanadi, talabalarning ilmiy-nazariy bilimlarini mustahkamlash maqsadida zamonaviy, ilmiy internet saytlari elektron resurslardan keng foydalanadi. I.Q.Sayfullayeva ma’ruza va amaliy mashg‘ulotlarni tashkil etishda “Keys-stadi”, “Loyihalar usuli”, “Tushunchalar tahlili”, “Profiportret”, “Muammoli vaziyat”, “Videotopshiriq” va “Mental xarita” usul va texnologiyalardan foydalanib kelmoqda.
I.Q.Sayfullayeva ijtimoiy tarmoqlarda ham faol bo`lib, o`zining shaxsiy kanal va videolari orqali ota-onalar, defektolog, logopedlar, bo`lajak mutaxassislarga o`zining amaliy yordamini berib kelmoqda. Quyidagi havolalar orqali faoliyat bilan yaqindan tanishishingiz mumkin:
http://www.youtube.com/@ismigulsayfullayeva5763
http://www.youtube.com/@interfaolmetodlar.didaktik9668
https://t.me/sayfullayeva_ismigul
Ilmiy izlanishlarning yo`nalishi.
Ismigul Sayfullayeva maxsus pedagogika sohasida bir nechta yo`nalishlarda ilmiy izlanishlar olib borgan. Jumladan, surdopedagogika yo`nalishi bo`yicha “Eshitishda nuqsoni bor 1-2- sinf oʻquvchilariga arifmetik amallarni bajarishni oʻrgatish” mavzusida; logopediya yo`nalishi bo`yicha “Bo`lajak logopedlarning kasbiy kompetensiyalarini rivojlantirishda art texnologiyalardan foydalanish” mavzusida, inklyuziv va korreksion ta`lim, art texnologiya, imkoniyati cheklangan bolalarni bilish jarayonlarini rivojlantirish bo`yicha tadqiqot ishlarini olib borgan. Hozirda ilmiy rahbari F.Qodirova boshchiligida"Bo`lajak logopedlarni kompleks diagnostikaga asoslangan korreksion faoliyatga tayyorlashning nazariy-metodologik asoslari" mavzusida ilmiy izlanishlar olib bormoqda.
